ESAIA 13:6 - Lacid Common Language Bible

⁶ No wigi kyi: ngoug ge'. Yoem moo" yo' phyo' shoin' wa nghoid da" Aseing da bidnyid gi jhang re" nyid bye:.

ESAIA 13:6 Խաչաձեւ Հղումներ

YOELA 1:15

Yoem: so' gyi: thang su: wigi phyo' shoin' pyam wa Aseing da" bidnyid gi ju" lo nyid bye:- hau: bidnyid moo gye" gyoug dain ja: bue" loo wa.

ZEPHANI 1:7

Aseing dang: phyed wa da" bidnyid gi ju" lo nyid bye:- houg: yoomo nya: shidkhoin" moo sam: zoo: nyid we'. Xoin" said ngei" yhang: ti" Aseing gi nya: byumyu" yiri said ngei" byid: wa zi soin' nyid wigi Yuda mung" ri zain: loo wa da" gyivoo joem ri khe: zheung" too" bye:.

AMO 5:18

Aseing bidnyid ri lang" nyid mo, nanu" shid re" gi khayhi' gyeing" da" gyoug pho" bidnyid nghoid wa lha". Hau" bidnyid gi nanu" shid mo ce: akyu" boo wa lha". Hau: zigi nanu" shid mo moug: boo" anghoid moug: coid za: danghoid wa.

ESAIA 13:9

Nya: da" nheig joem: khoo" khoo" yo: ziyo' atho' tid loo sho' nheigloem: yoin da" bidnyid nghoid da" Aseing bidnyid gi ju" loo nyid da:. Mougmyid gi dain" pyoid yoo bue" lo" byug wigi yooboo yo" da" yugkhang" moo" ri said toem" pyam zi shau" wa.

Pang Shug 18:10

Nyangnu" gi nyang kham, zo: nyid da" dam, ri myang lang" gyoug dain yoomo vi" vi" moo yab, jo, boem lho: nyangnu" tid boem zigi " Apho" apho"- ce: byo" lha". myo, nhoo bo ziyo' gyi: thangda" Babelon we"- joem: loo" bye: nhung: lha". dana: yi: khoug: moo za: yoobo dam, kaid' zi shau" bye: nhung: ga: tid nyid boem wa nghoid.

YOELA 2:11

Aseing gi nya: gyidab moo" ri moug: goin da" thui: yhang: ti"- amyeing" byid: da:. Nyang: ri tam" gyo: cang yhe: da" gyiphung: yigi gye" myo: lho: yoem: so' gyi: ago". Aseing da" bidnyid gi khayhi' gyeing" gyoug dain pho" zi nghoid lha". Hougmoo: ashid: loo: hang" se' yo" nyid deing wa lha".

YEREMIA 51:8

Babelon gi nyeigdain tung" byo, gyo" lo" lho: phyo' shoin' pyam zi shau" da:. Nya: gang mo koug ngau ge'. Nya: dam khoo: shid re" moo cid" shoo: we'. Hau: dam khoo: ge ri ge loo abe.

ESAIA 34:8

He: ayo, gi Aseing wigi Ziun ri khyoid yu lho: nya: gyivoo yiri latoo: phug byid: wa ayo, nghoid.

ESAIA 2:12

Hau: bidnyid moo myhang: thang da" Aseing gi yoem: so' boo mo, nghoid boin: lho: phau: mo, yugkhang" moo" ri nyhoem: khyo' pyam wa.

YAKU 5:1

Yoo" mo, di mo, we' nga" da" thui: ri tam" gyoo: ge'. nanu" gi nanu" nyang: moo ju" lo nyid da" sho" jhen kyi" khyeug wa khyoo: yoomo jha" yoid ngau nyid loo: ge

MALAKHI 4:5

Nghoid loug we' gyi: myhang: lho: gyoug pho" da" ngoo Aseing ju" ri" wa da" bidnyid aju" loo shi" uri lapi: phoo Elia ri nanu" jhang khyoo: ngoo nhang: kaid wa zi nghoid.

ZEPHANI 1:14

Aseing da" gyi: thang bidnyid gi jhang loo bye:. Hau: bidnyid gi jhang lo ziyo' myab myab ju" re" nyid bye:. Hau: bidnyid gi gye" khoo" wa da" bidnyid nghoid. Khasu" wim gari gye" yoem: bo ziyo' gye" voem" thang da" gyizoo: yi lang" nheigloem: gyau: ziyo' ngoug wa zi nghoid.

YOELA 2:31

Aseing da" gye" gyoug dain pho" bidnyid aju" loo shi" uri bid moo" gi teing: no, lo" byug wigi lhammoo" we' suid" su" ne lo" byug wa nghoid.

YOELA 1:13

Phoin: tho' moo: xoin" ngei" byid: nyid da" Khainjung yi we"- jid: moo" byimi void lho: ngau nyid ge'. Noku Yhoem: Moo" khyoo: yhe: lho: damyen goin" koug ngau nyid we'. Nanu" da" Mangsoo ri xoin" to' byid: wa da" gug zoo: yo' zabyid yhid: ayoo" loo.

YOELA 1:5

Yhid: ya: yi we"- so" re" boem lho: ngoug ge'. zabyid yhid: shug mo, we" yoid ngau nyid ge'. Zabyid yhid: aseig ri koid yu wa da" zabyid shi" joem gi phyo' shoin: pyam zi shoug" bye:.

ESAIA 14:31

Philisti voomoo" joem we"- nanu" dangain" gi pang" thoug wa shid re" kyi: ngoug nyid ge'. Nanu" dangain" bang: gyoug nyid ge'. Mougzhung: shoid mo jhoemmoug" zoo" dazoo" ju" re" nyid da:. Houg gi gyoug da" gyizoo: dayug nghoid wa zi anghoid.

YOBA 31:23

Ngoo gi Mangso wigi yooboo dam byid: wa ziri gyoug yoomo houg yhang: te" moo" zoo" ri khanham we' ngoo alhung koid.

YOELA 1:11

Yoo thung" zei mo, we"- koug ngau nyid ge'. Zabyid khyam: ri yu" coung: nyid mo, we"- ngau nyid loo: we'. Khasu" wim ga: ri sungsoo: yo' yoono,- shivoo: shiloem dangain"- byo, yoin" lo" zi shoug" bye:.

EZEKIEL 21:12

Shid: se' da" byu we". Koug wigi kyi: ngau kaid we'. He: shamcoin" gi nga" byumyu" yi yo' Israela vhujhung: yi shid re" nghoid da:. Nyangnu" gi deing nyid shi" da" nga" byumyu" yi dangain" yo' said pyam zi shoug" loo: wa. Re" yang gang moo nheigloem: thang ziyo' baid we'.

YEREMIA 49:3

Heshbon yi we"- kyi: ngau ge'. Ai voomoo" gi phyo' pyam shau" abye:. Raba myiyi: yi we"- koug ngau ge'. Jid: moo" byimi void wigi koug ngau ge'. Anhung akhoid gei ge'. Nanu" da" yu phara" Moleg gi nya: khainjung yi yo' khokham nu" yi yo' dage" pyoung" shu" lo" zi shau" goo" wa.

ESAIA 65:14

Nyangnu" gi nyid pyo: wigi jikhoin" khoin" loo goo" wa. Nghoid loug we' nanu" gi nheigloem: thang wigi ngau loo goo" wa.

ESAIA 52:5

Akhid" Babelon moo we' dayhang: ti" za: bue" abye:. Nanu" gi thung: byu yi nghoid boem. Nanu" shid re" ciwe' abyid: nghoid ago". Nanu" ri vhoeb da" bang: gi phau: wigi byeing abyid ngoo ri aphoug" akhyoid koid ago".

ESAIA 23:1

He: zigi Turu yo' Sen: da" mungdain: nghoid. Nammugdara tunggung moo nyid boem da lhid ku" bang: nanu" we"- koug wigi kyi: ngoug ge'. Nanu" yhoem: moug: Turu gyid gukhuang" gi phyo' shoin' pyam shau" abye: go". Yhoem: joem yo' gukhuang" joem gi byo, yoin" jo, abye:. Nanu" gyid sangphoo phung: yi Kuru mo doem tau" lo nyid uri hau: lu dang: ri nanu" shoug" gyoo: goo" wa.

YEREMIA 25:34

Vhujhung: yi nanu" we"- kyi: ngoug ge'. Nga" byumyu" yiri zung" da" yang zung" bang: we"- nyho: yoid ge'. Koug ngau wigi pheilhoug: boem" moo lu: lheing yen" ge'. Nanu" ri said pyam wa yo, ju" lo wigi nanu" gi yang loo: ri yhang: ti" said pyam zi shoug" wa.

ESAIA 10:3

Mangsoo nanu" ri yooboo dam byid: uri nanu" khasu" koid goo" wa la". Ve: da" mung" mo kyi" khyeug zi nanu" adang moo nyang: ci: loo byid: lang" nanu" khasu" koid goo" wa la". Pang" thug khyoo: ri nanu" khamo yhe: tang" sho: yu wa la". Nanu" da" jonu" ri khamoo: yhe: shoung: too" goo" wa la".

ESAIA 10:25

Dayo, zoo: agyoo: moo nanu" ri yooboo dam byid: ziri ngoo theing: pyam lho: nyangnu" ri ngoo phyo' shoin' pyam wa.

ESAIA 14:23

Ngoo gi Babelon ri thoem" nhoin: bui" nhang: lho: khung" boeb joem houg mo nyid loo wa. Ja: khang" moo" ri yo" shoem" pyam da" shoem" bain wigi Babelon ri ngoo shoem" pyam wa. Ngoo myhang: thang Aseing tid too" bye:» ga: tid da:.

ESAIA 34:2

Aseing gi byumyu" yi dangain" yo' nyangnu" da" gyidab joem dangain" ri nheig yo: da:. Nyang: gi nyangnu" ri phyo' shoin' pyam wa dang: phyed abye:.

ESAIA 47:11

Yau: khi" kyi" khyeug zigi re" adang moo ju" re" wigi re" da" fa" phajhi" ce: ja: wigi we' hau: ziri ayo" toem' pyam nghoid da:. Byo, yoin" zigi re" adang moo nyeigdain tung" ju" lo wigi khanham we' yhoebmo, amo, yu" da" ja: byo, yoin" nhang: wa.

ESAIA 61:2

Aseing wigi nya: byumyu" yiri khyoid yu lho: Nyangnu" gyivoo yiri oung: pyam' wa Ayo, ju" bye: khyoo: ri Tid fu" wa shid re" nyang: ngoo ri nhang: kaid bye:. Nyang: gi koug ngau nyid da" bang: dangain" ri nheig teing byid: wa shid re" ngoo ri nhang: kaid bye:.

EZEKIEL 13:5

Nyangnu" gi vang joem byo, gyo" jo, jang" moo azung"- vang joem ri we' adoem so' koid yoomo Aseing da" bidnyid moo meing: byo, loo lang" Israela ri gyi mo ayo" goem loem byid: nghoid ago".

DANIELA 5:9

Khokham Belshaza gi myid myo: ung: lug lho: myonhoo: je po" lo da:. Houg: lho: nya: nheigboo ludaid yigi cikoid wa ein: ziri ayo" myid nghoid ago".

DANIELA 5:26

Hau: da" dang: kang: gi hid su" ga: Nghab youg- Mangsoo gi re" mungdain: da" bidnyid joem ri nghab yu" to" lho: hau: ziri thang byug nhang: abye:.

ZEKHARIA 14:1

Aseing dang: phyed loo wa da" bidnyid gi jhang jo, bye:. Houg: lang" Yerusalem gi ziyoo lhoid yu pyam' zi shau" loo wa nghoid lho: hau: ziyoo joem ri nanu" da" myo, shid ti: moo gam go" shoug" zi shau" boem wa nghoid.

ESAIA 63:4

Nga" byumyu" yiri khyoid yu wa ngoo myid phyed to" da" ayo, ju" loo bye:. Hau: zigi nyangnu" gyivoo yiri yooboo dam byid: da" ayo, nghoid da:.

YOELA 2:1

Mangso da" gyeung" shang: bouggung Ziun tho' moo gyi: poin" da" laboo" ri moid kaid loo ge'. Yuda byumyu" yi we' nain nyid ge'.- Aseing da" bidnyid gi jhang loo bye:.