MARKU 12:6 - Lacid Common Language Bible

⁶ Khyam: seing: gi nhang: kaid wa zi nya: zooti" zoo" dayug za: dadeung jo, lo: da:- hougsu" nyang: gi nga" zoo: rigi loem: phau" myang: boem wa"- ga: tid. lho: lo" nang moo gi khyam: ngho" zei: mo, jhang khyoo:- nya: zoo: ri nhang kaid da.

MARKU 12:6 Խաչաձեւ Հղումներ

APOEM AYANG: 22:12

«Zooshang: ri azang" thung"- nyang: ri ci: we' akoid» ga: tid thu lo lho: «Nang gi Mangsoo ri gyoug phau" myang nyid su: nghoid ziri akhid" ngoo si' bye:. Khasu" wim gari nang gi re" zooti" zoo: ri ngoo ri byid: wa ci: vhoo" abyed nghoid da:» ga: tid.

APOEM AYANG: 22:2

Mangsoo gi «Nang gye" jheddab da" zooti" zoo: Isag ri shu" ci: lho: Moria joyoo khyoo: yhi: we'. Houg: mo ngoo nang ri toin' shid wa da" boem daloem: da" atho' moo nyang: ri xoin" du: khyo" ngoo ri ngei" byid: we'» ga: doem tid.

APOEM AYANG: 37:3

Yaku gi nya: zoo: tang: yi dangain" bang: tho' Yoseb ri je jhed. Khasu" wim ga: ri nyang: apyaid gyi: mang: thang: ri yoo" su: nghoid yoomo nghoid. Nyang: gi Yoseb ri gye" yung" da" byisheing: dakhyab coeb byid: to".

APOEM AYANG: 44:20

Ngoonu" gi ‹Ngoonu" moo ngoonu" nya: phoo mang: zoo: yo' nyang: mang: thang: ri doem yo" da" nhung" nge thang su: dayug nyid shi". Hau: yug da" nya: mang: yug gi shid: bye:. Houg: lho: nya: tang: gi nya: myhi' dayug za: mo nghoid lho: nyang: za: date nyid lo:- nya: phoo we' nyang: ri atho' tid jheddab da:.

COUNG" NGHEI 2:12

Gyoug nain" ziyo' nyang: ri goeb pid nyid ge'. Hougsu" akoid zigi nya: nheigloem: nge" loung ziyo' myab" myab, to' lo" wigi nanu" gi nyeigdain tung" shed: lo' boem wa zi nghoid. Zung" lhoug byid: wa shid re" nya: jhang ju" yhi: bang: gi ngilhoo' wa nghoid.

COUNG" NGHEI 2:7

Khokham phoo ri «Aseing khasu" ga: tid nyid da" khyoo: ri ngoo tid fu" byid: wa zi nghoid» ga: tid. Hau: lho: nyang: gi ngoo ri ‹nang gi nga" zoo: nghoid nyid da:. Akhid" nyid" ngoo gi re" phoo bue" nyid bye:.

ESAIA 42:1

Aseing gi «He: zigi nga" dei zoo: nghoid- ngoo yoem: byid: too" su: Ngoo khyen: too" su:- ngoo vho: ngei su: nghoid da:. Ngoo gi: nyang: ri nga" Venyi: yo' pyeing too" byid: bye:. Houg: lho: nyang: gi byumyu" khang" moo" ri tarha" deingbyeing" ziri ci: ri" byid: wa.

MATHE 1:23

Nyang: gi «yu" ge' zoomyi: gyeing" gi zoonu" gung bue" lo wigi yuggi zoo: khu: loo wa nghoid. Nya: myeing ri Emanuela ga: myheing byid: boem wa» ga: tid to". Hau: da" dangkang: gi «Mangsoo ngoonu" yo' dage" nyid» ga: zi nghoid.

MATHE 11:27

«Nga" phoo gi zi yoo jo, moo jo, ngoori ab, byid: pyam bye. Pho, tho' moo gootu: hau: nya: zoo: ri hang" we asi. Hau: nya: zoo: tho' moo gootu: Hau: nya: phoo ri hang" asi.

MATHE 17:5

Petru houg: su" ga: dang: da tid nyid shi" uri gye bang da" jhoem: phyu: thei" daloem: gi nyangnu" da" tho' moo ju" gyoo" lho: hau: jhoem: phyu: thei" khoug: mo da" thui: gi «He: yug gi ngoo jheddab da" nga" zoo: nghoid. Nyang: ri ngoo gye vho: ngei su: nghoid. Nya: da" dang: ri tam" gyoo: ge"» ga: da" thui: myeing thu' lo.

MATHE 26:63

Nghoidloug we' Aseing Yesu gi sam" zoo: tam" to" khainjung agyi moo" gi da" dei nyid da" Mangso myeing yo" nang ri myid: yu" ba"- nang Mangso nya: zoo: Meshia nghoid. la". Ngoonu" ri tid kyoo" we' ga: myid: yu.

MATHE 3:17

Hau: tho' moo gootu: «he: yug gi ngoo vho: ngei da" nga" jheddab zooshang: nyang: nghoid bye:» ga: mougkhoung: mo thui: myeing thu' lo.

MARKU 1:11

Houg: lang: moug khung: mo thui: tid thu' re" zigi nang gi ngoo jheddab da" nga" zoo: nghoid- nang ri; ngoo gye" vho: ngei nyid ga: tid.

MARKU 12:5

Houg: su" wigi khyam: seing: gi joing tootu: dayug ri doem nhang: kaid lang" khyam: ngho" zei: mo, gi nyang: ri we' lhoem: said pyam ago"- gootu: myoo" sho' mo, ri we' houg: yo' dakhyoo"- baid mo, ri baid- said mo, ri said pyam koid ago".

MARKU 12:7

Nhgoid loug we' khyam: ngho" zei: mo, gi he: yug gi khyam: seing: da" nya: zoo: nghoid da:- ri" ge,- he: yug ri said pyam shang- houg lang" nya: da": soid gain gi nyha" zi bui' wa nghoid ga: nyang cang" nyang tid go" nyid.

MARKU 9:7

Hau thang; ri Jhoem: moug" dathei" thu' lo wigi nyangnu" ri lo shoem" nghoeb pyam da:- jhoem: thei" khyoug: mo He: yug gi ngoo jhedab da" nga" zoo: nghoid- nya: dang: ri tam" gyoo: ge' ga: thui: meung thu' lo.

LUKA 3:22

Gyeungshang: da" Venyi: gi pheing" kyoug" khyo" Aseing: tho' moo gyoo" re". Mougkhung: mo wigi pheing" kyoug" khyo" Aseing: tho' moo gyoo" re. Mougkhung: mo wigi nang gi nga" zooti" zoo: nghoid. Nang ri ngoo jheddab ga: thui: ri shau" gyo: thu' lo.

LUKA 9:35

Jhoem: thei" khoug: mo thui: daleom: gi He: yug gi nga" rizoo: nghoid- Nyang: ngoo khyen: to" zi nghoid- nya: jhoug" myeing" ri tam" gyoo: ge' ga: da" thui: daloem: myeung thu lo.

YOHAN 1:14

Mungdang gi Byu gung bue" lo lho: Jeju" yo" deingmain" khyoo: byeung" zoore"- ngoonu" jang" moo re" nyid bye. Ngoonu" gi nya: da" Phung" yoeb ri yo" myang boem bye. Hau: da" phung" yoeb gi Nya: pho, zooti" zoo: khyo" yo" kham: yu da" myonhoo: phung" yoeb nghoid.

YOHAN 1:18

Byu hang" we' Mangsoo ri amyang yu" nghoid loug we' nya: pho da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye.

YOHAN 1:34

Houg: su" tid to" ziyo' dakhyoo" ti"- ngoo shau" yang bye. Houg: yoomo ngoo nanu" ri tid ba- nyang: gi Mangso da" nya: zoo: nghoid.

YOHAN 1:49

Houg: lang" Nathanela gi Sara: we" nang gi ‹‹Mangso da" nya: zoo: nghoid Israela byumyu" yi da" khokham" nghoid.» ga: wigi Nathanela phougtu.

YOHAN 3:35

Nya phoo gi nya: zoo: ri jheddab yoomo nya: yoem: vhoo" bain sho' nya: zoo: ri ab byid: to.

YOHAN 5:23

Byu yi gi nya: phoo ri phau" myang: boem yhangti"- nya: zoo: ri we' phau" myang: boem wa nghoid. Nya: zoo: ri aphoug" amyang: bang: hang" nghoid loug we' nyang: ri nhang: kaid da" nya: phoo ri aphoug" myang: zi nghoid.

HEBRE 1:6

Nghoid loug we' Mangsoo gi Nya: zoo: mang: moo" ri moug: myid tho' khyoo: nhang: kaid' wa ga:-soin' uri nyang: tid zigi "Mangso da" moug: lagyoo: yi dangain"- nyang: ri noku coung" nghei boem wa" ga: wigi tid to" abye:.

3 Yohan 1:1

Phung ludaid' phoo ngoo mo wigi gye" jheddab nyid da" Ge-u jhang khyoo: mougsoug" lhid" kaid'.