KOLOSE 3:20 - Lacid Common Language Bible

²⁰ Zoo: shang: mi" we"- ce" ja: khyoo: moo we"- re" myhi, yo' re" pho, da" dang: ri khanham we' datam" gyo: nyid ge'- hau: khyoo: gi Khristain yi cang zei: loo" eung: da" moo" nghoid - Khasu" wim gari hau: khyoo: gi Mangsoo vho: da" khyoo: nghoid.

KOLOSE 3:20 Խաչաձեւ Հղումներ

APOEM AYANG: 28:7

Yaku gi nya: myhi' yo' nga" pho da" dang: ri tam" gyo: lho: Mesopotamia khyoo: yhe: loo" khare" ziri we' nyang: myang kaid bye:.

THU' LO" MOUGSOUG" 20:12

Ngoo nanu" ri byid: wa da" mungdain: moo kangso' sheing: nyid goo" baja" nanu" da" nya: phoo yo' nya: myhi' ri phau" myang: nyid ge'.

DANG: ZHOEM 20:20

Re" da" myhi' pho, tang: ri nang nheung" nyid nghoid rigi re" kangso' ri moug: coid khoug: moo: shid: byoug da" myibung: yhang: ti thang loo wa zi za: nghoid nyid.

DANG: ZHOEM 30:11

Nya: pho, bi" ri nheung" lho: nya: myhi' bi" ri phoug" ase' tab da- byu dayham" nyid nyid ago".

DANG: ZHOEM 30:17

Nya: phoo ri yinoug tu' pyam, lho: nya: myi, mang: lo" ri anoug ashoo" koid su: hang" nghoid loug we' join yu joem wigi phyo' zo: pyam wa zi moin: yi" nyid. Anghoid lang" gi nya: myojid" ri kano, joem wigi thei" phoug pyam, byid: wa zi moin: yi nyid.

DANG: ZHOEM 6:20

Nga" zoo: we"-Aphoo, tid da" dang: dangain" ri cang zei: we' Re" myhi' tid da" jhoug" myeing" ri we' khanham we' ato" myhed pyam.

YEREMIA 35:8

Yonadab wigi ngoonu" ri byid: too" kho' da" jhau" shid dang: dangain" ri ngoonu" tam" gyo: phau" cang yhe: loo bye:. Ngoonu" nyang: we' khanham we' zabyid yhid: ashug- ngoonu" da" yhoem: seing: myhi' yi yuggi zoo: yi myiyi: zoo: yi we' ashug

EZEKIEL 22:7

Voomoo khoug: mo hang" dayug we' nya: myhi' phoo ri ngi: ashab' byid: nghoid ago". Nang gi tungbau byu yiri mhoug zo: lho: cougmoo" yi yo' coug" zoo: yiri atu" amyaid sho: da:.

XOIN" NGEI" 19:3

Nanu" yugkhang" moo" gi nanu" da" yhed yo' ba" ri phau" myang: nyid ge'. Ngoo amyeing" byid: to" ziyo' dayhang: ti" Dougno: Bidnyid ri cang nyid ge'. Ngoo gi nanu" Aseing Mangsoo nghoid.

MALAKHI 1:6

Yoem: moo" bo da" Aseing Mangsoo gi khainjung yiri hid su" ga: tid- «Zooshang: gi nya: phoo ri phau" myang:- join we' nya: yhoem: seing: ri phau" myang:- nanu" da" nya: phoo gi ngoo nghoid ri ngoo ri khanham phau" myang: yu" go" lha". Ngoo gi nanu" da" Aseing nghoid- khanham gyoug phoug" yu" go". Nanu" gi ngoo ri aphoug" akhyoid koid lho: ngoo gi nanu" Aseing nghoid ri khanham gyoug phoug" yu" go". Nanu" gi ngoo ri aphoug" akhyoid koid lho: ngoonu" gi Aseing ri arui" yu"» ga: we' datid ashi" go".

MATHE 19:19

Myhi, phoo ri phau" myang: ge' re" yhoem: kyoo" cang" ri nanya: gung yo' dakhyoo" ti" jheddab we'» ga: tid kyo.

Ephesu 5:24

Hau: phung: gi Khristu da" vhoeb da" khyoo: ri kham: yu nyid yhang: ti"- yhoem: seing: myhi' we' yhoem: seing: phoo yi vhoeb khang" da" khyoo: ri bain sho' kham: yu ca" nyid boem.

TARHA" TID POIN" 27:16

«Nya: phoo anghoid lang" nya: myhi' ri sho' phu" nhang: su: hang" nghoid loug we Mangso nheing" khoin" zang" baja". Houg: lang" byumyu" yi dangain" gi ‹Amen› ga: tu" wa zi nghoid.

TARHA" TID POIN" 5:16

«‹Nanu" Aseing Mangsoo ngoo nanu" ri amyeing" byid: to" ziyo' dakhyo" nanu" nya: phoo yo' nanu" nya: myhi' ri phau" myang: ge'. Houg: lang" nanu" nyid gi yab ge lho: ngoo nanu" ri byid: wa nghoid da" mung" moo kang: sheing: sho' shoug" nyid boem wa.

PHILIPI 4:18

Hid: the' nanu" byid: bye: da" zi dangain" ri ngoo yo" yu bye- zhayen" sagsi: gi he: zi nghoid bye- hau: zigi ca" tho' moo jain" sho' lang" nghoid bye- akhid" gi nanu" da" jhung: shug ri Epaphrodi ci: ri" byid: yoomo ngoo moo ca" moo ca" dangain" ri yo" yu bye- he: da" zi joem gi Mangso jang" moo xoin" to' byid: da" nam, pyo: shoem: yhang: tri" we' Mangsoo vho: ngei ziyo' lhoem: yu moin: da" xoin" du: yhang: ti" we' nghoid bye.

KOLOSE 1:10

Hougsu" nghoid lang" gi nanu" gi Mangsoo myid vho: khyo" kangso dei nyid wigi nya: da" vho: ngei khyoo: moo khanham we' nanu" yo" cang zei: loo" wa zi nghoid- houg: lang" nanu" da" kangso dei khyoo: gi ge da" moozoo" ja" khang" moo" moo ashi" zei: lo wigi Mangsoo ri se' lo da" khyoo: moo gyi: sheung: loung: lo boem wa zi nghoid.

KOLOSE 3:22

Join, yi we"- nanu" da" xangsu: yhoem: seing: yi ri khyoo: khaid khang" moo" moo tam" gyoo: byid: nyid ge, nanu" gi myonhoo: shoo: nau, ziyo' nyangnu" shid' moo dang: tam" gyo: khyo" akoid loo: za: Aseing: ri gyoug phau" zoo re" nyangnu" da" dang: ri gyeungshang: ziyo' tam" gyo: nyid ge'.

TITU 2:9

Join, yi gi nyang nya: da" yhoem: seing: yi vhoo: moo tam" gyo: nyid wigi khyoo: khaid gu: khang" moo" moo nyangnu" da' shid khoin" moo myonhoo: rua jo, sho' dang: aphug tu" loo: za:

RUTHA 3:5

Rutha we' «Nang tid moo tid gi ngoo koid wa» ga: kham: yu bye:.