PHAJHI" DANG: 8:12 - Lacid Common Language Bible

¹² Yooboo yoo" su: gi yooboo moo" ri dashoo: ja: koid loug dei ri dadei nyid shi" wa. O" nghoid bye:- nyangnu" citid ziri ngoo se'. Mangsoo ri nang tam" gyo: nghoid rigi ja: khang" moo" ci: aca" wa.

PHAJHI" DANG: 8:12 Խաչաձեւ Հղումներ

COUNG" NGHEI 37:11

Nghoid loug we' nheigloem: khyo nyhoem: bang: koem gi mungdain: ri shoug" seung: nyid boem wa nghoid. Nyid gi nyid de khyoo: yo' ngei pyo: myenjham" khyoo: ri shoug" kham: yu boem wa.

2PETRU 2:9

Hougsu" nghoid yoomo Mangsoo gi-tarha" phau" cang nyid bang: ri-nyangnu" thoung" shau" nyid da" jham" cau" da" akoug: mo wigi-khakhyo" khyoid yu wa ziyo'-akhyeung" ashoeb bang: ri tarha" dang: phyed' da" bidnyid ju" sho' khakhyo" wigi shen" yhen wa khyoo: ri we' nyang: se' nyid.

PHAJHI" DANG: 7:15

Nga" kangso' gyung: khyoo: gi akoem: nghoid lid: lo bye:. Nghoid loug we' ja: khang" moo" ri ngoo shau" myang bye:. Byu dayug gi akhyeing" ashoeb sho' nghoid loug we' xo' dei nyid da" uri byu gi dayug gi ge shid: lo" da:.

PHAJHI" DANG: 3:14

Mangsoo koid zi ja: khang" moo" apyaid atoo: moo geing: teing jo, wa ziri ngoo se' da:. Nang wigi houg: moo daja: we ayo" lung kaid- daja: we ayo" yu pyam wa. Houg: lho: Mangsoo koid zi daja: gi ngoonu" wigi nyang: ri gyoug phoug" wa zi nghoid da:.

Roma 9:22

Mangsoo: we' - houg: yo" dakhyoo" ti" koid. Mangsoo: gi - yo: phoin: myo nhoo: toin" shid' lho: nya yoem vhoo" phung" ri se' lo boem wa shid' re" - vho: ngei nyid. Nghoidloug we' nheig yo: zi thoung" shau" lho: byo yoin" shid: joem: loo" moin: mo ri gye kham zeing: yau: nyid.

LUKA 1:50

Aseing: ri phau" myang: gyoug voem da" byu dangain" ri Byu ngoug xi: yam: nya: nheig khyeig da" nheigloem: dabo nyid baja".

Roma 2:5

Nghoidloug we' - nang gi u" loem' thain: ci: lho: wigi nheigloem: ayo" thid'. Houg: yoomo - Mangsoo: nheig yo; lo lho: - dain: khyo" tarha" dang: phyed' lo da" bidnyid ri - re" shid' re" je lid: da" yoo bo dam ri shau" kham zoo: wa.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

PHAJHI" DANG: 7:18

Sung xo: zi eig shoid goin" ziri jang" pyam we'. Nang gi Mangsoo ri gyoug phoug" myid bo nghoid rigi khasu" nghoid loug we' nang oung: doid wa.

PHAJHI" DANG: 5:16

Hau: zigi ajoo nghoid da:. Ngoonu" re" ziyo' dakyoo" ngoonu" lo" da:. Ngoonu" gi moo" zei: boem- lid ri cang khaid myheig boem. Houg: lho: nyangnu" ci yo" yu la".

DANG: ZHOEM 13:21

Yau: khe: kyi" khyeug khyoo: gi yooboo dab, mo, da" joyoo khang" moo" moo: dacang lo nyid. Nghoid loug we' deing: byeung" da" byu yi jang" moo: koem gi ge da" khyoo: joem yo' phoug" tab, ngi: byid: da" khyoo: joem dacang lo nyid.

COUNG" NGHEI 115:13

Nyang: gi nyang: ri gyoug phau" da" byu yugkhang" moo" mo nge zi gyi: zi aga- dangain" mo, ri mainkaid byid: wa.

COUNG" NGHEI 112:1

Aseing ri coung" byid: nyid ge'- Aseing ri gyoug phau" lho: nyang: tid to" tarha" ri tam" gyo: cang yhi: wa vho: ngei nyid su: gi ngilho' nyid.

COUNG" NGHEI 96:9

Nyang: thu' myhang lo da" uri gyeung" shang: su: da" shidkhoin" moo poid thug thoug too" we'. Mougmyid gyab goin" nya: shid: khoin" moo gyoug nain" nyid we'.

1 KHOKHAM MHOOMYID: 16:30

Mougmyid dangain" gi nya: shidkhoin" moo: nain" nyid. Mougmyid gi joyoo moo geing: geing: teing teing jo, jo, wigi hau: zigi ayo" dei loeb nghoid da:.

1 KHOKHAM 21:25

(Nya: yhoem: seing: myhi' Yezebela wigi jhoin" da" gu: dangain" ri koid da" Ahab yhang: ti" Aseing da" shidkhoin" moo age da" moo" zoo" ri bain sho' nyang: nya: gung yo' nyang: koid zi hang" we' anyid nghoid da:.

TARHA" TID POIN" 12:25

Nanu" he: amyeing" dang: ri tam" gyo: cang yhe: nghoid rigi Aseing vho: ngei nyid wigi nanu" yo' nanu" amyed ashen yi dangain" nyid ge yhe: loo" wa zi nghoid.

THU' LO" MOUGSOUG" 1:20

Zoonu" pang" khu: byid: da" eig tang: gi Mangsoo ri gyoug phoug" su: eig tang nghoid yoomo Mangsoo gi nya: eig yug ri gi koid byid: wigi nya: eig yug ri ikoin deungkhu: zoo: du byid: da:. Israela byumyu" yigi xo' lho: myo: je: re" ziyo' yoem: bo re" ago".

TARHA" TID POIN" 4:40

Akhid" nyid" ngoo nanu" ri byid: da" nya: tarha" dangain" ri cang nyid ge'. Nanu" yo' nanu" amyed ashen yi dangain" nyid gi yab ge loo goo" wa. Nanu" Aseing Mangsoo wigi dapyaid shid re" nanu" ri byid: wa nghoid da" mungdain: moo nanu" xo' lho: yo" nyid boem goo" wa.

TARHA" TID POIN" 12:28

Ngoo nanu" ri byid: to" da" amyeing" dang: ja: khang" moo" ri jhug zug za: tam" gyo: cang yhi: ge'. Houg: lang" nanu" yo' nanu" amyed ashen" yiri apyaid atoo: nyid gi yab ge loo nhang: wa. Ciwim gari nanu" gi jo da" moo" yo' nanu" Aseing Mangsoo vho: ngei ziri koid yoomo nghoid wa.

COUNG" NGHEI 128:2

Re" da" lo, moo" gi nang ca" yo nyid da" khyoo: joem ri pang" thoug loo wa zi nghoid. Nang gi ngei pyo: gau yi lho: yo" loo se' loo wa.

PHAJHI" DANG: 5:7

Nang khanhoo' yhoebmo, myang nghoid loug we' moo" koem: khanhoo' zei: nghoid loug we' khanhoo' dang: tid nghoid loug we' nang gi Mangsoo ri gyoug phoug" zoo" ri nyid yhi: ca" shi" wa.

PHAJHI" DANG: 12:13

He: gu dangain" thang: ri tid wa zi daja: kyeing" dajo, lo. Mangsoo ri gyoug phoug" lho: nya: da" amyeing" dang: joem ri tam" gyo: cang yhe: nyid we'. Ciwim gari hau: shid re" nyang: byu ri phain to" zi nghoid.

YOBA 35:15

Mangsoo gi yooboo dam abyid: ga: nyang: gi yooboo ri ce: moo" asoin: ga: nang myid jho: da:.

DANG: ZHOEM 28:14

Aseing ri khanham we' phau" myang: nyid we' houg: lang" nang gi ngei pyoo: wa nghoid. Nang nheigloem: thain: nyid nghoid rigi byo, yoin" lo" wa zi za: nghoid.

YEREMIA 44:10

Nghoid loug we' akhid" nyid" ju" sho' nanu" gung ri nheigloem: anyhoem: khyoo' nghoid ago". Nanu" ngoo ri ngi: ashab byid:. Nanu" yo' nanu" da" phoug" phyid" yiri ngo wigi byid: to" da" tarha" joem dangain" ri cang wigi kangso' adei goo" nghoid da:.