ESAIA 5:1 - Lacid Common Language Bible

¹ Nga" byencang" phoo yo' nya: zabyid khyam: da" jikhoin" he: jikhoin" ri ngoo khoin" nyid uri tam" gyoo: we'. Nga" byencang" phoo gi myid xu: gye" ge da" bouggung atho' moo zabyid khyam: dakhyam: yo" da:.

ESAIA 5:1 Խաչաձեւ Հղումներ

COUNG" NGHEI 101:1

O" Aseing we" nga" da" jikhoin" dang: gi nheigloem: zung" ziyo' nyeung vho, nyid yoomo ngoo nang ri jihkoin" yo' khoin" nyid.

COUNG" NGHEI 45:1

Khokham pho, shid re" he: da" jikhoin" ri ngoo lhid" da" uri nga" nheigloem: ung: khoug: moo young" du da" dang: yo' byeung" jo. Gye" reung da" mougsoug" lhid" sara: phoo ci: da" mhug youg: yhang: ti" nga" da" yhoo: gi dang: zhoem tid wa zi jen" jen" nghoid nyid.

COUNG" NGHEI 60:5

Nang jheddab da" byumyu" yigi khyoid khyi: yu zi shoug" wa shid re re" da" myonhoo: yoem: vhoo" yo' ngoonu" ri khyoid yu we' ngoonu" da" akyu" mho' thui: ri tu" byid: we'.

COUNG" NGHEI 80:8

Nang gi Egutu meing: mo zabyid nei dakhaid ri yu ci: lo wigi gootu: byumyu" yiri nang khaid thu pyam lho: hau: ziri nyangnu" da" moug: moo: sho" to" abye:.

SHOLUMON JIKHOIN" 2:16

Nga" jheddab su: gi ngoo seung: su: nghoid wigi ngoo ri we' nyang: seung: da:. Nyang: gi nya: gougnyhoug joem ri myioeb bain: yoo moo coung" zho" nyid da:.

SHOLUMON JIKHOIN" 5:16

Nya: nhoid gi babug bug ri gye" coug: nyid da:. Nya: gung shoo" dangain" zigi ngoo ri ngei nhang: nyid. Yerusalem mo myiyi: myhi' yi we" he: zigi nga" jhed yo' du nyid o".

SHOLUMON JIKHOIN" 5:2

Ngoo yhoeb jo, nghoid loug we' nga" nheigloem: gi gyeung: nyid. nga" jheddab su: gi khoem" ri ko' nyid ein: ngoo yhoebmo, mo, nyid. Nga" nheugdeug nga" nheig tei" nga" pheing" kyoug" we"- ngoo ri vang nhang: we'. Nga" vhuloem gi nghain: jhu" yo' jhu' nyid. Nga" xam: gi lang" khyoem' yo' bam bam jhu' nyid.

SHOLUMON JIKHOIN" 6:3

Nga" jheddab su: gi ngoo seung: su: nghoid wigi ngoo ri we' nyang: seung: da:. Nyang: gi nya: gougnyhoug joem ri myioeb yoo moo coung" yhe: zho" nyid da:.

YEREMIA 12:10

Tungbau mo vhu" she: bang: gi nga" zabyid khyam: ri phyo' shoin' pyam boem. Nyangnu" gi nga" da" shivoo yoo ri nang nhe" pyam ago". Nyangnu" gi yu" yung" tung" da" nga" mougmyid ri dain" pyoid yoo bue" nhang: pyam ago".

YEREMIA 2:21

Ngoo gi nang ri ge thang da" myoug: shi" mo zabyid nei yhang: ti" sho" too" bye:. Nghoid loug we' nang ci bue" lo ziri yu" yu" we' nang gi ce: phoug" adab da" zabyid nei boeb yo' du da:.

EZEKIEL 15:2

Nyang: gi «Shid: se' da" byu we"- zabyid nei yo' seiggam khasu" yo" tu' goo" wa la". Siyoo mo seiggam joem yo' tu' go" da" zabyid nei mo akung: dakung: gi ce: akyu" bo la".

EZEKIEL 19:10

Re" myhi' gi gyid zoo: gyung: nam moo sho" to" da" zabyid nei yo' du da:. Hau: joyoo moo gyid myoo" sho' jo, yoomo zabyid nei moo afu' yo' ashi" byeung" jo, da:.

HOSEA 10:1

Israela byumyu" yigi zabyid shi" byeung" sho' zei: da" zabyid nei yo' du lo ago". Nyangnu" je yoo" zoo: yoo" shug loo lang" phoin: joem je myoo: sho' zhug lo ago". Nyangnu" mougmyid mo shivoo: ziyoo je thu lang" nyangnu" no' wa da" gyeung" shang: lug zeingboung: joem je zhug ago".

MATHE 21:33

«Dangtu' gootu: ri we' doem tam" gyo: yu" ge". Zabyid sho" to" da" khyam: seing: dayug nyid' nyang: gi khyam: kyam, lho: zabyid shi" pyeig wa duang: we' du: to. Do, pyu zung we' daloem: zhug to. Hau: thang ri nya: khyam: gi khyam: moo" zei: mo, ri nghoo" byid: khoo, lho: so" lo.

MARKU 12:1

Yesu gi dang tu, joem nyangnu" ri tid kyo" Byu dayug gi zabyid khyam: daloem: ri sho" nyheung to" lho: hau: ziri khyam: kyam, lheung to". zabyid pyeig wa duang: du: to" ziyo' joo zam daloem: ri we' nyham" to" lho: wigi khyam: koid zoo: mo, ri nghoo" byid: too" kho' lho: gyung: so" lo".

LUKA 20:9

Hau: thang: ri Yesu gi byu yi ri he: da" dangtu' tid kyo. Shid' phyang" byu dayug gi zabyid khyam: daloem: nyheing sho' to" lho: byu dayug ri nghoo" byid: kho' lho: nya: yhoem: mo thu' lo" wigi ayo, myang" sho' ye nyid byug

YOHAN 15:1

Aseing Yesu gi Ngoo gi main" da" zabyidd" nei nghoid. Nga" phoo gi khyam: seing: nghoid.

TARHA" TID POIN" 8:10

Nanu" zoo: nau ja: dangain" yo" loo goo" wa. Houg: lho: nanu" ri nyang: wigi byid: to" da" hau: mougmyid nu" da" mungdain: yoomo nanu" Aseing Mangsoo ri nanu" jeju" boin: so" loo goo" wa.

TARHA" TID POIN" 8:7

Nanu" Aseing Mangsoo gi nanu" ri mougmyid nu" da" mung" khyoo: shu" loo nyid bye:. Hau: mung" gi gyid lang joem yo' gyid bug joem bouggung lang: khung" cang gyid thu nyid da" mung"