ESAIA 13:7 - Lacid Common Language Bible

⁷ Yugkhang" moo" da" lo, gi gyau: loo" khare" lho: yugkhang" moo" da" yoem: gi gyau: loo" khari" wa.

ESAIA 13:7 Խաչաձեւ Հղումներ

EZEKIEL 21:7

Nyangnu" nang ri ciwim hougsu" noo kyeing" kyeing" nyid la"› ga: myid: uri ju" lo nyid da" lu dang: yoomo nookyeing" kyeing" nyid ein: tid we'. Hau: lu dang: ju" loo lang" nyangnu" nheigloem: moo gyoug ziyo' byeung" lo boem wa. Nyangnu" lo, joem gi pyoung" lhang" jo, boem wa. Nyangnu" da" voem" myid thang byug wa. Nyangnu" da" poid lug joem gi ko' ko' nain" nyid boem wa ayo, ju" abye:. Hau: zigi hid: moo nyang: nghoid abye:. Yoem: moo" bo Aseing tid bye:.

NAHUM 2:10

Nineve voomoo" gi phyo' sain" pyam zi shoug" bye:. Phang: cau" to" zi shoug" bye:. Jham" dung" khi" bue" byug bye:. Gyug wigi nheigloem: thang bye:. Myonhoo: we' shoem" shid: yid bue" byug bye:. Poid lug ko' ko' nain" bye:. Yoem: goin so' we' goin byug bye:.

NAHUM 1:6

Nyang: nheig yo: lo ri hang" yo" se' dei deung nyid wa lha". Nya: da" gyoug pho" nheig joem: yo: lo ri hang" yo" kham wa lha". Nyang: gi nya: da" nheig yo: myiyham: ri foid shoin" kaid ri nya: shidkhoin" mo lug moo" boem joem gi pheilhoug: bue" loo" bye:.

EZEKIEL 7:17

Yugkhang" moo" da" lo, joem gi yoem: neing: goo" wa. Nyangnu" da" poid lug joem gi nain" loo goo" wa.

ESAIA 19:1

He: zigi Egutu yo' sen: da" mungdang: nghoid. Aseing gi myab da" jhoem: thei" adang moo zhung: wigi Egutu mung" khyoo: re" lo nyid da:. Egutu byu yi da" yu phara" soolhoo: joem gi nya: shidkhoin" moo ko' ko' nain" lho: Egutu byumyu" yigi nyangnu" da" voem" myid thang byug abye: go".

YEREMIA 50:43

Lu dang: joem ri Babelon khokham shau" gyo: wigi Nya: lo, byau" lhang" to" da:. Nyang: gi myid myo: oung: lug ziyo' we' Zookhu: noo no da" myiyi: dayug yhang: ti" no ziyo' we' oung: pyam shau" da:.

ESAIA 51:20

Khyoo: khaid khang" moo" da" khyoo: jhoin: moo re" byu yi gi yoem: neing: wigi yhau" leung lo" ago". Nyangnu" gi shoo" sho: su: da" goin moo myi" da" shoocid: yhang: ti" nghoid ago". Nyangnu" gi Mangso nheig yo da" yoem: so' ri kham: zo: boem abye:.

ESAIA 37:27

Houg: moo nyid bang: gi yoem: so' aboo goo" nghoid da:. Nyangnu" gyoug dain wigi mo, byug ago". Nyangnu" gi bidthu shoid mo lid lung wigi lo hau' nyid uri pa: dain" mo myo, gam anghoid lang" yhoemkhung: mo myo, gam yo' du da:.

THU' LO" MOUGSOUG" 15:15

Edom vhujhung: yi gyoug dain nyid ago". Moba sarhi' yi gyoug nain" nyid ago". Khanan byumyu" yigi nyangnu" da" voem" da" myid byug byug ago".

YOSHU 2:11

Hau: khyoo: ri ngoonu" shau" gyoo: yo' ngoonu" gyoug nain" boem bye:. Nanu" yoomo ngoonu" da" yoem: gi dangain" bei: lo" byug bye:. Nanu" Aseing Mangsoo gi mougkhung: tho' mo yo' he: myidgung: dang mo Mangsoo nghoid da:.

COUNG" NGHEI 58:7

Nyangnu" gi kyoug kain" byoug da" gyid yhang: ti" bei: lo" byoug boem baja". Khyoogung moo: youg da" vufu" myo, ri yhang: ti" nyangnu" nang: mhoin pyam zi shoug" goo" baja".

YEREMIA 51:30

Babelon gyizoo yigi gyi khaid ziri theing: pyam lho: nyangnu" gyidab moo nyid boem ago". Nyangnu" da" voem" koid myid bei: byug wigi asho" ajhen: bue" byug da:. Voomoo" vang khyam: khoem" joem byo, gyo" lo" byug wigi yhoem: joem gi myi: nge" lo" da:.

EZEKIEL 21:12

Shid: se' da" byu we". Koug wigi kyi: ngau kaid we'. He: shamcoin" gi nga" byumyu" yi yo' Israela vhujhung: yi shid re" nghoid da:. Nyangnu" gi deing nyid shi" da" nga" byumyu" yi dangain" yo' said pyam zi shoug" loo: wa. Re" yang gang moo nheigloem: thang ziyo' baid we'.

NAHUM 2:11

Khang khyi khyung: yhang: te" da" voomoo" gi akhid" kha khyoo: lo" byug bye: lha". Khang khyi nu" joem ri zoo: noem zho" wigi khang: khyi zeing yo' khangkhyi loo: khangkhyi nu" yi gau" jo, jang: gau: nyu: joyoo voomoo" zeing gi akhid" kha: khyoo: loo" bye: lha".