ESAIA 12:4 - Lacid Common Language Bible

⁴ Meing: byu yigi coung" nghei jikhoin" khoin" da" ayo, ju" loo wa. Hau: zigi «Aseing ri jeju" boin: soo" ge'. Nanu" ri pang" thoug yu wa shid re" nyang: ri khi: we'. Nyang: koid loo bye: khyoo: byumyu" yiri tid kyoo" ge'. Nyang: khayhi' gyi: sheung: su: nghoid ziri nyangnu" ri tid kyoo" we'.

ESAIA 12:4 Խաչաձեւ Հղումներ

COUNG" NGHEI 105:1

Aseing da" jeju" ri coung" byid: ge'- nya: da" gyi: sheung: nghoid thang khyoo: ri tid fu" byid: nyid ge'- nyang: zei: bye: da" moo" zoo" jid: zoo" joem byumyu" yiri tid kyoo" we'.

1 KHOKHAM MHOOMYID: 29:11

Nang gi gyi: sheung: su:- yoem so' boo su:- phung" yoeb gyi: su:- khid su:- phung gyi: su: nghoid da:. Mougkhung: yo' myidjang tho' moo: jo, moo jo, gi nang seing: zi nghoid da:. Nang gi dangain" ziri vhoebkhang" nyid da" myhang: thang khokham nghoid da:.

ESAIA 25:1

Aseing we" nang gi nga" Mangsoo nghoid. Ngoo gi nang ri ngi: shab byid: wigi re" myeing ri coung" byid: wa. Nang gi mau" pho" moo" joem ri koid abye:. Goonham' mo nang soin' to" ziri jhug zug tung" nang koid abye:.

YOHAN 17:26

Nga" da" tho' moo Nang to" da" jhed' khyeing: kang: khyeing: gi nyangnu" moo we bo jo, lho: ngoo we' nyangnu" da" nheugloem: moo yo" loung" jo, wa da" shid' re" Re" da" khyoo: nyangnu" ri ngoo si' nhang: bye. Xo, lho: wigi we' ngoo zei: loo" shi" wa ga: wigi akyu" mho'.

YEREMIA 50:2

Hau: zigi «Byumyu" yiri lu dang: tid kyoo" we'. Hau: ziri tid fu" we'. Avoid alhoo: ri byid: wigi lu dang: joem ri tid fu" we'. Hau: ziri azau" too" goo". Babelon gi gyoeb gyo" byug abye:. Nya: da" yu phara" Madug gi gyoeb mhoin' byug bye:. Babelon yu phara" soolhoo: joem gi sho' phu" nyid. Nya: aco' ajhoid da" soolhoo: joem gi baid khyoeb mhoin' pyam zi shau" abye:.

COUNG" NGHEI 57:5

Mangsoo we"- mougkhung: moo re" da" myhang: thang khyoo: ri toin" shed wigi mougmyid gyab, goin" moo: re" da" myonhoo: phung" yoeb ri toin" shed we'.

COUNG" NGHEI 18:46

Aseing gi dei nyid su: nghoid- nyang: ri lhoug zung" nyid su: ri coung" nghei we'. Ngoo ri: khyoid yu da" Mangso gyi: thang khyoo: ri nyho: fu" nyid ge'.

NEHEMIA 9:5

Vhoo mo Levi byu yi nghoid da" Yeshua- Kadmiela- Bani- Hashabania- Sherebia- Hodia- Shebania- yo' Pethahia bang: gi noku coung" wa shid re" khe: yu shoug" bang: nghoid. Nyangnu" gi «To' yab lho: nanu" da" Aseing Mangsoo ri coung" byid: we'. Nyang: ri apyaid atoo: moo coung" ge'. Xangsu:- byu wigi coung" zi atham: nghoid loug we' Yugkhang" moo" gi nyang: da" phung gyi: myeing ri coung" byid: goo" baja"» ga: coung" ago".

THU' LO" MOUGSOUG" 33:19

Aseing gi «Nga" younglho' gyi: sheung: zi dangain" re" shidkhoin" moo ngoo lhid: byid: wa ziyo' nanu" akhoug: moo nga" deungbyeung" myeing ri ngoo fu" kyoo" wa zi nghoid. Ngoo gi Aseing nghoid. Ngoo khyen: yu bang: da" adang moo jheddab myid yo' nheig khyeug shoomyen: myid ri ngoo ci: shug wa zi nghoid.

THU' LO" MOUGSOUG" 15:2

Aseing gi nga" yoem: bo thang da" goem loem su: nghoid. Nyang: gi ngoo ri khyoid yu su: nghoid. Nyang: gi nga" Mangsoo nghoid yoomo ngoo nyang: ri coung" nghei wa. Nga" pho da" Mangsoo nghoid yoomo nya: gyi: sheung: khyoo: ri ngoo jikhoin" khoin" wa.

ESAIA 66:19

Houglho: nyangnu" ri yooboo dam byid: su: gi ngoo nghoid ziri se' loo goo” wa. «Nghoid loug we' ngoo gi dayham" ri teing to" wigi nga" myeing gyi: khyoo: ri agyo: yu"- nga" yoem: so' gyi: sheung: khyoo: yo' yoem: so' ri amyang yu" boem da" Spain- Libya- Ludia yo' hougmo lid: dain" moo kung bang:- Tubad yo' Greek bang: nghoid da" moug: vi: mung" yo' byumyu" yi jhang khyoo: nyangnu" ri nhang: kaid wa. He: byumyu" yi phung: khau: moo nyangnu" gi nga" yoem: so' gyi: sheung: da" khyoo: ri tid fu" loo goo" wa.

ESAIA 33:5

Aseing gi gyi: sheung: yug nghoid o". Nyang: gi ja: khang" moo" ri vhoebkhang" nyid. Nyang: gi Yerusalem ri tarha" deingmain" ziyo' jhug zug khyoo: ri byeung" jo, nhang: loo wa.

ESAIA 24:15

Bid thu shoid moo nyid bang: gi nyang: gi coung" nghei byid: loo goo” wa. Panglai: gyid yam cang nyid da" byu yigi Israela da" Aseing Mangsoo ri coung" nghei byid: loo goo" wa.

ESAIA 12:1

Meing: byu yigi coung" nghei jikhoin" khoin" da" ayo, ju" loo wa. Hau: zigi Aseing we" ngoo gi nang ri coung"- nang gi ngoo ri nheig yo da:. Nghoid loug we' akhid" nang ngoo ri nheig teing byid: wigi nheig ayoo: loo: nghoid da:.

ESAIA 2:17

Xangsu: byu yi nghoid boin: zigi thang lo" byug wa. Xangsu: byu yi nheigloem: myhang: zigi phyo' shoin' pyam zi shoug" wa. Soolhoo: joem gi bain sho' byug byug wa. Hau: bidnyid moo Aseing dayug za: ngi: shab byid: zi shoug" wa.

ESAIA 2:11

Xangsu: byu yi nghoid boin: zigi thang lo" lho: xangsu: byu yi nheigloem: myhang: zi byo, yoin" loo" wa ayo, ju" loo wa. Houg: lang" Aseing dayug za: ngi: shab byid: zi shoug" wa.

COUNG" NGHEI 113:5

Ngoonu" da" Mangsoo Aseing yo' du goo" su: dayug we' anyid. Nyang: gi myhang: thang da" joyoo atho' moo: nyid nyid.

COUNG" NGHEI 107:22

Nyangnu" gi xoin" du: joem yo' nyang: ri jeju" boin: coung" nghei boem wa zi nghoid. Gau, yi da" jikhoin" dang: yo' nyang: koid shug bye: khyoo: dangain" ri tid kyo" boem wa nghoid.

COUNG" NGHEI 97:9

Gyi: thang yoem moo" bo da" Aseing we"- moug gyab, dangain" ri vhoeb ci: su: gi nang za: danghoid nyid. Nang gi yu phara" joem dangain" tho' moo: je gyi: su: nghoid.

COUNG" NGHEI 96:3

Byumyu" yiri nya: da" myonhoo: phung" yoeb byumyu" cang: joeb, bang: ri Nya: da" gyi: thang moo" zoo" ri kho" kyoo" byid: nyid we'.

COUNG" NGHEI 73:28

Nghoid loug we' nga" shid re" koem gi Mangso jhang yo" tain" tab yhe: lo" khyoo: phung" yoeb bo da" Aseing Mangso jang" mo goem loem byid: khyoo: shoug" kham: yu lho: nyang: zei: bye: da" moo" zoo" joem dangain" ri yo" tid fu" wa zigi khayhi' mau" pho" khyoo: nghoid lha".

COUNG" NGHEI 46:10

Nyang: tid zigi Meing: zain: go" khyoo: ri no: pyam ge'. Ngoo gi Mangsoo nghoid- ngoo gi byumyu" yi da" mo, phung: gung moo: we' mougmyid pyaid goin" da" atho' moo: we' myhang: thang su: nghoid ziri si' we'.

COUNG" NGHEI 40:5

Ngoonu" da" Aseing Mangsoo we"- ngoonu" shid re" nang koid too" byid: bye: da moo" zoo" joem gi myo: tham: jo, bye:. Nang yo' du goo" su: hang" we' aboo loo. Ngoonu" shid re" mau" pho" da" nyheung soin' khyoo: myoo" sho' nang koid too" byid: abye:. Hau: zigi soung myo: jo, yoomo tid loo a ung: loo.

COUNG" NGHEI 34:3

Ngoo yo' dage- Aseing da" nghoid thang khyoo: ri tid fu" shang. Nya: da" myeing khyang" ri nyhangnu" dangain" coung" nghei shang.

COUNG" NGHEI 22:31

«Aseing gi nya: byumyu" yiri khyoid yu bye:» ga: wigi akhu: ri" shi" da" byumyu" yiri tid kyo" lo" boem wa ga: tid.

COUNG" NGHEI 21:13

O" Aseing we" re" da" yoem: moo" yoomo nang ri ngoonu" coung" byid: nyid. Ngoonu" gi re" da" yoem: so' ri coung" nghei lid jhoem" yang" nyid boem wa.

COUNG" NGHEI 9:11

Ziun moo: vhoebkhang" nyid da- Aseing ri coung" nghei jikhoin" khoin" nyid ge'. Nyang: koid moo" zoo" dangain" byumyu" bain sho mo, ri: tid kyoo" ge'.

1 KHOKHAM MHOOMYID: 16:8

Aseing da" jeju" ri coung" byid: ge'- nya: da" gyi: sheung: nghoid thang khyoo: ri tid fu" byid: nyid ge'- nyang: zei: bye: da" moo" zoo" jid: zoo" joem byumyu" yiri tid kyoo" we'.

COUNG" NGHEI 148:13

Aseing da" myeing khyang" ri nyangnu" dangain" mo, coung" nghei nyid goo" baja"- nya: myeing khyang" gi gootu: tho' moo: je gyi: jo- Nya: myonhoo: bug thu' sheing: jhu" khyoo: gi mougmyid yoosoo" yo' mougkhung: mougdi tho' moo byeung" jo.

ESAIA 26:8

Ngoonu" gi re" myid vho: ziri cang lho: nang moo ngoonu" myid byu nyid. Nang gi ngoonu" myid vho: khyoo: dangain" nghoid da:.

ESAIA 42:12

Ve: da" mungdain: joem mo nyid bang: gi coung" nghei byid wigi Aseing ri phung" yoeb pang byid: boem baja".

ESAIA 48:20

Babelon mo phang: thu ge'. phang: loid loo" ge'. Ngei bu: tung" lu dang: ri nyho: tid we'. «Aseing gi nya: dei zoo: Israela ri khyoid yu abye:» ein: da" lu dang: ri khyi' khang" moo" khyoo: fu" kaid ge'.

MALAKHI 1:11

Bid thu shoid mo zi bidvang shoid khyoo: ju" loo" sho' moo nyid da" nga" mung" byu ja: khang" moo" gi ngoo ri phoug" tab ngi: shab byid: lo boem wa joyoo khyi' khang" moo" moo nyangnu" gi ngoo ri nam pyo: da" shoem: nghe' ngei" byid: boem wigi nyangnu" xoin" joem dangain" ngoo ri phoug" tab ngi: shab byid: lo boem wa zi nghoid.

COUNG" NGHEI 68:5

Mangsoo gi nya: da" gyeung" shang: Noku Yhoem: Moo" khoug: moo: nyid lho: cougzoo: cougmoo" yiri goin coung: lhoug zung" nyid.