LUKA 17:24 - Lacid Common Language Bible

²⁴ Lhab myeig lo" da" uri lhab bang gi moug yam dashoid mo zi dashoid khyoo: ju" sho' mougkhung: ri pang kaid ziyo' dakhyoo ti" Byu da" nya: zoo: bidnyid moo we' houg: su" bue" loo wa zi nghoid.

LUKA 17:24 Խաչաձեւ Հղումներ

MATHE 24:27

Bid thu' shoid mo bidvang shoid ju" sho'- mougkhung: ri we dangain" bang yi loo" nhang: da:- lhab' myeig lo" yhangti"- byu da" nya: zoo: doem gyoo" lo ri we' houg: su" wim loo" wa zi nghoid.

MATHE 24:30

Houg: thang: byu da" nya: zoo: gyoo" loo wa da" alhoo: again gi mougtho moo myang thu' loo: wa. Jhoem: moug" ju: lho: gyi: thang da" myo nhoo: phung" yoeb zeing yo"- Byu da" nya: zoo: gyoo" lo da" ziri mougmyid byu yi bain sho' mo lhoem: myang da" uri ngau nyid boem wa.

ZEKHARIA 9:14

Hau: uri Aseing gi nya: byumyu" tho' moo thu shug wa zi nghoid. Nya: myoo: kaid joem gi lhab' myheug yhang: ti" thu loo" khari" wa Aseing Mangsoo gi laboo" moid kaid wigi mougpyi: uglid zoo" yo' dage" gyi jen" jen" do, to' loo wa zi nghoid.

2PETRU 3:10

Hau: Aseing: da: bidnyid koem gi-khoug" su: re" yhang: ti: ju" ri wa zi nghoid. Hau: bidnyid moo moug: khung: mougdi gi-gye" gyi: myeung da" thui: zeung yo' bei: loo" byug wa zi nghoid. Moug: khung: mo bidbang gung; joem we' myi: nge" kyu" gyo" pyam' boem wa zi nghoid. Moug: myed yoosoo" yo' jo, moo jo, joem we' bei: lo" byug khare" boem wa zi nghoid.

YAKU 5:8

Nanu" we" zeing: shang" lho: nheig byu lang" nyid ge' Aseing Yesu doem gyoo" loo wa da" ayo, gi jhang loo bye: yoomo nanu" geing: geing: teing teing dalang" nyid ge'.

2 THESALONI 2:2

Aseing: doem ju" ri wa bidnyid ju" bye- ga: wigi byu yi tid da" dang: yoomo nanu" da" myid soin: khyoo: moo dalheing: dam nheigloem: myid nhoung lo" ziyo' amyen, akhyoid, lhu: khang lo zi abui" baja"- nanu" ri tid poin" tid kyeung" kaid'- houg: yhang: te" da" dang: gi ngoonu" lapi; dang: tid uri houg: su" anghoid lang" gi moug" soug" lhid" uri bo da" dang: nghoid wa"- ga: myid ri myid yu" goo" wa nghoid.

1THESALONI 5:2

Khasu" wim gari Aseing: doem ju" ri" wa bidnyid gi myen" ri khoug" su" re" yhang: ti"- ju" ri" wa nghoid ziri nanu" nyang: voin: tang: si' bye.

2 THESALONI 2:8

Hau: thang: rigi he: da" akhyeing" su: ri myang thu loo wa zi nghoid- nghoid loug we' Aseing Yesu ju" re" uri gi hau: akhyeing" su: ri nya: nhoid' mo thu da" so' yo' said' pyam lho: nya: da" doug bang phung" yoeb, yo' lhu: mhoin' pyam wa zi nghoid.

MATHE 26:64

Yesu gi «nang nyang: tid abye: nghoid loug we' akhid" mo byu da" nya: zoo: gi myhang: thang su: da" lo, yo shoid moo zhoung: jo ziyo'- moug khung: mo jhoem: moug" zhoung: lho: ju" re" ziri nanu" myang boem wa» ga: nyang: ri tid.

MATHE 25:31

«Byu nya: zoo: gi khokham" khyo" - Mouglagyoo: dangain" yo" dage" ju" gyoo" lo da" uri Nya: da" khokham" zhung: tang tho' moo zhoung: jo, wa nghoid.

EZEKIEL 1:14

Dei noem joem nyangnu" nyang: we' thang: khyoo: shid khyoo: myijhen" yo' thu jhu" yen" da:.

MATHE 5:15

Myibung: ri tab' lho: lain" wigi hang" azhung" lhung to" yu"- myibung: ki" jang: moo ke" to" rigi dayhoem: goin" mo, myo, yo" myang.

1Korinthians 1:8

Ngoonu" da" Aseing Yesu Khristu doem ju" re" wigi- Tarha" dang: phyed' lo da" bidnyid moo- yooboo foin: cang aboo loo: sho'- nyang: gi nanu" ri lo" thang moo: ju" sho'- geung: teung jo, nhang: wa zi nghoid.