MATHE 2:20 - Lacid Common Language Bible

²⁰ «Too' we' hau: zoonu" yo' nya: myhi' ri shu" lho: Israela mung" khyoo: doem loo" we' hau: zoonu" da" kang: ri kuang mo, shid: boem bye:» ga: re" tid.

MATHE 2:20 Խաչաձեւ Հղումներ

1 KHOKHAM 11:21

David shid: bye: khyoo: yo' gyizoug: Yoab shid: shoug" bye: khyoo: ri Egutu mo Hadada jang" khyoo: lu dang: ju" lang" Hadada gi khokham ri «Ngoo ri nga" moug: khyoo: doem tau" loo" nhang: we' o"» ga: tid.

1 KHOKHAM 11:40

Houg: yoomo Sholumon gi Yeroboam ri said wa shid re" yoem: kaid yen" da:. Nghoid loug we' nyang: gi Egutu khokham Shishag jang" khyoo: phang: yhe: wigi houg moo Sholumon shid: da" ayo, ju" sho' yhe: nyid nyid da:.

THU' LO" MOUGSOUG" 4:19

Moshe gi Midian mung" moo nyid shi" ayo, ri Aseing gi nyang: ri «Egutu mung" khyoo: doem tau" loo" we'. Ciwim gari nang ri said wa ga: soin' nyid mo, dangain" shid: bye:» ga: tid.

MATHE 2:13

Akhid" phajhi" boo mo, lo" byug thang: ri «Yu" ge' hau: Aseing da" moug: lagyoo: dayug gi Yoseb ri yhoeb' mo, moo thu' shug wigi too' we' hau: zoonu" yo' nya: myhi' ri shu" lho: Egutu mung" khyoo: phang: we'. Ngoo nang ri doem khe: da" bidnyid ju" sho' houg: moo dalo" nyid nyid we'. Khasu" wim gari hau: zoonu" ri said pyam wa ga: Herod sho: nyid bye:» ga: tid.

MATHE 2:19

Akhid" Herod shid: lo" thang: ri Yu" ge' hau: Aseing da" moug: lagyoo: dayug gi Egutu mung" mo Yoseb jang" moo doem thu' loo bye.

MATHE 2:21

Houg: lang" nyang: to' wigi zoonu" yo' nya: myhi' ri shu" lho: Israela mung" khyoo: doem loo" bye.