MATHE 5:22 - Lacid Common Language Bible

²² Ngoo nanu" ri tid da" zigi nya: mang: nya: nhung" ri nheig yoo: su: hang" nghoid loug we' yooboo byid: wa zi moin: yi" nyid bye. Nya: mang: nya: nhung" ri yooboo hoeb' ga: tid su: we' hau: ludaid phung: mo dang: khoo' gi" bye. Hau: lho: koo" dau: he: zi ga: tid su: gi ngarai" myi: yo' moin: yi" nyid bye.

MATHE 5:22 Խաչաձեւ Հղումներ

APOEM AYANG: 37:4

Nya: mang: bang: gi nyangnu" ri tho' re" nya: nhung" Yoseb ri nya: phoo je jheddab ziri myang lang" nyangnu" gi nya: nhung" ri atho' tid ngheing" wigi zoem" khau: ji khyoo: moo anoug ashoo" koid boem ago".

APOEM AYANG: 37:8

«Nang gi khokham zoug: ludaid koid lho: ngoonu" tho' moo vhoeb nyid wa ein: soin' nyid lha"» ga: nya: mang: bang: myid:. Houg: yoomo nyangnu" gi nya: yhoebmo, gang mo we' nyangnu" da" khyoo: ri khyang" shid gang mo we' nyang: ri je je ngheing" bye:.

2 SAMUELA 16:7

Shimi gi nyang: ri nheing" ziyo' tid zigi «Byu said su: we"- youg: koid su: we" thu loo" we' phang: thu loo" we'.

2 SAMUELA 6:20

Hau: thang: ri David gi nya: yhoem: byu yiri vhu" khoo' wa ga: yhoem: khyoo: vang lo" uri Mikhala thu lo wigi nyang: ri lhoem: tau yu da:. Xo' lho: nyang: gi «Akhid" nyid" da" bidnyid ri Israela khokham gi nya: gung nyang: myeing gyi: sho' koid nyid bye: nhung: lha". Nyang: gi nya: gung ri nya: da" gyizoug: yi da" dei zoo: myiyi: yi shidkhoin" moo koo" su: yhang: ti" koid shug nyid bye: nhung» ga: tid.

1 KHOKHAM 21:4

Ahab gi Nabod nyang: ri tid bye: da" dangkhoin" yoomo yoem: shoin: ziyo' nheigloem: yoin ziyo' yhoem: khyoo: lo" da:. Nyang: gi nya: yhoeb yoo moo lheing jhang" jo,- pyiyam khyoo: myonhoo: shu: lho: ci: we' azoo: loo: nyid nyid da:.

2 KHOKHAM MHOOMYID: 16:10

He: Lapi: dang: yoomo Asa gi Lapi: hoo' ri gye" nheig yo: lho: nyang: ri jangcoo" yo' tei" to" da:. Hau: ayo, mo nyang: Asa gi mung" byu yi dayham" ri anoug ashoo" shen" yhen da:.

2 KHOKHAM MHOOMYID: 19:5

Nyang: gi Yuda mung" mo gyidab voomoo" khang" moo" moo tarha" agyi yiri sain' to" da:.

NEHEMIA 5:8

«Ngoonu" gi nyangnu" nya: gung ri tungbau yi jhang oung" pyam ca" wigi oung" pyam bye: da" ngoonu" Yuda mang: nhung" yiri ngoonu" ge bue" da" yhi' doem tau" qei yu bye:. Akhid" nanu" gi nanu" nya: mang: nhung" yiri nyangnu" nya: bidnoem seing" cang" Yuda byu yi jhang nyangnu" nya: gung ri oung" zoo: ca" wa khyo" agyoo: atho' phain" nyid ago"» ein: tid bye:. Vhujhung: yigi sam: zoo: nyid nyid wigi ci: we' ayo" tid nghoid ago".

COUNG" NGHEI 109:3

Nga" da" khyoo: ri ashoeb khyo" juang" yi dang: khoin" yo,- nyangnu" tid nyid boem wigi ce" yooboo we' abo jang" moo ngoo ri gyi koid shoo" koid nyid boem ago".

COUNG" NGHEI 14:1

Soozoo: alheung: mo nyangnu" gung nyangnu" tid zigi «Mangsoo anyid» ga: nyangnu" dangain" mo, gi nheigloem: byo, yoin" mo, nghoid wigi aco' ajhoid da" moo" zei: boem bye:. Jo da" moo" se' zei: zigi dayug gyeing" we' aboo.

COUNG" NGHEI 25:3

Nang ri loem khoug mo, gi asoem" lo" yu. Nghoid loug we' nang ri thoug shang doin: lhoem" hain: nyid mo, za: soem" joem: lo" ago".

COUNG" NGHEI 35:19

Ngoo ri: juang" nyid da" nga" gyivoo joem ri ngoo soem" joem: lo" khyoo: agau, yi nhang: nyid. Ce" sei: we' abo jang" moo ngoo ri nheung" nyid mo, rigi ngoo kougshu: khyoo: yoomo agau, yi nhang: nyid.

COUNG" NGHEI 37:8

Myid amyoo- nheug we' ayo: nyid. Hau: zigi nang ri yau: khe" kyi" khyeug khyoo: za: dabui" nhang: nyid.

COUNG" NGHEI 49:10

Adu: adam: mo, yo' koo" mo, wim: yhang: ti" phajhi" si' mo, lang" gi shid: ca" zi hang" we' se. Nyangnu" dangain" bang: gi nyangnu" da" jonu" ri nyangnu" da" amyed ashen yi shid mo teung too" kho' boem.

COUNG" NGHEI 69:4

Ce" yooboo we' abo jang" moo ngoo ri ngheung" nyid mo, gi nga" da" vhudi xam: khaid tho moo: je myo: nyid boem. Nga" gyivoo yigi ngoo ri mhau, fain" juang" yi da" dang: tid boem lho: tu: lhoin" lo nyid boem ago". Nyangnu" gi yoem bo boem wigi ngoo ri said pyam nau nyid boem- ngoo akhau" yu da" ziyoo joem ri doem xab, nhang: nyid boem.

COUNG" NGHEI 92:6

Akoo" adau: su: gi ase' gyo: ziyo' phajhi" aboo su: amyed ju" da" khyoo: daja: jo, jo,.

DANG: ZHOEM 14:16

Phajhi" boo su: gi yau: khe" kyi" khyeug ashoug" sho' lhed zed" nyid. Nghoid loug we' ko" da" byugang: koem gi alhid azed" ziyo' ahain: akhyoid za: dakoid nyid.

DANG: ZHOEM 18:6

Byugang: gi ngeug se: shed" lo rigi nyang: voosi" dam, mho' nyid zi nghoid.

YEREMIA 17:11

Adeing: main" da" khyo" ngei yoo" da" su: gi ngho' gi u akhyoo' lho: ngho' u joem ri vhoeb da" ngho' yo' du da:. Zooyam kung" kung" nghoid uri nya: jonu" soem" byug wa. Lo" thang moo nyang: gi ci: ayoo" loo koo" su: bue" byug wa.

NGOUG JI: 3:52

Nyang: gi ngoo ri ngheing" wa khyoo: ci: abo da" gyivoo joem lo, moo ngho' dadu: ri yhang: ti" myhi' lhoung to" zi shoug" bye:.

DANIELA 3:13

Houg: lho: khokham phoo nheig joem: jo, yo: re" lho: hau: byu soem" yug ri nya: shidkhoin" khyoo: shu" ri" nhang: da:.

DANIELA 3:19

Hau: thang: Nebukhadneza gi nheig yo: lho: Shadrag- Meshag yo' Abednego ri nheig yoo: yoomo nya: myonhoo: byang: byang: ne re" da:. Houg: lho: nyang: gi myikhyoem moo" ri nyhed zhang myoo: sho' myi: zoin: wa shid re" nya: byu yiri amyeing" byid: da:.

OBEDIA 1:10

Nang gi Yaku da" amyed ashen re" da" mang: nhung" yiri lhoid yu lho: said loo bye: yoo mo nang rigi apyaid atoo: moo phyo' shoin' pyam zi shau" wigi asho' ashid: bue" zi shoug" loo" wa nghoid.

OBEDIA 1:12

Yuda mung" mo re" mang: nhung" yi da" nheig byu jang: ajo, loo bue" lo" ziri nang gi yu" gau nyid wa zigi a eung: nghoid da:. Nyangnu" byo, yoin" lo" da" bidnyid moo nang gi age yu" gau nyid nghoid da:. Nyangnu" da" nheigloem: gi yoem: shoin: zi shoug" nyid jang" moo nang gi nyangnu" da" atho' moo yi juang" wa zigi a eung: nghoid da:.

MATHE 10:17

Byu yi ri lhid' ge'. khasu" wim gari tarha" agyi yi da" lo, moo ab pyam' boem wigi nyangnu" da" tarha" jung moo nanu" ri shen" yhen: baid said' koid: boem wa.

MATHE 10:28

Hau: lho: daja: gi gung shoo" ri za: te: yo" said' pyam' lho: nheigloem: Venyi: ri ayo" said' pyam' mo, ri agyug goo"- gung du: yo" Venyi: ri dalheing: dam- ngarai" mung" moo yo" shoin pyam' su: Mangsoo ri je gyoug nyid ge'.

MATHE 12:24

Pharishe yi shau" gyoo: lang" gi «he: yug gi yu zoug: Bezebula da" yoem: so' khyo" yu ri dayo" khaid thu' pyam eung:» ga: tid go" nyid boem.

MATHE 17:5

Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

MATHE 18:21

Hau: thang: ri Petru gi Yesu jang" moo yhe: lho: «Aseing we" nga" mang: nhung" gi ngoori shoid nghoid ri kha myhoo lheing: koo: ngoo nyang: ri yooboo khyoid byid: wa lha". nyhed lheing: ju" sho' khyoid byid: ca" la"» ga: myid: yu.

MATHE 18:35

Houg: su" nghoid yoomo nanu" gi mang: nhung" nyang: cang"- dayoug da" yooboo ri dayug- re" da" nheigloem: ung: khoug: mo, gyeing" gyeing" khyoid pyam byid: go" nghoid rigi Mougkhung: tho' mo Nga" phoo we' nanu" da" yooboo ri gyeing" gyeing" khyoid pyam byid: wa zi nghoid ga: wigi jhoug" byid.

MATHE 23:15

«Akug void da" Tarha" sara: yi yo" pharishe - nanu" gi joem: lo" nyid abye: go. Nghi: zain mo byu dayug ri Yuda noku byu dayug khyo" yo" fang yu wa shid re" Nanu" gi gyid mung" gu:- tung: gung lid loo" sho' pyi" kyang: su" kyo' yen" ago". Phung: yo" fang too" bye: su: ri lang" gi nanu" nyang: mo, eig boem je myoo: sho' ngarai mung" yo" moin: yi" da" byu bui" nhang: pyam boem rigi nanu" shid re" khayhi gyoug: phoo" nghoid.

MATHE 23:33

Myu joem yo" lhang: myu nya: myid nya: zoo: yi we"- nanu" gi ngarai mung" moo kham: zo: wa da" dam mo khasu" koid: se' loid lo" boem wa lha".

MATHE 25:41

«Hau: da" thang: ri khokham" gi lo, koung" shoid khyoo nyid mo, ri ‹joem: so: zhung" da" byu yi we"- nga" jang" mo gang: loo" ge'. Yu satan: yo' nya: lagyoo: yi shid re" ein: nyheing to" da:- moo myi: apyaid atoo: thoem" khyoo vang loo" ge'› ga: tid.

MATHE 26:59

Khainjung moo" yi yo" dage" kongsi byu yi dangain" mo, gi Yesu ri yo" said pyam sho'-ajo, da" mhau da" sagsi: ri sho: nyid boem.

MATHE 3:17

Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.

MATHE 5:34

Ngoo nanu" ri tid da" zigi nanu" ce" ja: moo" moo we' nheing" go"- jham tang: go" da" khyoo: akoid: goo. Mougkhung: myeing we' yo" yu zi anghoid. Houg: gi Mangso da" zhung: tang nghoid.

MATHE 5:44

Ngoo nanu" ri tid da" zigi nanu" da" gyivoo yi ri jheddab ge'. nanu" ri shin" yhen, mo, shid re" akyu" mho' byid: ge'.

MARKU 14:55

Khainjung yi yo'-Yuda tarha" yab do, goin" jang" mo ludaid yi dangain" mo, gi-Yesu ri yo" said pyam sho' ga: sagsi: sho: boem nghoid loug we' nyangnu" ce" sagsi: ashau" shoo: nghoid ago".

MARKU 15:1

Nabsoin: no" mo Khainjung zeing yi yo' Ludaid yi tarha" sara yi Yuda tarha" koung si: goin" mo mo, -hain: hain: za: byen phyoo" sham: go" nyid boem bye-hau: thang: ri Yesu ri tei" wigi Pilaid ri yhe: she: ab byid: pyam ago".

LUKA 12:5

Nanu" gyoug moin: su: ri ngoo toin" shid ba. Gung shoo" ri said thang: ri nanu" ri ngarai mung" moo yo" khyo kaid su: ri gyoug nyid ge'. Nanu" ri ngoo tid. Hau: Aseing: ri je: gyoug nyid ge'.

LUKA 22:66

Myo, myang lo da" uri Yuda byumyu" vhu" jhung: yi nghoid da" khainjung agyi yi yo"- tarha" sara: yi gi zeing: foem: nyid abye: go. Hau: thang: ri Yesu ri nyangnu" nya: da" tarha" kongsi: moo khe: shu" lo" ago".

YOHAN 11:47

Houg: su" nghoid yoomo khainjung agyi moo" yi yo"- Pharishe yi gi Yuda zoug: yi da" kongsi: zoeb phung: khe lho: Yu" ge, he: yug gi mau" pho" moozoo" myoo: zei: shug nyid bye. Ngoonu" khasu" koid' boem wa lha".

YOHAN 15:25

Hid: su" ngheing" da" khyoo: gi-Nyangnu" da" tarha" moo lhid' to" ziyo' nyangnu" gi ngoori ci: yoo abo da" jang" moo- ngheing" boem ga: to" ziyo' dakhyoo" bue" lo da" khyoo: nyang: nghoid bye.

YOHAN 7:20

Meing: byu: yi gi nang gi yu vang ci: su: nghoid. Nang ri said wa ga: hang" su: se' soin nyid wa ga: tid boem.

YOHAN 8:48

Nyangnu" Yesu ri Nang gi Samari byumyu" dayug nghoid lho: yu vang ci: su: nghoid ga: wigi ngoonu" tid dang: shoid la"» ga: myid: boem.

ACTS 17:18

Epikuri yo: Ati- yi nheigloem: phajhi" sara: yi dayham" we' polu yo' gye" tid ngeig go" nyid boem. Nyang: nu" mo dayham" gi He: ci: ase' da" koopyoid' khyoid' gi ce" noem, ri tid nau nyid lha"» ga: tid boem lho: gootu: dayham" bang: gi goo tu: byumyu" yi da" phara" khyoo: tid nyid sam" ga: tid go" nyid boem. Nyang: nu" hidsu" tid nyid boem zigi Yesu Khyoo: yo' nyang: doem dei to'' lo da" khyoo: ri Polu kho" kyo" nyid yoomo nghoid.

ACTS 22:30

Gyizoug: moo" gi Yuda byumyu" yi ci: yoomo Yooboo foin: go" khyoo: ri khyag za: si noug yoomo nyang: gi thang: nyid ri Polu ri jang co" tei" to" ziri phoid: pyam' nhang: lho: khainjung agyi moo"' yi yo' Yuda tarha" yabdo, moo boo mo, dangain" ri zeung: phoung lo boem wa shid' mo amyeing" khyo' kaid' bye. Hau: thang: ri nyang: gi Polu ri shu" lo wigi nyangnu" da" shid' khoin" moo yab, jo, nhang.

ACTS 23:1

Polu gi Yuda tarha" yabdo, goin" bang: ri yu" zhug to" lho: Nga" mang: nhung" Israela byumyu" yi we" - akhid" nyid" ju" sho' ngoo gi Mangso da" shid' khoin" moo nheigloem: gyeing: gyeing: za: kang: so' dei, lid loo bye- ga: tid.

ACTS 24:20

Houg: su" anghoid lang" gi ngoo tarha" yab, do' bang: da" shid' khoin" moo yab, jo, da" uri nyangnu" nga" atho' moo myang da" yooboo yo' shoid vhang: da" khyoo: ri he: byumyu" yi gi akhid" he: da" joyoo moo tid goo" baja".

ACTS 4:15

Houg: yoomo nyangnu" gi nya: eig yug ri tarha" yab, do, mo thu' loo" nhang: lho: wigi nyangnu" nyang: cang" byen, phyoo" sham: go" nyid boem.

ACTS 5:21

Lagyoo: yi we' tid da" dang: ri tam" gyoo: yoomo nyangnu" gi nabsoin: myo myang yid' moo noku yhoem: moo" khoug: moo vang yhe: lho: jhoug" byid: nyid boem ago". Hau: khainjung zeing gi nya: byen, cang" yi yo' Yuda tarha" yabdo zoeb phung koid wa shid re" Yuda ludaid' Vhu" jhung: yi ri khe: zheung" to" ago". Hau: thang: ri nyangnu" gi lagyoo: yi ri nyangnu" da" shid' khoin" moo shu" vang ri" wa amyeing" byid: lho: thung: yhoem: mo, shu" nhang: kaid ago".

ACTS 5:27

Nyang: nu" gi lagyoo: yi ri shu" vang re" lho: wigi tarha" yab, do, phung: bang: da" shid khoin" moo yab, jo, nhang: ago". khainjung agyi moo" gi lagyoo: yi ri dang: myed: nyid.

ACTS 6:12

Hougsu" wigi nyangnu" gi mung" byu yi mo vhu" jhung: koid da" ludaid' yi yo' tarha" sara yi ri lu: to' loo nhang: ago". Nyang: nu" gi Stephain ri myheug yu lho: tarha" yab, do' khyoo: shu" yu to" ago".

ACTS 6:15

Tarha" yab, do' moo zhoung: jo, mo, dangain" gi Stephain ri zheung: yu" zhoug to" uri Stephain da" myonhoo: gi mauglagyo: myonhoo: yo' du, lo" ziri shau" myang yu ago".

ACTS 7:37

Mangsoo gi ngoori nhang: kaid ziyo' dakhyoo" ti" Lapi: dayug ri nanu" jhang khyoo: nhang: kaid byid: wa nghoid. Nyang: gi nanu" byumyu" mo nghoid wa ga: tid su: gi Moshe nyang nghoid bye.

Roma 12:10

Nanu" dayug yo' dayug gi mang: seing: nhung" seing: ri yhang: ti" jheddab kang: tei" go" nyid ge'. Dayug wigi dayug ri coung" byid wa so' phyed' nyid ge'.

1Korinthians 6:10

Khoug" mo, fain" mo, vhoo: boo myo, no, bang- yhid: ya: vang bang: juang" yi gei sang: shang pyang: yen" mo,- khoug" mo, mhoug mo,- hid: bang: mo hang" we'- Mangso mungdain ri yo" seing: boem wa zi anghoid.

1Korinthians 6:6

Akhid" gi Aseing Yesu ri aloem" ajeung" bang: da" shid khoin" moo- Khristain mang: nhung" nyang: cang" yung" shug go" nyid goonhung: lha"

TARHA" TID POIN" 15:11

Israela byumyu" yi dayham" gi khanham we' shoug" jhen: wigi ayo" ajo, bang: nghoid boem goo" wa. Houg: lho: nyangnu" ri byid: nau da" myid yo' byid: wa shid re" nanu" ri amyeing" byid: zi nghoid da:.

TARHA" TID POIN" 16:18

Nanu" da" Aseing Mangsoo wigi nanu" ri byid: da" voo khang" moo" moo tarha" agyi yi yo' gootu: gyizoug: yiri moo" foin: too" ge'. Houg: bang: gi mung" shava byu yiri myonhoo: akhyen: loo: za: tarha" dang: phyed byid: ca" ago".

1THESALONI 4:6

Hid: yhang: te" da" moozoo" moo nanu" mo hang" nghoid loug we' nyang: nya: da"Khristain mang nhung phoo ri shoid vhang: da" khyoo:- houg: su" anghoid lang" gi mang: nhung" pho, da" atho' moo lhoid, sham: zain: da" khyoo: ge, koid -he: khyoo: xang: shed" moo nanu" ri tid kyo" yu" bye nghoid yoomo Mangsoo gishoid vhang: bang: ri shen" yhen wa da" khyoo: nanu" rithain: thain: nyang: tid poin' kaid' bye.

TITU 3:2

Nang ri nghoid loug we' age khyo" lu, wim gei sang: da" dang: ri atid loo: za: myenjham" ngei pyoo: tung" zoem" khau: veing" goo" wa ziyo' khanham we' byu dangain" bang: ri nu" nham, nheigloem: shed nyid baja"- nyangnu" ri tid poin" nyid we'.

HEBRE 12:25

Nanu" gi hau: mungdang: tid kaid su: ri gi atam" gyoo: loo: za: ngeug pyam' khyoo: abui" baja" zed" nyid ge'. He: mougmyid tho' moo tid poin" tid kyeing" su: da" dang: ri shug gyo: lho: ngeug pyam nyid bang: gi yoobo dam mo yo" loid lo" boem wa zi anghoid- houg: yoomo ngoonu" gi moug: khung: khyo" tid kaid' su: ri nung thang phoug pyam boem nghoid rigi youg: noo yooboo mo ngoonu" loid loo" wa da" khyoo: gi aje boo loo.

HEBRE 5:9

Nyang: ri joeb, byeung" su: ga: bain koid yu thang: ri nyang: gi tam" gyo: nyid mo, dangain" shid re" apyaid' ato: da" khyoid yu khyoo: mo apoem: ayang: bue" loo" bye.

YAKU 2:20

Hau: tho' moo gootu: hang: su: we"- moozoo" abo da" loem" jeung" khyoo: gi akoem: za: danghoid ziri si' nau la".

YAKU 3:6

Yhoo: we' myi: yo' du nyid wigi shoid vhang: da" khyoo: yo' byeung" jo- hau: zigi gung du: mo ako' daloem: za: te: nghoid loug we' - ngoonu" da" gung goin" moo yooboo yo" dab, loo nhang: nyid. Hau: yhoo: gi ngoonu" da" gung goin: ziri aco' ajhoid koid pyam wigi ngarai mung" mo myi: yo' nyang:- ngoonu" da" kangso' gyung: khyoo: dangain" ri yo" nge" joem: loo" nhang: pyam.

1PETERU 2:23

Nyang: ri subi" juang" yi nyid uri-ce" dang: dakhoin" we' aphoug tu"- nyang: ri dam kaid' shen" yhen lo da" uri kyoug nhain' wa da" dang: atid- deingmain" tarha" dang: phyed' wa da" Mangsoo moo nheig byu loem" jeung" nyid.

1PETERU 3:9

Akhyeung" bang: rigi akhyeung" khyo"-nheung" mo, rigi doem, nheung" khyo" latoo: aphug goo"- hougsu" latoo: phug wa gung khoo: gi main' boo coug: bo da" dang: ri tid byid: nyid ge'- Khasu" wim gari Mangsoo gi nanu" ri khe: yu u ri mainkaid da" jeju" ri shau" kham, zoo: goo" baja" ga- nanu' ri dang: soo' byid: bye.

1YOHAN 2:9

Hang" nghoid loug we' ngoo gi bidbang moo nyid su: nghoid ga: yhen: tid lho: wigi nya: mang: nya: no, ri anoug angei zi dakoid nyid shi" rigi akhid" ju" sho' moug: coid moo danyid nyid shi" su: nghoid nyid.

1YOHAN 3:10

Hau: khyoo: gi Mangso da" nya: myid: nya: zoo: yi yo' yu satan da" nya: myid: nya: zoo: yi gi gyi" sho' shai" go" da" khyoo: ri bang bang nyang: myang se' da" khyoo: nghoid. Hang" nghoid loug we' deing byeung" da" moo" ri azei: ziyo' houg: su" anghoid lang" gi - nya: mang: nya: nhung" yi ri ajheddab bang: gi Mangsoo da" nya: zoo: yi anghoid.

1YOHAN 5:16

Re" mang: re" nhung" dayug yug gi ashid: moin: da" yooboo daja: ja: zei: nyid nghoid rigi nang shau" myang nghoid ri nang gi nya: shid re" re" Mangso jhang akyu" bo mho' nyid ca"- Mangsoo gi nyang: ri apyaid ato: kangso' byid: wa zi nghoid. hau: zigi shid: moin: da" yooboo akoid mo, shid re" za: mho' byid: wa khyoo: nghoid. Nghoid loug we' shid: moin: da" yooboo ga: zigi jo, jo, wigi hau: shid re" Mangso jang" moo mho' yoid ge da" khyoo: ri ngoo atid noug.

YUDA 1:9

Mouglagyoo: moo" Mikhaela nyang: lang" hid: yhang: ti" akoid yu"- Moshe mang ri hang" yu eung: ga: yu zoug: moo" ri rue" da" dang: yo' yooboo foin: da" khyoo: avoem" koid' loo za: nang ri Mangso wigi gyikoid baja" ga: date: tid.

Pang Shug 20:14

Houg: lang" shid: zoug: yo' moovo, moug: gi hau" myi: gyid' thoem" moodu" zei, pyam zi shau' ago". (Hau" myimi: thoem" gieig lheing: ein: shid: da" khyoo: nghoid.