Pang Shug 20:9 - Lacid Common Language Bible

⁹ Houg: bang: gi mougmyid' goem: sho' yoeb, do, lo wigi Mangsoo byu yi dab, yo' nya: jheddab da" voogung rilheung khoem' to" boem bye.Nghoid loug we' moug: khung: moug: di mo myi: gyoo" lo wigi nyangnu" rire" nghe, jhoem" pyam' bye.

Pang Shug 20:9 Խաչաձեւ Հղումներ

EZEKIEL 38:16

Nang gi mougmyid moo hau' lid: lo" da" uglid yhang: ti" nga" byumyu" Israela ri khaid zain: loo wa. Hau: ayo, ju" loo lang" ngoo gi byumyu" yiri ngoo hang" nghoid ziri ci: shug byid: wa yo' nang khyo" wigi ngoo koid lo" da" moo" moo nga" gyeung" shang: ziri ci: shug byid: wa shid re" nang ri nga" da" mougmyid khyoo: jhen" vang yhi: nhang: kaid wa.

EZEKIEL 39:6

Ngoo gi Magoga mougmyid mo zi hang" wigi we' phibu apu' lho: za: nyid boem da" panglai: gyid yam cang mo mougmyid joem dangain" ri ngoo myi: nghe' tab kaid wa.

EZEKIEL 38:22

Ngoo gi nyang: ri noophyoo' yo' suid" thu dam wigi yooboo dam byid: wa. Moug: yo' leigvoo tung: byung: joem yo' dage" myi: yo' fang lheig wigi nyang: yo' nya: da" gyidab moo we' nyangnu" shoid moo bo da" byumyu" myoo" sho' bang: jang" moo we' foid shoin" wa.

EZEKIEL 38:9

Nyang: yo' nya: gyidab gi byumyu" myoo" sho' yo' dage" uglid yhang: ti" khaid zain: lo wigi jhoemmoug" pung yhang: ti" hau: mougmyid ri nghoeb pyam loo wa ga: tid da:.

2 THESALONI 1:8

Mangsoo gi nyang: ri a lhoem: yu ziyo' ngeug pyam nyid bang: yo' yha" Aseing Yesu da" khyoo: ngei bu: lu dang: ri atam" gyoo: bang: ri shen" yhen wa zi nghoid.

COUNG" NGHEI 106:18

Nyangnu" da" thang cang mo, da atho moo myi: gyoo" lo wigi hau: akhyeing bang: ri nge" joem: pyam bye:.

COUNG" NGHEI 97:3

Myi: gi nya: shidkhoin" moo: yhe: lo" wigi nyang: ri vang: lheung ci: da" gyivoo joem ri nge" joem pyam nyid.

Pang Shug 13:13

Eig du: ein: da" akhyeung" gougnyhoug gi mau" pho" alhoo: again joem ri koid shug. Byu dangain" mo, da" shid khoin" moo moug: khung: mo myidjang: tho' khyoo:- myi: gyoo" loo nhang: khyo" we' yo" koid shug.

Pang Shug 11:5

Hau: sagse: eig yug ri dam, tab wa ga: byu dayug yoem: kaid' yu" nghoid loug we' nya: eig youg da" nhoid mo myiyham: thu' re" lho: hau: gyivoo yi ringhe, jhoem" pyam wa. Nya: eig yug ri dam, tab wa shid re" yoem: kaid' lo mo, dangain" ri we' houg: su" said' pyam' zi shau" boem wa nghoid.

LUKA 17:29

Sodom voo mo loid phang: thu' lo" da" bidnyid moo mougkhung: mo fang myi: mougvo lo wigi byu dangain" ri said toem" pyam bye.

LUKA 9:54

Cangzoo: Yaku yo' Yohan tang: gi he: khyoo: rimyang lang" nyang: tang: gi Aseing: we" nyangnu" ri nghe, said' pyam wa shid re" nga" eigyug gimoug: khung: mo myi: ri khe: khyo, yu wa: nang aveing" la?-ga: tid ago".

ESAIA 37:36

Aseing da" moug: lagyoo: dayug Asuri dab khyoo: gyoo" re" wigi gyizoo: 185,000 yug ri said pyam da:. Hau: thang: nyid" moug: boo" zoo" ri houg moo dangain" bang: shid: jo, ago".

GYUNG: SOO" 16:35

Hau: thang: ri Aseing gi myiyham: ri nhang: kaid wigi nam pyo: ja: ri shugbyid: go" da: byu 250 yug ri nghe pyam da:.

GYUNG: SOO" 11:1

Byumyu" yigi nyangnu" da" yau: khi" yo' sen: wigi Aseing ri khyang" shed shid" lo da:. Nyangnu" da" hau: dang: ri Aseing shoug" gyoo: lang" nyang: nheig yo: wigi byumyu" yi adang moo: myi: nhang: kaid byid: da:. Hau: myi: gi nyangnu" phung: moo: nge" wigi dab dathang: byo, yoin" byug bye:.

HEBRE 13:13

Hougsu" nghoid yoomo ngoonu" we' - voogung nghe: shoid mo nya: jhang khyoo: bo thu' yhe: lo" lho: nyang: kham' zo: da" asho, ashid: aphoug" akhyoid' koid ziri coem kham zo: boem shang.

HABAKU 1:6

Ngoo gi gye" gyoug phoo" ziyo' ahain: akhyoid da" Babelon byumyu" yiri yoem: boo so' boo nhang: wa zi nghoid. Nyangnu" gi sube" mungdain: joem ri zain: oung: loo" wa shid re" moug: gyab goin" jang khyoo: thu' yhe: lo" nyid boem bye:.

MIKHA 2:13

Mangsoo gi nyangnu" shid re" khyoo: doem phang byid: lho: tungbau meing: khyoo: pyoung" loo" shau" jang" mo nyangnu" ri shu" thu loo wa zi nghoid. Nyangnu" gi voomoo" khoem" joem ri phyo' sain" pyam wigi loid byoin loo" wa zi nghoid. Nyangnu" da" khokham Aseing: nyang: nyangnu" ri shu" thu loo" wa zi nghoid.

ESAIA 30:33

Goonham mo Asuri khosen ri nghi wa da" khyoem' moo" myi: dajo, yoo ri soin' to" da:. Hau: zigi no, wigi gyi: da:. Houg: lho: thang" myhang: sho' zuang to" da:. Hau: ziri nghe' pyam wa shid re" Aseing gi myiyham: ri moid thu kaid loo wa.

2 KHOKHAM 6:15

Thang: nyid" nab soin: no' Elisha da" dei zoo: to' re" lho: yhoem: mo thu lo" ri Suri gyizoo: yigi myang: joem gyi myang: rheing" joem yo' voogung ri vang: lheing to" boem ziri yhe: myang da:. Nyang: gi Elisha jhang doem tau" lo" wigi «Yhoem: seing: we"- ngoonu" gi joem: bye:- cisu" koid wa la"» ga: myid: da:.

APOEM AYANG: 19:24

Aseing gi nyeigdain tung" Sodom yo' Gomora tho' khyoo: fang myi: moug: vo khyo' kaid lho:

LUKA 21:20

Yerusalem voo moo" ri gyivoo joem re" lheing: kham: ci: ziri nanu" myang da" uri hau: voo byo, loo" wa zi jhang bye: ein: si' loo: ge'.

LUKA 19:43

Re" gyivoo yi gi kadug du:- dab goin" lheing khoem jhed lhoung lo ayo, ju" wa.

TARHA" TID POIN" 23:14

Nanu" da" gyidab joem ri noku thung" khyo" younglho' tung" too" we'. Ciwim gari nanu" da" Aseing Mangsoo gi nanu" ri goem loem byid: wigi nanu" da" gyivoo yi atho' moo oung: doid nhang: wa shid re" nanu" da" gyidab moo nanu" yo' dage" nyid da:. Aseing gi nanu" mo nungthang phug loo" nhang: da" ayung" ashoeb moo" ciri we' akoid goo".

COUNG" NGHEI 87:2

Nyang: gi Yerusalem voomoo" ri Israela meing: moo: jo, da- joyoo joem dangain" tho' moo: je" jheddab nyid.

YOBA 38:18

Mougmyid khayhi' gyi: ziri nang tho' se' rhe". Nang se' nghoid ri phid: kyo" yu" we'.