MATHE 5:30 - Lacid Common Language Bible

³⁰ Re" da" lo, yo lo, nang ri shoid' nhang: nghoid rigi hau: lo, ri jab khyo' pyam' we' gung goin" ngarai mung" moo gyoo" loo" wa tho' moo re" gung daja: te: yoin" wa zi gi je ge nyid.

MATHE 5:30 Խաչաձեւ Հղումներ

MATHE 11:6

Ngoo yoomo nheigloem: aleing mo gi ngi lhoo wa"» ga: tid kyo" kaid.

MATHE 13:21

Nghoidloug we' nheigloem: moo agyi: no, no, azug yoomo daso' za: te: bo jo, lho: mungdang: tarha" yoomo sei: daja: ja: thu' lo lho: su" juang" yi shen" yhen zi thoung" shau" lo da" uri hau: yug gi dalheing: dam doem phoug lo" bye- houg: yhangti" su: ri tid nau zi nghoid.

MATHE 16:23

Yesu gi lheing: yu" lho: Petru ri «satan: yu we"- nga" jang" mo thu' loo" we' nang gi nga" shid mo thoem: tho: leung joyoo danghoid. Khasu" wim gari-re" da" nheigloem: gi Mangso shoid khyoo abo myid yu"- byu vho: khyo" za: te: myid yu"» ga: tid.

MATHE 17:27

Houg: su" nghoid loug we' nyangnu" da" nheigloem: moo anoo nhang: wa da" shid re" Nanu" gi gyid thoem" khyoo yhe: lho: ngoo: myhed' ge'. Xang: shid" shau" myhed' yu da" ngoo: ri nhoid' lang: fo, yu" ge" Dingga" ngei dakyab' ri shau" yu goo" wa. Hau: da" ngei ri yu lho: nang nyang: yo" nga" shid re" houg: bang: ri byid: pyam we'» ga: tid.

MATHE 18:8

«Re" da" khyid: nghoid loug- lo, nghoid loug re" da" loem" jeung" nheigloem: ri lhu: phyo' nghoid rigi Hau: khyid: yo" lo, ri kho" pyam we'. Khyid: lo, joeb' joeb' yo"- apyaid ato: da" myi: thoem" moo davang loo" wa tho' rigi gungdu: ajoeb' byeung" lo: zi apyaid ato: kangso' yo" yu zigi je ge nyid.

MATHE 22:13

Hou thang: khokham" phoo gi nya: dei zoo: yiri ‹He: yug da" khyid: lo, moo tei" joeb lho: nghe: shoid mo moug coid khoug: khyoo du" zei kaid ge'› ga: tid. Hau: joyoo moo nyang gi" ngoug byid: ngoug nhab' yo"- zei yang: ngaid zeing kham: yau nyid wa"- ga: tid.

MATHE 25:20

Sheing: kyab wim: khyeing" yoo" su: gi amyaid wim: khyeing" kyab ci: ju" re" lho: «Aseing we"- ngoori Aseing sheing: wim: khyeing" kyab byid:- yu" we' hid: moo ngoo amyaid wim: khyeing" kyab yoo" bye:» ga: re" tid.

MATHE 26:31

Hau: thang: ri Yesu gi «jhoem: mungdang: moo yang zung" su: ri said pyam lang" gi yang joem gi abyoo asain" bei, sain" loo" wa ga: tid to" ziyo' dakhyoo" ti" akhimyen nyang: nanu" gi ngoori she: pyam too" kho' lho: phang: sain" lo" boem goo" wam: bye.

MATHE 5:22

Ngoo nanu" ri tid da" zigi nya: mang: nya: nhung" ri nheig yoo: su: hang" nghoid loug we' yooboo byid: wa zi moin: yi" nyid bye. Nya: mang: nya: nhung" ri yooboo hoeb' ga: tid su: we' hau: ludaid phung: mo dang: khoo' gi" bye. Hau: lho: koo" dau: he: zi ga: tid su: gi ngarai" myi: yo' moin: yi" nyid bye.

MATHE 5:29

Houg: su" nghoid yoomo re" lo, yo' myojid" nang ri yu" shoid nhang: nghoid rigi hau: myojid" ri kyung" thoid pyam' we' re" da" gung goin" ngarai" mung" moo gyoo" lo" tho' moo re" gung daja: te: yoin" zigi je ge nyid.

MARKU 9:43

Re" lo, wigi re" loem" jeung" khyoo: ri ze" phyo' byid: nghoid rigi hau: lo, ri phyed pyam we'. lo, eig lo, goin" yo' myi: khanham we' ashid: ashoem: lo" da" myi mi: thoem" moo gyoo" loo" wa tho moo lo, dashoid adab lo: zi kangso. dei shoid khyoo: vang loo" wa zigi re" shid re" je ge'.

LUKA 12:5

Nanu" gyoug moin: su: ri ngoo toin" shid ba. Gung shoo" ri said thang: ri nanu" ri ngarai mung" moo yo" khyo kaid su: ri gyoug nyid ge'. Nanu" ri ngoo tid. Hau: Aseing: ri je: gyoug nyid ge'.

LUKA 17:2

Zooshang: dayug yug ri yooboo koid: nhang: su: gi nya: da" leingzeing: moo gyi: da" lug lheing: gyab tei" tab lho: no, thang da" Panglai gyid thoem" khoug: khyoo:- khyo pyam wa zi nya: shid' re" je ge nyid.

Roma 9:33

Jhoem: mungdang: moo- Tam" gyoo: ge' - byu yi thoung" thoe: leung loo" nhang: wa shid' re" lug daloem: ri Zion boem tho' moo ngoo zhug too" wa. Byu yi gi hau: lug loem: ri thoung" lho: leung: loo" goo" wa. Nghoidloug we' hau: lug loem: ein: da Khristu ri nheigloem: ung: khoug: bain" sho' loem" jeing" su: gi - Khanham we' nheigloem: byo loo" wa zi anghoid.- ga: wigi bo jo da.

1Korinthians 8:13

Hougsu" nghoid yoomo zo: noem khyo" nga" mang: nhung" phoo, ri- nheigloem: leung nhang: wigi- yooboo dakoid nhang: wa nghoid rigi- nga" mang: nhung phoo, aleung loo" wa shid re"- ngoo dapyaid' goin" shoo" azoo: loo: za: nyid wa.

GALATI 5:11

Nghoid loug we' mang nhung yi we"- athang: dayham" ca" ein:- ngoo daxo, kho" nyid nghoid rigi ci: yoomo shen" yhen khyoo: ri ngoo shau" zo: nyid shi" wa la". Hougsu" kho" kyo" ga: zi dadeung nghoid rigi Khristu da" pyang" zeing khyoo: ri ngoo kho" kyo" jang" moo ngoo yau: khe jam jau zi shau" loo wa anghod.

1PETERU 2:8

Gootu: da" jhoem: mungdang: daloem: moo gi hau: lug loem: gi byu yi ri khyid: vhu" thoung" leung nhang: da" lug loem: yo' nyangnu" ri leung loo" nhang: da" lug zeing ga: lhid" to". Houg: bang: gi Yesu da" lu dang: gi, ri atam" gyo: boem yoomo thoung" thue: leung lo" boem bye- Hau: khyoo: koem gi Mangsoo nyheung to" da" khyoo: nghoid.