ESAIA 16:4 - Lacid Common Language Bible

⁴ Nanu" da" mungdain: moo ngoonu" ri nyid nhang: la. Ngoonu" ri phyo' shoin' pyam nau boem mo, da" lo, mo ngoonu" ri goem loem byid: goola» ga: tid ago". (Zeug zo: ziyo' phyo' shoin' pyam zigi bei: byug wa. Mungdain: ri phyo' shoin' bang: we' thang lo" byug wa.

ESAIA 16:4 Խաչաձեւ Հղումներ

ESAIA 14:4

Nyang: hid: su" koid lang" nyangnu" gi Babelon khokham ri juang" lho: tid zigi «Anoug akhyoid koid da" khokham gi leung lo" abye:. Nyang: gi hang" ri we' khanham we' adoin zeig zoo: loo wa.

MALAKHI 4:3

Ngoo moo" zei: lo da" bidnyid moo gi nanu" gi akhyeing" ashoeb bang: ri oung: pyam lho: nyangnu" gi nanu" da" khyid: voo khoug: mo pheilhoug: yhang: ti" bue" lo" byug goo" wa zi nghoid.

ESAIA 51:13

Nang ri phain" so: too" su: mougkhung: ri pyo: nghoeb too" su: mougmyid da" apoem: ayang: ri zhug too" su: Aseing ri nang to" myhid pyam bye: la". Nang ri zeig zoo: bang: da" nheig joem: yo: zi nang ri phyo' shoin' pyam wa jen" jen" nghoid mo, ri byeing abyid nang ciwim gyoug nyid la". Nyangnu" da" nheig joem: yo: zigi nang ri ayo" tain" goo" wa.

ESAIA 9:4

Ciwim gari nyangnu" voin lid: da" kyoug: ri yo' nyangnu" da" kootho' moo baid da" voosi" ri baid khyau" pyam byid: bye:. Goonham' nang wigi Midian gyidab ri oung: pyam yhang: ti" Re" byumyu" yiri doin: zeig zo:- jhoeb zo: boem da" byumyu" yiri nang oung: pyam abye:.

Pang Shug 11:2

Nghoid loug we' noku yhoem: mo" nghe: shoid mo vang" ri koem: gi aki, ja"- Khasu" wim garihau: zigi tungbau byumyu" yi ri bain byid: too" bye: zi nghoid. Nyangnu" gi hau: gyeungshang: da" voomoo" ri lham" moo" myid: xe: eig khyab, ju" sho' nang: zeug ci: wa zi nghoid.

LUKA 21:24

Byu dayham" gi sham: dam yo" said pyam zi shau" boem wa. Dayham" bang: rigi join khyo" myheig shu" lo" boem wigi mung" zoo: mung" zeing: moo byo sain" lo" boem wa. Tungbau Byumyu" yi gi nyang: nya: vhoeb khang" da" pyaid athang thang gi Yerusalem voo moo" ri khyidvoo: khoug: moo nang zeug ci: boem wa.

ZEKHARIA 10:5

Yuda byumyu" yigi fu" moo" khyoo: joem moo nyangnu" da" gyivoo joem ri nang: nhe" nhoeb pyam' da" gyizoo: yi yo' dakhyoo" ti" oung: doid lo" boem wa. Aseing gi nyangnu" yo' dage" nyid yoomo nyangnu" gi gyizoo joem yo' meing: zain: go" ri myang: zhung: da" gyiphung: rilang" yo" zain: oung: pyam' wa zi nghoid.

YEREMIA 48:18

Dibon moo nyid bang: nanu" we"- ngi: shab da" nanu" joyoo mo gyoo" loo ge'. Houg: lho: pheilhoug: boem" myidgung moo zhung: ge'. Moba da" phyo' shoin' su: gi hid: moo nghoid wigi Nya: da" gyidab voomoo" gi byo, yoin" jo, abye:.

YEREMIA 48:8

Voogung daloem: we' byo, yoin" zi mo aloid wa. Lang: khung" yo' jang: pa: eig ja: goin" byo, yoin" loo" wa. Ngoo Aseing tid too" bye:.

ESAIA 33:1

Ngoonu" da" gyivoo yigi joem: abye: go". Nyangnu" gi lhoid zo: lho: gyivoo yi lo, khyoo: ab byid: lo da" bang: nghoid loug we' nyangnu" rigi hang" wigi we' alhoid zoo: hang" ri we' gyid voo lo, kyoo: a ab byid: nghoid ago". Nghoid loug we' nyangnu" da" lhoid zo: ziyo' ab byid: da" akhyeing: ayo, gi thang loo" wa. Nyangnu" nyang: nyang: lhoid zoo: shoug" bang:- phyo' zoo: shau" da" zoo: noem bui" goo" wa.

ESAIA 25:10

Aseing gi Ziun boem ri goem loem byid: loo wa. Nghoid loug we' Moba byu yigi nu: khyid" moo khoofoo: ri nang nhe" pyam ziyo' dayhang: ti" nang: nhe" pyam zi shau" boem wa.

ESAIA 15:6

Nimrim lang gi kain" byug lho: gyid yam mo mhain" joem gi kyug shid: lo" ago". Mhain" nyoug: ci we' ajo, loo:.

TARHA" TID POIN" 24:14

«Israela byumyu" mo nghoid nghoid nanu" voogung joem mo davoo moo: nyid da" tungbau byu nghoid nghoid hau: myung shoo" su: yo' myung da" dei zoo: ri amhoug zoo: go".

Roma 16:20

Myenjham" Aseing: Mangsoo: khamyhang amyang" ri Nanu" da" khavoo: khoug: moo satan: ri nang: zeug pyam' nhang: wa ngoonu" da" Aseing: Yesu da" jeju" ri Nanu" shau" kham zoo: baja" o".

ZEKHARIA 9:8

Ngoo gi nga" mungdain: ri lhoug zung" nyid wigi cenoem gyiphung: yi we' ayo" lid loo". Nya: mung" byu yiri shen" yhen doin: zeig nyid ziri ngoo khanham we' akhang" byid: wa zi anghoid. Ciwim gari akhid" mo wigi nga" byu yiri yhe: zung" yu" nyid wa.

ESAIA 49:26

Ngoo gi nang ri zeig zoo: mo, ri nyang: cang" said goo" nhang: wa. Nyangnu" gi byu said ziyo' nheig joem: yo: ze wigi yed: jo, goo" wa. Houg: lang" byu dangain" bang: gi ngoo gi nanu" ri khyoid yu wigi loid byoin nhang: kaid wa. Aseing nghoid ziri se loo" goo" wa. Ngoo gi Israela da" yoem: so' bo da" Mangsoo nghoid ziri nyangnu" se' loo goo" wa» ga: phug tid da:.

ESAIA 54:14

Tarha" deingmain" ziyo' jo zigi nang ri yoem: boo nhang: loo wa. Nang gi zeig zo: ziyo' gyoug ci' jang" mo goem loem zi shoug" yu wa.

ESAIA 58:7

Zoo yoid bang: yo' nanu" da" zoo: noem gam zo:- yhoem: ayoo" myung shoo" bang: ri nanu" yhoem: khoem" phang byid:- byimi ci: avoid bang: ri byimi gam byid:- nanu" nya: bidnoem seing" cang" yiri pang" thoug byid: da" khyoo: ri ahe: pyam' zi nghoid da:.

YEREMIA 40:11

Hau: uri Moba- Amon- Edom yo' gooji mungdain: moo nyid boem da" Israela byu dangain" bang: gi Babelon khokham wigi Israela byu yiri Yuda mung" moo nyid nhang: lho: Gadelia ri nyangnu" da" mung" zoug: koid nhang: da" khyoo: ri shau" gyo: ago".

OBEDIA 1:14

Nang gi phang: thu loo" wa ga: lu: nyid bang: ri myheig yu wa shid re" khyoo: kang" khang" moo" moo yab jo, lho: lang" nyid zigi azei: eung: da" moo" nghoid nyid. Nyangnu" da" nheigloem: gi yoem: shoin: zi shoug" nyid da" bidnyid moo nang gi nyangnu" ri gyivo lo, khyoo: age kaid byid:.