MATHE 16:27 - Lacid Common Language Bible

²⁷ Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

MATHE 16:27 Խաչաձեւ Հղումներ

2~KORINTHU 5:10

Khasu" wim gari ngoonu" dangain" mo, gi tarha" dang: phyed zi shau" wa shid re" Khristu da" tang myhang shid moo thu' yab, ca" boem wa zi nghoid. Hau: da" uri ngoonu" dayug yo" dayug gi He" da gungsho" yhoem: moo nyid nyid shi" uri zei so" lid loo bye: da" ge da" moozoo"- age da" moozo" shid re" eung: ziyo' dakhyoo" ti" shau":" kham, zo: boem wa nghoid.

COUNG" NGHEI 62:12

Nya: da" jhed khyeing: kang: khyeing: gi geung: teung jo, khyoo: ri we' ngoo shoug" gyoo: bye:. Aseing we"- nang gi re" da" byu yi gu: ri nyang: nya: moo" zoo" yo' dakhyoo" ti" coung" nghei ngi shab jhungshug ri nang nyang: byid: wa zi nghoid.

Roma 2:6

Hau: bidnyid ri byu yug khang" moo" gi nyang: nya: da" koid' moozoo" yo" dakhyoo" ti" - Mangsoo: gi aphoug" shang: byid wa zi nghoid.

Roma 14:12

Houg: nghoid yoomo ngoonu" dangain" mo gi nyang: nyang: koid' da" moozoo" yo" dakhyoo" ti" Mangsoo: ri shau" tid khyo" da bidnyid ju" loo wa.

YEREMIA 17:10

Ngoo Aseing gi byu da" myid ri pei: shoo: su: yo' nheigloem: ri jham" yu" su: nghoid da:. Ngoo gi yugkhang" moo" ri nya: kangso' dei ziyo'. Nyang: koid da" moo" ri cang wigi koid byid: wa.

Ephesu 6:8

Join, yi ri nghoid loug we' join, seing: yi ri nghoid loug we' Magsoo gi yug khang" moo" ri nyang: zei: lo ge da" moo" zo" shid re" coung" byid: aphoug" shang" loo wa ziri boin: so" nyid ge'.

YUDA 1:14

Adam: mo xo' gyo" lo da" nyid' xeig ein: jang" mo E-nug gi hid: bang: khyoo: yo' sen: lho: goo" nham, mo lapi: pe: too" bye- hau: zigi Aseing: ginghab, loo atho' da" gyeungshang: mau: lagyo; yi yo' doem gyoo" loo wa nghoid.

DANG: ZHOEM 24:12

Nang yo' ci: asen: ga: tid nyid nghoid loug we' Re" da" emyed khoug: moo: myid nyid da" khyoo: ri Aseing nyang: si' byid: nyid lho: dang: phyed byid: nyid. Nyang: gi nang ri yu" nyid lho: se' nyid. Hau: lho: nang koid da" moo" moo: cang wigi phoug" tab, jhungshug ri byid: loo wa zi nghoid.

Pang Shug 20:12

Hau: lho: wigi shid: lo" byug bye: mo, gyi: zoo: nge, zoo: gi hau: zhung: tang shid khoin" moo to' yab, jo, boem ziri ngoo myang. Houg: lang" mougsoug" bug joem ri we' phang to" boem Kangso' mougsoug" ga: da" mougsoug" bug gootu: ri we' phang to. Shid: loo" bye: mo, gi nyang: nya: da" aved' asam" yo' dakhyoo" ti"- moug soug" bug moo lhid" to" khyo" canglho:- tarha" dang: phyed' zi shau" nyid boem ago".

Pang Shug 2:23

Nya: thang: cang mo, ri we' ngoo said' pyam loo wa. Houg: lang" ngoo gi yug khang" mo" da" nheigloem: yo' myid soin: khyoo: joem ri myang kyang nyid su: nghoid ziri phung yi dangain" se' lo boem wa zi nghoid. Nyangnu" nya: da" lo, moo" yo' dakhyoo" ti"- aphoug" ri ngoo byid: loo wa zi nghoid.

YOBA 34:11

Nyang: gi byu yiri nyangnu" koid da" moo" shid re" aphoug" jhungshug byid: da:. Houg: lho: nyang: gi kham: zoo: wa moin: yi" wa khyo" koid byid: da:.

MATHE 25:31

«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid.

YEREMIA 32:19

Nang gi phajhi" bo da" soin nyheing khyoo: joem ri koid wigi gyi: sheung: da" moo" joem ri koid da:. Nang gi byu yi zei: da" ja: khang" moo" ri myang wigi nang gi nyangnu" lo, moo" joem ri cang wigi nyangnu" ri aphoug" jhungshug byid: da:.

LUKA 21:27

Hau: thang: ri jhoem" moug" khoug moo gyi: thang da" yoem: moo" phung" yoeb yo'-byu nya: zoo: gi thu' myang gyoo" loo wa.

MARKU 14:62

Yesu gi ngoo nghoid-byu nya: zoo gi myhang: thang su; da" lo, yo shoid moo zhoung: jo, ziyo'-moug: khung: mo, jhoem: thei" khyoug: moo ju" re" ziri-nanu" dangain" lhoem: myang goo" wa nghoid-ga: tid.

MARKU 8:38

Khasu" wim ga: ri Mangsoo ri aloem khau: ziyo' akhyeung" ashoeb da" he: pyaid moo ngoo yo' nga" jhoug myeung" ri sho' su: hang" nghoid lug we' byu nya: zoo: gi nya: pho, phung" yoeb bang yo' gyeungshang: da" moug: lagyoo: yi yo' dage" ju" re" da" uri nyang: ri sho' thu' nhang wa nghoid.

MATHE 24:30

Houg: thang: byu da" nya: zoo: gyoo" loo wa da" alhoo: again gi mougtho moo myang thu' loo: wa. Jhoem: moug" ju: lho: gyi: thang da" myo nhoo: phung" yoeb zeing yo"- Byu da" nya: zoo: gyoo" lo da" ziri mougmyid byu yi bain sho' mo lhoem: myang da" uri ngau nyid boem wa.

ZEKHARIA 14:5

Nanu" koem gi boem eig gang gyam: lo" da" lang: khoug: khyo" wigi phang: thu loo" goo" wa nghoid. Yuda khokham" Uzia pyaid moo myid leig leig da" uri nanu" phoug" phyid" yi phang: lid lo" yhang: ti" nanu" shau" phang: loid loo" goo" wa. Hau: uri Aseing nga" Mangsoo gi nya: moug: lagyoo: yi yo' dage" ju" loowa nghoid.

EZEKIEL 7:27

Khokham phoo gi koug ngau loo wa. Khokham nu" yi myid byu khyoo: ri asoem" byid: pyam wa. Byumyu" yigi gyoug nain" lo boem wa. Ngoo gi nanu" koid lid: lo da" moo" dangain" shid re" nanu" ri yooboo dam byid: wa. Houg: lho: nanu" subi" gooji ri dang: phyed boem yhang: ti" nanu" ri ngoo dang: phyed wa. He: zigi nanu" ri ngoo Aseing nghoid khyoo: ri ci: shug byid: zi nghoid wa.

Pang Shug 1:7

Yu" ge'. nyang: gi jhoem: moug" zhoung: lho: doem gyoo" loo wa nghoid. Aseing: ri lham: toin wigi thoug" bang: yo' dage" Byu yi dangain" mo, gi shau" myang boem wa zi nghoid. Moug: myid tho' mo byumyu" bain sho' mo, gi nyang: yoomo ngau yed, leung lo" boem wa zi nghoid. Houg: su" bue" loo baja" o".

ACTS 1:11

Galile byu yi we"- nanu" ciwim wigi moug: khung: khyoo: nghang yu" nyid go" la". Nanu" shid khoin" mo moug: khung: khyoo: to' yu shau" da" hau: Yesu gi-moug: khung: khyoo: do, lo" ziri nanu" myang ziyo' dakhyoo" ti-houg: su" nyang: doem gyoo" ri" wa zi nghoid- ga: tid kyo.

MATHE 26:64

Yesu gi «nang nyang: tid abye: nghoid loug we' akhid" mo byu da" nya: zoo: gi myhang: thang su: da" lo, yo shoid moo zhoung: jo ziyo'- moug khung: mo jhoem: moug" zhoung: lho: ju" re" ziri nanu" myang boem wa» ga: nyang: ri tid.

1PETERU 1:17

Hau: tho' moo gootu: byu dangain" ri myonhoo: vhu" zung akhyen: loo za-nyangnu" da" moozoo" yo' dakhyoo" ti"- tarha" dang: phyed' byid: nyid da" Mangso jang" moo akyu" mho' nyid uri nanu" gi Mangsoo ri nga" phoo we" ga: mho' yoid nyid boem bye- Houg: yoomo mougmyid' moo dei nyid daloo gyoo: moo hau: Aseing: ri gyoug phau" nyid ge'.

LUKA 22:69

Nghoid loug we' akhid" mo wigi Byu da" nya: zoo: gi yoem: moo" bo da" Mangso da" lo, yo shoid moo yo" zhoung: jo, wam: bye: ga: tid.

LUKA 9:26

Houg: lang" ngoo yo' nga" da" mungdang: ri sho' su: rigi byu nya: zoo: gi Nya: phung" yoeb, yo' nya: pho, da" phung" yoeb, bang yo' gyeungshang: moug: lagyoo: yi da" phung" yoeb, bang yo' ju" ri" lang" byu nya: zoo: we' nyang: ri sho' pyam' wa zi nghoid.

MATHE 13:49

Houg: yo' dakhyoo" ti"- he: mougmyid lo" thang da" bidnyid ri we' bue" loo wa nghoid. Mouglagyoo: yi gi thu' lo lho: deung main" mo, da" agung mo akhyeing: ashoeb bang: ri khyen: gam thu' to" lho: dab jo da" fang myikhyoem moo du" zei kaid pyam wa.

DANIELA 7:10

Houg: lho: gyid gyung: zoo: yhang: ti" myiyham: gi houg: mo yau shoin: thu re" da:. Houg: joyoo moo nyang: ri dei byid: wa byu khyeing" su: nyid boem ago". Houg: lho: byu sen su: nya: shidkhoin" moo yab jo, ago". Tarha" dang: kho' shid" lho: mougsoug" pug joem phang to" ago".

1THESALONI 1:10

Moug: khung: moug: di khyo" ju" ri" wa da" Mangso nya: zoo: ri dalang" nyid boem ziri we' hau" byu yi dangain" mo, gi tid fu" nyid boem abye: go- Hau: nya: zoo: Yesu gi shid: bye: jang" mo Mangso wigi doem dei to'' loo nhang: yoomo ju" loo wa da" Mangso nheig yo: lo bidnyid mo, nanu" ri khyoid khyi: yu su: nghoid nyid.

1THESALONI 4:16

Hau" Aseung: da" yoid nyho: amyeing" thui: yo' mauglagyo: agyi da" thui:- Mangso laboo" thui: zeing yo' Aseing: nyang: moug: khung: moug: di mo gyoo" loo wa zi nghoid- Khristu riloem" jeung" lho: shid: loo" bang: gi xang: shed" moodei to'' lo boem wa zi nghoid.

MATHE 13:41

Byu da" nya: zoo: gi nya: moug: lagyoo: yi ri nhang: kaid lho: byu yi ri shoid vhang: nhang: mo, yo"- atarha" da" moo" zei: mo, bain, sho ri Nya: mougkhoung: Mungdain: mo khyen: thu' yu lho: wigi

1Korinthians 8:8

Zoo: noem gi Mangsoo yo' ngoonu" tei" xo' go" da" khyoo: moo- ce: noem myo: loung: loo nhang: khyoo: ci: ajo. azoo: nghoid loug we' ngoonu" moo: ce: noem yoem" soem" loo" wa khyoo: ajo, zo: nghoid loug we' ci: loung: loo wa khyoo: aboo.

MATHE 8:20

Yesu gi «zeigni joem gi khyung: yo" ago"- moug moo dang: yen" da" ngho' zoo: joem we' soid jo: ago" hau: byu nya: zoo: koem gi vhuloem too" jang: we' ajo,» ga: nyang: ri tid.

PHAJHI" DANG: 3:17

Ngoo gi ngoo nya: gung ri hid su" ein: tid «Mangsoo gi deungmain" su: yo' akhyeing" ashoeb su: ri dakhyo" za: dang phyed loo wa. Ciwim gari ja: khang" moo"- lo, moo" khang" moo" gi nyang: nya: shid re" asoo" to" to" da" ayo, moo bue" loo goo" wa.

EZEKIEL 18:20

Yooboo koid su: gi shid: wa su: nghoid da:. Yuggi zoo gi nya: pho da" yooboo joem gang mo shid: noo ashau" kham zoo: wa. Nya: phoo we' nya: yuggi zoo: yooboo joem gang mo shid: noo akham zoo: ca" wa. Byu yigi ge zi koid gang mo aphoug" jhungshug byid: zi shoug" wa. Houg: lho: akhyeing" su: gi nyang: koid da" akhyeing" moo" shid re" shid: noo dayam dayoo: kham zoo: ca" wa.

YOHAN 21:22

Yesu gi ngoo doem gyoo" re" da" bidnyid ju sho' nyang: ri dei nyid nhang: nau nghoid rigi houg: gi nang yo' ci: sen: lha". Nang gi nga" thang: cang we' ga: tid.

YOHAN 21:23

Houg: su" nghoid yoomo hau: cangzoo: phoo gi ashid: loo: wa ga: da" lu dang: gi cangzoo: yi da" akhoug: moo byo sain" loo" bye nghoid loug we' Yesu gi-hau: cangzoo: phoo gi ashid: loo: wa ga: tid nau zi anghoid. Ngoo doem gyoo" lo da" bidnyid ju" sho' nyang: ri dei nyid nhang: nau nghoid ri hau: zigi nang yo" ci: asen: la". ein: wigi date: tid zi nghoid.

1Korinthians 3:13

Byu yug khang" mo" da"-zhang qei" do, lo" khyoo: ge age ein: da" khyoo: gi Khristu da" bidnyid moo: thoid pang shug wa zi nghoid. Houg: su" kyeung shoug loo wa nghoid yoomo- hau: myi: gi byu yug khang" mo" da" moozoo" ge age ziri:- nghe, kyeung shug wa zi nghoid.

1Korinthians 15:23

Nghoid loug we'- byu yug khang" moo" gi nyang: nya: da" too' eung: da" ayo, moo: doem tu: to' kaid wa zi nghoid. Khristu gi dangain" mo, da" shid' khyoo: doem dei to' loo" bye- hau: thang: ri Khristu doem ju" re" da" ayo, mo nyang: yo' sen: bang: doem dei to' loo wa zi nghoid.

KOLOSE 3:25

Adeung amain" khyo" koid nyid da" byu yug khang" moo" ri nyang: koid nyid adeung amain" da" moo" zo" shid re" latoo: doem, phoug zi shau" zoo: wa nghoid- khasu" wim ga: ri Mangsoo gi tarha" dang: phyed khyoo: moo myonhoo: khyen: nyid su: anghoid.

YAKU 5:7

Hougsu" nghoid yoomo mang: nhung" yi we"- Nanu" gi Aseing: gyoo" lo da" ayo, ju" sho' zeing: kham lho: nheig byu zoore" dalang" nyid ge'. Yoo thung" phug su: gi nya: yoo thung" mo phoug" dab, da" amyoug: ashi" ri yo" yu sho-zain moug: vo shid" lo jang" mo zi lid" jhin" yu: moo ju" sho' yoem: kaid zeing: shang" lho: lang" nyid.

1YOHAN 2:28

Nghoid bye"- myi: yi: zoo: yi we"- nyang: thu' myhang lo da" bidnyid ri nanu" gi sho' gyoug lho: phang: gau" yen" anoo" wa shid' re" nya: shid' khoin" moo asho' agyug loo: yo" yab, jo, sho' nyang: yo' daloem: za: dakoid nyid ge'.