MATHE 10:16 - Lacid Common Language Bible

¹⁶ «Zeigne phung: moo nhang: kaid da" yang joem yhangti"- nanu" ri ngoo nhang: kaid. Houg: yoomo nanu" gi lhang: myu yhangti" nheig boo ung: gyeing: lho: pheing" kyoug" yhangti" nu" nham nyid ge'.

MATHE 10:16 Խաչաձեւ Հղումներ

APOEM AYANG: 3:1

Akhid" lhangmyu gi Aseing Mangsoo phain" so: jang" mo mhau fain" thang da" gougnyhoug nghoid. Lhangmyu gi myiyi: ri «Mangsoo gi khyam: khoug: shigam joem mo ashi" re" tang: ri azoo: wa shid re" gyeing" gyeing" tid to" la"» ga: myid:.

APOEM AYANG: 3:13

Aseing Mangsoo gi myiyi: myhi' ri «Nang ce: gang mo hid: su" koid lha"» ga: myid: lang" myiyi: myhi' gi «Lhangmyu gi hau: shi" ri zoo: wa shid re" ngoo ri jhu" phyo'» ga: doem phug tid.

NEHEMIA 4:13

Houg: yoomo ngoo gi shava byu yiri shamcoin" joem lham: toid joem lid: joem ci: nhang: wigi vang nungthang moo abain zhug shi" joyoo khang" moo" moo dakung: yo' dakung: cang lho: zung" nhang: too" bye:.

YEREMIA 40:16

Nghoid loug we' Gedalia gi «Hougsu" akoid- Ishmaela yo' sen: wigi nang tid nyid zigi ajoo nghoid da» ga: phug tid.

HOSEA 7:11

Israela gi nheig agyeing: da" jid: u yo' dakhyoo" myonhoo: sho: lheing yen" da:. Xang: shi" moo nyangnu" gi Egutu khyoo: pang" thoug yu wa yhe: mho' da:. Hau: thang: nyangnu" gi Asuri jhang tang" yhe: ago".

MATHE 24:25

Tam" gyoo: ge' he: da" khyoo: abue" loo shi" ri nanu" ri ngoo tid kyoo" bye.

MATHE 24:45

«Loem loug ziyo' phajhi" bo da" deizoo: gi hang" nghoid la". hau: yug gi nya: yhoem: seing: da" deizoo: gootu: ri vhoeb' khang" lho: ayo, ju" lang" zoo: shug thug byid: wa shid re" yhoem: seing: wigi khyen: nhang: too" su: nghoid.

MATHE 25:2

Nyangnu" mo wim: yug gi phajhi boung: gyeing; bang: nghoid. Wim: yug gi nheig agyeung: bang: nghoid.

MATHE 25:4

Phajhi" boung gyeing: koem gi nyang: nya: myi: bung: shid' re". Myi: xu: byeung" zici: re"

MATHE 25:9

Phajhi" bo nheig gyeing: bang: anghoid ‹nanu" shid re" we' ngoonu" shid re" we' ein: rigi tham: zi anghoid. Nanu" shid re" ung" jang: moo yhe: qei yu ge› ga: phoug tid kaid ago".

LUKA 10:3

Yhi: ge' voemkhuid" phung: moo yangnu" ri yhangti"- ngoo nanu" ri nhang: kaid.

LUKA 21:15

Khasu" wim gari nanu" da" gyivoo yi ayo" ngeig- ayo" shang" yab jo, sho' wim da" dang: yo"- nyan phajhi" yo' mungdang: ri ngoo nanu" ri byid: wa byid: loo wa yoomo nghoid.

ACTS 20:29

Ngoo thu lo" thang: ri akhyeung" da" zeing ni joem gi nanu" da" phung: khoug: moo vang re" lho: yang kyung ri phyo' zo: pyam boem wa ziri ngoo se' nyid.

1Korinthians 14:20

Mang: nhung" yi we"- myid soin: yu" ca" da" khyoo: moo: zooshang ti" akoid nyid goo" akhyeing" ashoeb khyoo: moo gi zooshang: ti" bui" nyid ge'. Myid soin: yu" khyoo: moo: gi nheig boo ludaid' bue" nyid loo: ge'.

2~KORINTHU 1:12

Ngoonu" da" nheigloem: khoug: moo gyeung" nyang: phau: khuang wa khyoo: dakhaid bo. Hau: zigi he: da" moug: myid tho moo ngoonu" da" kangso' dei nyid khyoo:- je" wigi nanu" yo' tei" xo' zoem" khau: da" khyoo: moo byu da" se' yeug khyoo: moo anghe: khoug: loo: za: Mangso da" jeju" yoem: vhoo" khyo" ngoonu" gi Mangsoo byid: da" deungmain" gyeungshang: da" nheigloem: gye" myed wigi vhoeb khang" khyo" moo" zei: lo" khyoo: nghoid.

2~KORINTHU 11:14

Hidsu" koid da" khyoo: gi mau" pho khyoo: anghoid. satan joem lang" gi bidbang mo moug: lagyoo: yi da" alhoo: se' shab, ci: ashi" go.

2~KORINTHU 11:3

Eva gi lhang: myu: da" phajhi" juyhi: yo' mhau' mhid" phyo' shau: yhang: ti"- nanu" we' nanu" myid to" khyoo: ri lhu: phyo' pyam zi shau" lho: nanu" da" joeb byeung" gyeung: shang: emyid yo' Khristu moo nheigloem: zug- loem" jeung" zei: so' khyoo:- she: pyam goo" wa ziri gung youg yau nyid.

2~KORINTHU 8:20

Hidsu" gau yi ngei pyo: ziyo' byid: da" alu ri ci: yhoung" lo" khyoo: moo hang" we' nyhang" ri yooboo foin: jang" ajo, baja"- zid" lhid' nyid ge'.

PHILIPI 2:15

Houg: su" koid nyid lang" nanu" gi akyang" alai byo, yoin" lho: yooboo yoo" bang: ga: goo" wa. He: mougmyid tho' moo ce" yooboo we' adab loo: za: nheigloem: gyeungshang: da" Mangso nya: zoo: yi yhang: ti"- bue" loo: goo" wa zi nghoid-Hougsu" nanu" gi kangso dei da" mungdang: ri kho" kyo" nyid zoore" moug: khung: goin" ziri thoin" pang byid: da" bidbang gung du: yi yhang: ti"- nyangnu" da" mo, phung: gung moo thoin" pang byid: nyid boem, ca" wa nghoid.

KOLOSE 1:9

Houg: yoomo nanu" da" khyoo: ri shau" gyo: yu da" bidnyid mo wigi ngoonu" gi nanu" shid re" anoo: ayab, loo: za: akyu" mho' nyid boem bye- nanu" gi hau: gyeungshang: Venyi wigi byid: da" phajhi" byen- ya dangain" yo' Mangsoo myid vho: khyoo: ri yo" se' loo wa lasi, nanu" moo joeb, byeung" loo wa shid re" Mangso jang" moo ngoonu" akyu" mho' nyid boem.

KOLOSE 4:5

Nanu" yo" yu da" amyeing" akhang" ri goolhoo: zoo: ci: yhoung: lho: aloem" ajeung" bang: yo' zoem" khau: uri-phajhi" bo nyid ge'.

1THESALONI 2:10

Loem" jeung" nyid mo, nanu" da" shid khoin" moo ngoonu" da" aved asam" joem gi gyeungshang: wigi deingmain" ziyo' ce" yooboo we' abo zigi nanu" shid' re" nanu" nyang: sagsi: nghoid boem bye- houg: yo' dakhyoo" ti" Mangsoo we' sagsi: nghoid nyid bye.

1THESALONI 5:22

Age da" akhyeing" ashoeb khyoo:- dangain" ziri jang" pyam nyid ge'.