NEHEMIA 2:17 - Lacid Common Language Bible

¹⁷ Nghoid loug we' akhid" koem' gi ngo wigi nyangnu" ri «Yerusalem byo, yoin" jo, lho: hau: da" voomoo" khoem" joem gi phyo' shoin' pyam zi shoug" yoomo ngoonu" khasu" yau: khi" loem zo: nyid ziri yu" ge'. voomoo" vang khyam: joem ri doem so' zhug lho: ngoonu" da" ngi: yoem" khyoo: ri thang nhang: loo: goo" shang» ein: tid bye:.

NEHEMIA 2:17 Խաչաձեւ Հղումներ

EZRA 9:9

Ngoonu" join yi nghoid loug we' nang ngoonu" ri join moo" zoo" khyoo: anhang: kaid nghoid da:. Nang gi ngoonu" ri Persi khosen shidkhoin" mo myonhoo: ngilang: yoo" wa shid re" we' byo, yoin" lo" da" Mangso Noku Yhoem: Moo" ri doem koid wa shid re" we' Yuda mung" yo' Yerusalem voogung moo laloem lanyu: nyid wa shid re" we' amyeing" byid: bye:›

NEHEMIA 1:3

Nyangnu" gi ashid: loo: nyid deing lho: moug: xoug" khyoo: doem lo" ju" nyid bang: gi gye" nyid yau: boem ziyo' aqei: ayam moo nyid da" tungbau byumyu" yigi nyangnu" ri yu" nge nyid boem da" khyoo: ngoo ri tid kyo" ago". Nyangnu" gi ngoo ri Yerusalem voomoo" vang joem byo, yoin" jo, shi" ziyo' voomoo" khoem" moo" joem gi nghe' pyam da" ayo, mo akhid" nyid" ju" sho' adoem so' koid shi" ziri tid kyo" ago".

NEHEMIA 2:13

Bidvang shoid langkhung" khoem" moo" khyo" ngoo voomoo" mo thu lo" lho: mougpyi: shoid Mainjung: gyid thu khyo" mhoid soid khoem" moo" khyoo: yhe: lo" da" uri myen" ayo, danghoid ashi". Ngoo yhe: lo" zoo" ri byo, yoin" jo, da" voomoo" vang joem yo' myi: wigi nghe' phyo' pyam to" da" khoem" moo" joem ri joeb ca: yu" khoo' bye:.

NEHEMIA 2:16

Ngoo kha khyoo: ju" yhi: kho' khyoo: ri we' ngoo cikoid nyid ziri we' hau: mung" mo gyizoug: yi hang" dayug we' asi' nghoid ago". Akhid" ju" sho' nga" Yuda byumyu" nyang: cang"- khainjung yi vhujhung: yi gyizoug: yi hau: moo" moo bo zei: wa gooji hang" ri we' ngo wigi ci: atid kyoo" shi".

NEHEMIA 3:15

Kohoze da" yuggi zoo: Shalum ga: da" Mizpa mung" du ri vhoebkhang" su: gi gyid thu khoem" moo" ri doem xo' zhug da:. Nyang: gi khoem" moo" duang dangain" ri bo zhug wigi khoem" moo" joem ri nyang: nya: joyoo moo tab to" lho: khoem" kyang yo' seig khyung" joem ri tab to" da:. Nyang: gi Shela gyid thoem" mo David da" voomoo" mo gyo" lo da" zoem" lhang: ju" sho' khokham khyam: yo' tab jo, da" gu: ri doem zhug da:.

COUNG" NGHEI 102:15

Byumyu" yigi Aseing ri gyoug phau" myang: lo boem wa. Mougmyid mo khokham yi dangain" gi Nya: da" yoem moo" ri gyoug phau" myang: lo boem wa nghoid.

COUNG" NGHEI 44:13

Ngoonu" da" yhoem: kyoo" cang" yigi nang ngoonu" ri khasu" koid nyid ziri myang pyam byid: yoomo nyangnu" gi ngoonu" ri yi foo: khyo" juang" yi nyid boem bye:.

COUNG" NGHEI 44:14

Sube" byumyu" yi da" mo, phung: gung moo nang gi ngoonu" ri yinoug tu pyam byid: joyoo koid pyam yoomo nyangnu" gi ngoonu" da" vhuloem ri: lhei, byid: wigi ngoonu" ri juang" yi gei sang: nyid boem.

COUNG" NGHEI 79:12

Aseing we" tungbau mungdain: yi da- shid moo: sho' thu nhang: lho: Nyangnu" gi nang ri rue" nyid yoomo nyangnu" ri nyhed zhang ju" sho' latoo: doem phug byid: we'.

COUNG" NGHEI 79:4

Bid noem mungdain: mo byumyu" yigi ngoonu" ri aphoug" akhyoid koid pyam boem ziyo' Nyangnu" gi ngoonu" ri juang" yi lho: yu" nge pyam nyid boem ago".

YEREMIA 24:9

Ngoo gi nyangnu" adang moo houg yhang: ti" da" yau: khe" kyi" khyeug zi bui" nhang: yoomo mougmyid dang mo byumyu" yi dangain" gi gyoug dain boem goo" wa. Byumyu" yigi nyangnu" ri juang"- nyangnu" khyoo: ri yi noug tu'- nyangnu" ri aphoug" akhyoid koid- nyangnu" da" myeing ri ngo wigi nyangnu" ri nyhid: sain" to" da" joyoo khyi' khang" moo" moo nheing" khoin" khyo" ci: loo goo" wa.

NGOUG JI: 2:2

Aseing gi nheig akhyeug loo: za: Yuda mung" mo voogung khang" moo" ri phyo shoin pyam bye:. Hau: mung" hau: meing: ri goem loem byid: da" gyidab joem ri we' phyo khyo pyam byid: bye:. Nyang: gi hau: khokham mungdain: yo' vhoeb khang" bang: ri myonhoo: shoem: loo" nhang: bye:.

NGOUG JI: 3:51

Voomoo" mo myiyi: yi byo, yoin" lo" ziri ngoo myang lang" seing" kho" lho: koug shu: nyid.

EZEKIEL 5:14

Re" aqei: ayam lheing khoem moo nyid boem da" mungdain: byu yi yugkhang" moo" gi re" nam khyo" lid: lo" uri nang ri yu" juang" wigi nyangnu" da" vi: moo: to" too" wa.

MIKHA 7:11

Yerusalem voobyu yi we"- voomoo" vang khyam: doem zhug wa ayo, ju" lo nyid bye:. Hau: ayo, moo nanu" da" mougmyid gyi: lo zi shoug" wa.

1 SAMUELA 11:2

Nahasha gi «Akhyoo" daloem: da" dang moo nanu" yo' ngoo dang: thang" cab too" goo" wa zi nghoid. Byu dangain" bang: da" lo, ri yug khyau" lho: myojid" ri thau" phug wigi Israela byumyu" yi dangain" ri tid phue: pyam nhang: wa zi nghoid» ga: doem phug tid.