ESAIA 57:5 - Lacid Common Language Bible

⁵ Nanu" gi hau: nanu" nya: da" gyeung" shang: seiggam yang: moo gung shoo" zoem" da" moo" koid wigi myo: lug je: be: byid: da" yu phara" joem ri no' ago". Gyid gyung: zoo: nam moo jo, da" lug khyung: joem moo xoin" khyo" nanu" nya: zooshang: yiri ngei" byid: boem.

ESAIA 57:5 Խաչաձեւ Հղումներ

1 KHOKHAM 14:23

Nyangnu" gi anghoid da" yu phara" joem shid re" no' joyoo ri koid bye:. Bau gung tho' moo we' seiggam yoeb vhoo: moo we' no' wa shid re" lug zeingboung: joem yo' Ashera yu soolhoo: joem ri zhug to" boem da:.

2 KHOKHAM 17:10

Nyangnu" gi bouggung dangain"- seiggam yoeb bid shoem: khang" moo" moo lugboem zeing bung: joem yu phara" myhi' Ashera da" soolhoo: joem ri to" wigi.

2 KHOKHAM 17:7

Israela byumyu" yigi nyangnu" ri Egutu khokham lo, mo khyoid yu lho: nyangnu" ri Egutu mung" mo shu" thu lo yug nghoid da" nyangnu" Aseing Mangsoo ri thougtheung yooboo shoid yoomo Samari gyo" soem" lo" zi nghoid da:. Nyangnu" gi gootu: yu phara" joem ri no' ago".

2 KHOKHAM 23:10

Khokham phoo Yoshia gi hang" we' nyangnu" nya: yuggi zoo: myiyi: zoo: yiri nghe' ngei" da" xoin" khyoo" Moleg yu phara" ri ayo" ngei" byid: goo" wa shid re" Hinnom janggyoin: mo tungbau yu phara" ri no' da" joyoo Tophed ri we' aco' ajhoid koid pyam da:.

2 KHOKHAM MHOOMYID: 28:3

Hinnom lang: khung" moo shoem: nam pyo: xu: nghe' ngei" byid: da:. Israela byumyu" yi jhen" vang yhe: uri Aseing wigi hau: mungdain: mo khaid thu pyam da" byumyu" yi da" aco' ajhoid lo, moo" ri leug yu" yu lho: yu phara" soolhoo: joem ri xoin" khyo" nya: yuggi zoo: yiri lang" nghe' ngei" byid: da:.

THU' LO" MOUGSOUG" 32:6

Nyangnu" gi thang: nab soin: no' mo myi: nghe' xoin" shid re" yo' zoem" khau: xoin" khyoo" zoo: wa shid re" gougnyhoug ri ci: re" ago". Byumyu" yigi pui" koid wigi agyeing: asoo" loo: sho' zo: lho: shug lho: gung shoo" zoem" khoug: nyid ago".

ESAIA 1:29

Seiggam joem yo' sho" to" da" gyeung" shang: khyam: joem ri nang noku coung" lo ziri nang nheig koug loo wa.

YEREMIA 17:2

Re" byu yigi phoin: joem ri we' seiggam khang" moo" yo' bouggung joem mo yu phara" myhi' Ashera da" shid re" tu: to' to" da" soolhoo: joem ri we' no' ago".

YEREMIA 2:20

Yoem: moo" bo Aseing tid «Israela we"- Goonham' mo nga" amyeing" akhang" ri nang ngeug pyam da:. Nang gi ngoo ri tam" gyo: cang yhi: wa yo' noku wa shid re" he: pyam da:. Nang gi myhang: da" bouggung khang" moo" yo' nyau young" da" seiggam yoeb khang" moo" moo myo loug je: be: nhang: da" yu phara" joem ri no' da:.

YEREMIA 3:13

Nang yooboo yoo" bye: ein: ziyo' re" Aseing Mangsoo ri nang thougtheung gyi koid bye: ein: ziri za: kham: yu we'. Nyoug yung" da" seiggam yoeb khang" moo" moo tungbau yu phara" joem ri re" jheddab myid byid: pyam bye: ein: ziyo' nang gi nga" amyeing" dang: joem ri atam" gyoo: ein: ziri yooboo yhen: yu we'. Ngoo Aseing tid too" bye:.

YEREMIA 3:6

Yoshia khokham bue" nyid uri Aseing ngoo ri «Hau: jhug azug da" myiyi: Israela cikoid ziri nang shau" myang bye: rhe". Nyang: gi nga" jang" mo phug lo" wigi myhang: da" bouggung khang" moo" dang moo yo' nyau young" da" seiggam yoeb khang" moo" moo nyang: gi shava myhi' yhang: ti" koid da:.

YEREMIA 32:35

Nyangnu" da" yuggi zoo:- myiyi: zoo: yiri Moleg yu phara" ri ngei" byid: wa shid re" Hinnom lang: khung" moo Bala ri nyangnu" phoin: koid byid: ago". Hid su" koid wa nyangnu" ri ngoo amyeing" abyid: too". Nyangnu" houg: yhang: ti" da" lo, moo" ri koid nau goo" wa ziri yo' Yuda byu yiri yooboo koid nhang: goo" wa ziri nga" myid moo lang" abo yu" nghoid da:.

YEREMIA 50:38

Nya: da" mungdain: moo kyug kyug bui" nhang: wigi Nya: da" gyid gyung: joem kain" lo" byug ago". Babelon gi byu ri koo" nhang: pyam da" yu phara" soolhoo: joem wigi Kyug tain' da" mungdain: nghoid da:.

YEREMIA 51:7

Babelon gi nga" lo, moo bo da" sheing: khu yo' du. Hau: zigi moug: gyab goin" ri shug yid nhang: da:. Byumyu" yigi hau: zabyid yhid: ri shug wigi ko" lo" byug bye:.

YEREMIA 7:31

Hinnom lang: khung" moo Tophed ga: myheing da" phoin: daloem: zhug da:. Hougmoo: nyangnu" gi nyangnu" da" yuggi zoo: myiyi: zoo: yiri nghe' ngei" da:. Ngoo gi nyangnu" ri hau: zi akoid nhang:. Hau: zigi nga" nheigloem: moo: boo lang" aboo.

EZEKIEL 16:20

Hau: thang: nang ngoo ri khu byid: da" yuggi zoo: yi myiyi: zoo: yiri shu" yu wigi yu soolhoo: joem jhang nyangnu" ri xoin" ngei" byid: pyam da:.

EZEKIEL 20:26

Ngoo gi nyangnu" ri nyangnu" nya: xoin" joem wigi nyangnu" nya: gung ri anyhoin: athung" bui" nhang: bye:. Ngoo gi nyangnu" ri nyangnu" da" yuggi zoo: zooshid" yiri xoin" khyo" ngei" byid: nhang: bye:. He: zigi nyangnu" ri yooboo dam byid: wa yo' ngoo Aseing nyid khyoo: ri ci: shug wa shid re" nghoid.

EZEKIEL 20:28

Ngoo gi nyangnu" ri byid: wa ein: dangsoo" byid: to" da" moug: khyoo: nyangnu" ri shu" loo bye:. Nyangnu" gi myhang: da" bouggung joem yo' nyau young" da" seiggam joem ri myang lang" hau: joem dangain" jang" moo nyangnu" xoin" ngei" byid: boem ago". Nyangnu" gi nyangnu" nghe' da" xoin" joem yo' xoin" khyo" nyangnu" ngei" byid: da" zabyid yhid: joem wigi ngoo ri nheig yoo: nhang: bye:.

EZEKIEL 20:31

Akhid" nyid" lang" nanu" gi hau: jhungshug ri nyang: shugbyid: lho: hau: yu phara" soolhoo: ri nyang: nanu" nya: zooshang: yiri myi: moo nghe' wigi houg: bang: ri shugbyid: da" khyo" nanu" nya: gung ri anyhoin: athung" koid pyam ago". Hau: thang: Israela byumyu" yi nanu" gi nga" myid vho: khyoo: ci: nghoid la" ga: da re" myid: boem ashi" go". Ngoo yoem: moo" bo Aseing gi kangso' dei da" Mangsoo nghoid zi deingmain" nyid ziyo' dayhang: ti" ngoo gi nanu" ri nga" jang" mo ce: daja: we' ayo" myid: yu nhang: wa.

EZEKIEL 6:13

Byu shid: manggung joem ri yu phara" soolhoo: joem phung gung moo phoin: joem lheing khoem moo she: sain" too" wa. Myhang: da" boug: gung khang" moo"- boem khang" moo" mo boem gung moo seig nyoug gam khang" moo" da" agyid" moo yo' gyi: da" shookhi" gam khang" moo"- nyangnu" da" yu phara" soolhoo: ri nghe' ngei" xoin" to' da" joyoo khyi' khang" moo" moo she: sain" too" wa. Hau: thang: yugkhang" moo" gi ngoo Aseing nghoid ziri se' loo goo" wa.

XOIN" NGEI" 18:21

Moleg yu phara" ri no' wa jang" moo: ci: wa shid re" nanu" zoo: yi mo dayug ri we' a ab byid: goo". Ciwim gari: hau: zigi Aseing Mangso da" myeing ri shoem: nhang: zi nghoid.

GYUNG: SOO" 25:6

Moshe yo' Israela byumyu" yi Aseing shidkhoin" Zoem" moo nheig koug nyid boem ri Israela byu dayug nyangnu" shidkhoin" khyo" Midian myiyi: dayug ri nya: zoem" khyoo: shu" vang lo" da:.

TARHA" TID POIN" 12:2

Nanu" yhe: yu wa da" mungdain: khoug: moo byumyu" yi noku boem da" yu phara" joem jo, da" boem myhang:- bouggung- nyau young" seiggam yang: joem dangain" ri phyo' sain" pyam ge'.

Pang Shug 18:3

Khasu" wim ga: ri Nya da" soem" lid' moo" ein: da" zabyid yhid: yo' byumyu" ja: khang: moo" ri yed, leung loo" nhang: bye. Moug: myid tho' mo khokham" yi we' Nyang: yo' dage" soem" lid' sho: moozoo" ri zei: yoomo mougmyid tho' mo phaga byu yi gi sathi" byue" lo boem bye.