KOLOSE 3:4 - Lacid Common Language Bible

⁴ Re" da" kang: so' gyeing" gi Khristu nghoid lho: nyang: doem, thu' myang lo da" uri nang we' nyang: yo' dage" thu' myang lo wigi nya: myonhoo: phung" yoeb, ri bo shau" kham: yu wa zi nghoid.

KOLOSE 3:4 Խաչաձեւ Հղումներ

COUNG" NGHEI 17:15

Nghoid loug we' ngoo koem gi ce" yooboo we' ashoid yoomo nang ri shau" myang wa zi nghoid. Ngoo yhoeb so" re" uri nang nyid lang" wigi ngoo ri: gau yi khyoo: yo' byeung" loo nhang: wa zi nghoid.

COUNG" NGHEI 73:24

Re" da" jhau" shed khyoo: yo' ngoo ri vhu" shu" she: nyid lho: Thang" thang phoug" tab, ngi shab khyo" nang gi ngoo ri lhoem: kham: yu wa zi nghoid.

MATHE 13:43

Hau: uri deung byeung" mo, gi nyangnu" da" nya: pho, Mungdain: moo bid yhangti" doug bang to" boem wa. Nukhyab dab mo dangain" tam" gyo: yu ge'.

LUKA 17:30

He: khyo" wigi Byu nya: zoo: da" bidnyid moo khasu" bue" loo wa ziri toin" shid nyid zi nghoid.

YOHAN 11:25

Aseing Yesu nyang: ri tid zigi Ngoo gi doem dei to'' lo da" khyoo: yo" kangso' nghoid. Ngoori loem" jeing" mo, hang" we' shid: byug bye: nghoid loug we' dadei nyid wa.

YOHAN 14:3

Houg: su" nanu" shid' mo joyoo daloem: lo" nyheing too" kho lho: nanu" jang" moo ngoo doem re" wigi ngoo nyid jang" moo nanu" we' yo" nyid sho' nanu" ri nga" jhang khyoo: re" shu" yu wa zi nghoid.

YOHAN 14:6

Aseing Yesu tid zigi khyoo: gi ngoo nghoid- deung main" ziyo' kangso' we' ngoo nghoid. Ngoo moo anghe: khoug: loo: za: hang" we' Nga" phoo jang" moo ayo" ju" loo.

YOHAN 17:24

O" nga" phoo we"- Moug aphain" myid aphain" shi" mo Nang ngoori jheddab yoomo byid: to" da" myonhoo: phung" yoeb' ri Ngoori nang byid: too" mo, myang se' loo wa shid' re" ngoo nyid da" joyoo moo nyangnu" ri we' nyid nhang: nau.

YOHAN 20:31

Nghoidsho' loug we' Yesu gi Mangso da" nya: zoo: Meshia nghoid da" khyoo: ri nanu" loem" jeing" loo wa ziyo' nanu" nyang ri loem" jeing" lho: kang so' yoo" wa shid re" he khyoo: joem ri lhid" to" zi nghoid.

ACTS 3:15

Nanu" gi kangso' Aseing: ri said' pyam ago". Nghoid loug we' Mangsoo gi nyang: ri shid: jang" mo doem dei to' loo nhang: bye. ngoonu" gi hau: da" sagsi: nghoid nyid boem.

Roma 8:18

Akhid" he: da" pyaid moo ngoonu" thoung" shau" nyid da" koug shu: sho" jhen: khyoo: gi thang: phyang" pyaid Mangsoo: gi ngoonu" ri shau" kham: zoo: nhang: wa da" myo nhoo: phung" yoeb yo" citham: atu' yu" ein: ngoo loem" jeing" nyid.

Roma 8:19

Moug: myid goin" mo phain" too" shau" su: gi Mangsoo: nya: zoo: yi ri thu' myang loo nhang: wa da" moozoo" joem ri gye nheig byu myid lang" nyid boem.

1Korinthians 1:7

Houg: yoomo ngoonu" da" Aseing Yesu Khristu thu' myang loo wa ziri: dalang" nyid da" ayo, moo- nanu" moo: ashau" kham: yu da" main, kaid jeju" gi ci" we' aboo loo.

1Korinthians 15:43

Nyhoeb, pyam uri: gi ayung" alho, aco' ajhoid- ce: yoem: we' aboo lo: zi nghoid. Doem dei tu: to' kaid uri: gi gye" young" lho, ziyo' yoem: moo" so' moo" bo da" zi nghoid wa.

2~KORINTHU 4:17

Hau: lho: ngoonu" daso' dadam thoung" shau" nyid da gyoug dain phoo: dajhi' dathang: gi je" gyi: ziyo' apyaid atoo: mo myonhoo: phung" yoeb ri kham: yu nhang: wa zi nghoid nyid.

GALATI 2:20

Houg: yoomo ngoo nya: gung nyang: dei nyid lo: zi anghoid- Khristu gi ngoo moo kangso dei nyid akhid" ngoo hid: dei nyid da" kangso gi ngoori jheddab yoomo nga" shid re" nya: kangso xoin" to' pyam da" Mangso nya: zoo: ri loem" jeung" da" khoug: moo dei nyid da"Kangso danghoid.

PHILIPI 3:21

Nyang: gi jo, moo jo, ri nya: vhoo: moo yo" kaid' pyam da" phung" yoeb, yoem: moo" bo nyid ziyo' dakhyoo" ti"- ngoonu" da" shid: loo" se' gung du: joem ri thed' pyam' lho: nya: da" myonhoo: phung" yoeb bo gung du: yo' du goo" sho' aseig thid' byid: loo wa zi nghoid.

1THESALONI 4:17

Hau: thang: ri hau: Aseing: yo' moug: laid' phyoo" moo shau" goo" wa shid re" ngoonu" dei nyid shi" mo, gi shid: loo" bye: mo, yo' dage" jhoem" moug" phyoo" moo shu" do, lo" zi shau" boem wa nghoid wigi ngoonu" gi hau" Aseing: yo' dage" khanham we' danyid nyid wa zi nghoid.

1 TIMOTHI 6:14

Nang gi nang ri amyeing" byid: to" da" khyoo: ri tam" gyo: wigi Khristu doem, thu myang loo wa da" ayo, bidnyid ju" sho' kyed, kyed za: cang pyeung nyid we'.

2 TIMOTHI 1:1

Mangsoo nyang: myid' vho: ziyo' dakhyoo" ti"- Khristu Yesu da" lagyoo: bue" lho: Khristu Yesu yo' dadeing: daleom: za: bue" nyid yoomo ngoonu" yo" yu wa da" dang: soo" khoin" yo' sen: lho: kangso' khyoo: tid fu" kyoo" wa shid re" nhang: kaid' zi shau" su: ngoo Polu gi

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

HEBRE 9:28

Houg: yo' dakhyoo" ti"- Khristu we' byu yi myoo" sho' mo, da" youg: noo yooboo joem ri pyaid didu shid' re" dalheing: dam, bain sho' nya: gung du: ri xoin" du: koid lho: to' ngei' byid: pyam bye. Yooboo ri bo voin, pyam byid: wa khyoo: yo' asen: loo: za: nyang: ri dalang" nyid mo, ri khyoid yu wa shid re" eig lheing: ein: lheing: moo doem, thu' myang loo wa zi nghoid nyid.

1PETERU 1:13

Hougsu" nghoid yoomo nanu" da" nheigloem: moo moo" zei: wa shid re" jen" jen" koid lho: akhyoo" cang nyid ge,- Aseing Yesu doem gyoo" lo da' uri nanu" kham: yu wa da" jeju" jhung: shug yo" yu wa shid re" khanham we' nheig byu nyid ge'.

1PETERU 5:4

Yang lhug zoug: moo" thu' myhang lo da' bidnyid moo nanu" gi myonhoo: phung: yoeb, bug thu' sheing" jhu" ziyo' khanham we' ashoem: apyang: lo: da" bidmug ri shau" yu boem wa zi nghoid.

1YOHAN 2:28

Nghoid bye"- myi: yi: zoo: yi we"- nyang: thu' myhang lo da" bidnyid ri nanu" gi sho' gyoug lho: phang: gau" yen" anoo" wa shid' re" nya: shid' khoin" moo asho' agyug loo: yo" yab, jo, sho' nyang: yo' daloem: za: dakoid nyid ge'.

1YOHAN 3:2

jheddab bang: we"- ngoonu" akhid: gi Mangso nya: zoo: yi nghoid boem bye- Nghoid loug we' nyhang" thang: phyang" cibui" wa zi gi bain' sho' ase' boem shi". Nghoid loug we' Khristu nyang: doem thu' lo da" bidnyid rigi ngoonu" gi nyang: yo' du, goo" wam: bye"- Khasu" wim gari nya: gung doem: ri nyang: ngoonu" shau" myang boem wam: bye.

1YOHAN 5:12

Hau: nya: zoo ri yo" yu su hang" nghoid loug we' hau: kangso' ri yo" yu ci: bye- nya: zoo: ri ayo" yu shi" su gi kangso' we' ayo" yu.

YUDA 1:24

Nanu" ri ajhoid leung nhang: sho' zung" lhug byid: su: yo' ce: yooboo we' aboo nhang: loo: za: gau, yi ngei pyo: ziyo' myonhoo: phung: yoeb, doug bang da" Aseung: shid' khoin" khyoo: - yo" shu" vang yi su.

Pang Shug 2:7

Venyi gi phung yi ri khasu" ga: tid nyid ziri nukhyab' dab, bang: gi gyo: yu goo" baja". Oung: doid loo" bang: ri Mangso khyam: moo youg jo, da" kangso' shi" gam, mo ashi" ri zoo: wa da" akhang" ngoo byid: wa nghoid.

Pang Shug 22:1

Hau: thang: ri moug: lagyoo: gi Mangsoo yo' yang nu" da" zhung: tang mo yau, thu' lo lho: kyi: myhoo: lug su" bang young" jo, da" kangso' gyid moo" lang ngoori toin" shid' wigi

Pang Shug 22:14

Kangso' shi" gam, mo ashi" ri zoo: wa amyeing" yo" lho: voogung khoug: khyoo: khoem" moo" duang: khyo" yo" vang loo" sho' nyang: nya: da" byisheing: joem ri ced" phyu: pyam mo, gi ngi lho, nyid.