ESAIA 57:6 - Lacid Common Language Bible

⁶ Nanu" gi hau: joyoo mo jhoid jhoid wim da" lugzeing joem ri koid: yu wigi yu phara" khyo" hau: joem ri no' ago". Hau: joem ri ngei" byid: da" xoin" khyo" nanu" gi zabyid yhid: ri foid shoin" byid: wigi shivoo: xoin" hau: joem ri ci: ri" byid: boem. He: gu: dangain" ri ngoo vho: ngei ein: nanu" jhoo: go" rhe".

ESAIA 57:6 Խաչաձեւ Հղումներ

YEREMIA 3:9

nyang: gi dajhi' we' asho' nghoid da:. Nyang: gi hau: mougmyid ri ayung" alho' koid pyam wigi lugzeing yo' seiggam joem ri no' da" khyo" myi: shoid lang shoid da:.

YEREMIA 7:18

Zooshang: yigi thang" sho: zheing" ago"- yuggi yigi myi: moid ago". Houg: lho: myiyi: yigi nyangnu" wigi Mougkhung: khokham myhi' ga: myheing da" yu phara" myhi' ri shugbyid: wa shid re" zooyho' phoid wa ga: cen: moin" lheig nyid boem. Nyangnu" gi ngoo ri myid noo nhang: wa khyo" gootu: yu phara" joem ri zabyid yhid foid shoin" xoin" ngei" byid: ago".

HABAKU 2:19

Nang gi joem: lo" zi shoug" wa. Nang gi seig thung" ri «Too' we'»- anghoid lang" gi lugzeing ri «To' yab we'» ga: tid da:. Phara" soolhoo: gi nang ri daja: ja: yo" ci: shug la". Hau: ziri ngei yo' sheing: yo' shoin" nghoeb too" nghoid loug we' hau: moo kangso' aboo nghoid da:.

EZEKIEL 20:39

Yoem: moo" bo Aseing tid zigi «Akhid" Israela byu nanu" dangain"- nanu" nya: gung ri ngei bu: nyid ge'. Nanu" da" yu phara" soolhoo: joem ri xo' lho: dei byid: ge'. Nghoid loug we' hau: thang: ri gi nanu" nga" dang: ri tam" gyo: cang yhe: ca" ziyo' nanu" da" yu phara" soolhoo: joem ri xoin" ngei" byid: da" khyo" nga" gyeung" shang: myeing ri ngi: yoem" nhang: ziri theing: pyam ca" goo" wa ein: tid poin" nyid.

YEREMIA 32:29

Nghe' pyam goo" wa. Nyangnu" gi hau: ziri yhoemkhung: dang moo Bala ri shoem: nam pyo: ja: nghe' ngei" byid: da" khyo" wigi we' gootu: yu phara" soolhoo: joem ri zabyid yhid: xoin" foid shoin" byid: da" khyo" wigi we' byu yi wigi ngoo ri nheig joem: yoo: nhang: boem da" yhoem: joem yo' dage" nghe' pyam goo" wa.

YEREMIA 19:13

Yerusalem mo yhoem: joem Yuda khokham yi da" yhoem: joem yhoemkhung: tho' moo kyi: ri shoem: nam pyo: ja: nghe' ngei" byid yu" ziyo' gootu: yu phara" joem ri xoin" khyo" zabyid yhid: foid shoin" yu" da" yhoem: joem dangain"- gyeing" nyang: hau: joem dangain" gi Tophed yhi' ayung" alho' bue" loo goo" wa ga: ziri nyangnu" ri tid kyoo" wa ga» ngoo ri tid da:.

YEREMIA 9:9

Ngoo gi nyangnu" ri he: gu: gang mo yooboo dam abyid: wa ga: rhe". Ngoo gi hid yhang: ti" byumyu" yiri latoo: aphug wa rhe". Aseing tid too" bye:.

YEREMIA 5:29

Nghoid loug we' ngoo Aseing gi hid: joem shid re" nyangnu" ri yooboo dam byid: wa. Ngoo gi he: byumyu" ri latoo: phug wa.

YEREMIA 5:9

Ngoo gi he: moo" joem gang mo nyangnu" ri yooboo dam age byid: rhe". Hid yhang: te" da" byumyu" yiri latoo: phug wa a eung: rhe".

ESAIA 66:3

«Byu yi nyangnu" vho: ngei khyo" koid ago". Nyangnu" gi xoin" khyo" nu: loo: said loug we' xangsu: byu ri xoin" khyo" ngei" byid: loug we' nyangnu" yang nu" ri xoin" ngei" byid: loug we' Lakhuid" leung zeung: jab ceing ngei" byid: nghoid loug we' nyangnu" shivoo: xoin" anghoid lang" vu, suid" ngei" byid: loug we' nyangnu" shoem: nam pyo: ja: nghe' ngei" byid: nghoid loug we' yu phara" soolhoo: ri akyu" mho' loug we' dangain" gi nyangnu" shid re" dayhang: ti" `za: nghoid da:. Nyangnu" aco' ajhoid moo" khyo" no' jang" moo pyo: khyoo: ri sho: ago".

ESAIA 65:11

«Nghoid loug we' nga" da" gyeung" shang: bouggung Ziun: ri cishu: anhang: bang:- ngoo ri she: pyam' to" lho: zhafa: yo' vhu" pi: lo, kyo' gi nhang: da" Gad yo' Meni yu phara" ri no' bang: nanu" yo' hau: zigi adu wa.