NEHEMIA 4:14 - Lacid Common Language Bible

¹⁴ Byumyu" yi seing" kho" nyid ziri ngoo shau" myang wigi nyangnu" yo' nyangnu" da" vhujhung: yi gyizoug: yiri «Ngoonu" da" gyivoo yiri agyug goo"- Aseing gi khayhi' gyi: sheung: lho: khayhi' gyoug dain ca" ziri myid boin: we'. Houg: lho: nanu" da" bidnoem yi shid re" nanu" da" nya: zoo: yi nanu" da" nya: yhoem: seing: myhi' yi nanu" da" yhoem: joem shid re" gyi zain: byid: ziri myid boin: ge'» ein: tid da:.

NEHEMIA 4:14 Խաչաձեւ Հղումներ

2 SAMUELA 10:12

Yoem: kaid wigi thug shang" nyid ge'. Nyha" byumyu" shid re" we' nyha" da" Mangso da" voomoo" shid re" we' nyhang" yoem: kaid lho: zain: boem shang- houg: lang" Aseing vho: khyo" bue" loo wa zi nghoid» ga: tid da:.

2 KHOKHAM MHOOMYID: 32:7

«Myid phyed pyam lho: voem" voem" nyid ge'. Asuri khosen ri yo' nyang: vhu" she: da" gyiphung: ri agyug goo". Nya: shoid mo tho' ngoonu" shoid moo yoem: je bo da:.

NEHEMIA 1:5

«Mougkhung: mo Aseing Mangsoo we"- Nang gi gyi: sheung: yug nghoid wigi nang ri ngoonu" gyoug yab jo, boem bye:. Nang gi nang ri jheddab bang: yo' to" da" dang: theing ri jhug zug tung" zoem: ci: wigi nang amyeing" byid: to" ziri cang da:.

YOBA 37:22

Mougzhung: shoid khyoo: yu" kaid ri sheing: yhang: ti" bang jo, da:. Houg: lho: Mangso da" bidbang gi ngoonu" ri gyoug mau" byug nhang: da:.

COUNG" NGHEI 143:5

Ngoo gi: lid: loo" bye: da" bidnyid joem ri daboin: so" nyid. nang koid shoug loo bye: da" moo" zoo' joem dangain" ri myid soin: yu" nyid ngoo gi re" da" lo, moo" joem dangain" ri damyid yu" nyid.

COUNG" NGHEI 20:7

Byu dayham" gi nyang: nya: da" gyi rheing" joem ri we' myang: joem ri nghoid loug we' loem nyid boem ago". Nghoid loug we ngoonu" gi ngoonu" da" Aseing Mangso yoem: so' ri daloem khau: nyid.

COUNG" NGHEI 27:1

Aseing gi nga" da" bidbang yo' khyoid yu khyoo: nghoid yoomo ngoo hang" ri we' gyoug aca" wa. Pyaid mo too: mo da" Aseing gi gyoug ci' ja: dangain" jang" mo ngoo ri lhoug zung" nyid yoomo ngoo khanham we' gyoug dain zi ashoug" loo: wa.

COUNG" NGHEI 46:11

Gyi: myhang: da" Aseing gi ngoonu" yo' dage" nyid. Yaku da" Mangsoo gi ngoonu" da" khoug: loo joyoo nghoid.

COUNG" NGHEI 65:5

Nang gi ngoonu" ri oung: doid loo" nhang: khyo" ngoonu" ri tu" byid: nyid lho: ngoonu" ri khyoid yu wa da- mau" pho" moo" zeing: ri zei: byid: nyid bye:. Moug: gyab, goin" yo' panglai: kyo: da" joyoo loem: khang" moo" mo byumyu" yigi nang ri loem khau: nyid.

COUNG" NGHEI 66:3

Nang koid da" moo" zoo" joem gi khayhi' mau" pho" khyoo: nghoid lha". Nang ci: da" zoug: myeing" yoem: vhoo" gi yoem: so' gye" boo yoomo Re" gyivoo joem gi re" shid moo: gyoug nain" zoore dagoeb, jo, lo: boem.

COUNG" NGHEI 66:5

Mangsoo nyang: koid shug bye: da" moo" zoo" yo' byu xangsu: yi da" agyoo: moo nya: da" mau" pho" moo" zoo" joem ri re" wigi yu" yu" we'.

THU' LO" MOUGSOUG" 14:14

Aseing gi nanu" shid re" gyi khaid byid: wigi nanu" dangain" gi ciwe' akoid ca" goo" wa» ga: tid bye:.

THU' LO" MOUGSOUG" 14:25

Nyangnu" so" yau: wa shid re" nyang: gi nyangnu" gyimyang: rheing" mo rheing" keing: ri yu pyam byid: bye:. Egutu byumyu" yigi «Aseing gi Israela byumyu" yi shoid moo yab wigi nyhang" ri gyi koid nyid. Hid: mo tau" loogoo" shang» ga: tid nyid ago".

PHAJHI" DANG: 12:1

Houg: yoomo nang ngi shi" da" ayo, nang nheigloem: thang da" bidnyid joem yo' «Kangso' gyung khyoo: moo ngoo apyoo:» ga: tid wa zain nyid aju" shi" ri re" phain" so: Aseing ri myid boin: we'.

DANIELA 11:32

Khokham phoo gi mhoug fain" da" khyo" wigi hau: laloem lakhoug: ri she: pyam khoo' bye: mo, mo pang" thoug ziri yo" yu wa nghoid loug we' Mangso da" byu yiri yhang: ti doem tau" khaid zain: loo goo" wa.

ZEKHARIA 14:3

Hau: thang: ri Aseing gi shid phyang" nyang: meing: zain: lo yu" bye: yhang: ti" nyangnu" ri shu" thu lo" lho: hau: byumyu" yiri zain: loo wa zi nghoid.

GYUNG: SOO" 14:9

Aseing ri athougtheung goo". Houg moo nyid da" byumyu" yiri we' agyug ca". Nyhang" gi nyangnu" ri lei lei za: yo" oung: pyam wa nghoid. Aseing gi ngoonu" yo' dage" nghoid wigi nyangnu" ri goem loem byid: da" yu phara" joem ri oung: pyam abye:. Houg: yoomo agyug goo"» ga: tid.

MATHE 10:28

Hau: lho: daja: gi gung shoo" ri za: te: yo" said' pyam' lho: nheigloem: Venyi: ri ayo" said' pyam' mo, ri agyug goo"- gung du: yo" Venyi: ri dalheing: dam- ngarai" mung" moo yo" shoin pyam' su: Mangsoo ri je gyoug nyid ge'.

TARHA" TID POIN" 10:17

Nanu" Aseing Mangsoo gi yu phara" dangain" tho' moo we' yoem: so' dangain" tho' moo we' je" gyi: myhang: su: nghoid. Nyang: gi gyi: sheung: ziyo' yoem: bo yug nghoid lho: nyang: gi phau" myang: moin: su: nghoid. Nyang: gi myonhoo: akhyen: nghoid da:. Nyang: gi khougvhoid jhungshug we' akham yu nghoid da:.

HEBRE 13:6

Houg: su" nghoid nyid yoomo " Hau" Aseing: gi ngoori pang" thoug su: nghoid, ngoo ce" ja" ri we' gyoug aca"- ngoori hang" ciyo" koid wa lha". ein: wigi nheigloem: kyung: kyung: ngoonu" tid nyid boem shang.

YOSHU 1:9

Ngoo nang ri myid phyed lho: loem jeing" wa shid re" amyeing" byid: bye: ziri myid boin: we'. Agyug goo"- yoem: ashoin: goo"- ciwim gari: re" Aseing Mangsoo ngoo gi nang khakhyoo: yhi: khakhyoo: nang yo' dage" nghoid wa» ga: tid.

TARHA" AGYI 3:27

Nyang: gi Ephrim boem moug: khyoo: ju" lang" gyi khaid wa shid re" Israela byu yiri khe: da" laboo" ri moid kaid da:. Houg: lho: nyang: gi nyangnu" ri boem moug: mo shu" gyoo" lo" da:.