ESAIA 10:5 - Lacid Common Language Bible

⁵ Aseing gi «Asuri we"- ngoo nheig joem yo: da" bang: ri yooboo dam byid: baid wa voosi" khyo" ngoo Asuri ri ci: wa.

ESAIA 10:5 Խաչաձեւ Հղումներ

APOEM AYANG: 10:11

Hau: moug: mo nyang: gi Asuri khyoo: xo' yhe: lo" lho: Nineve voo- Rehobod Ira voo- Khala voo joem ri sho: wigi

2 KHOKHAM 18:25

Aseing da" pang" thoug zi aboo loo- nanu" mungdain: ri khaid zain: lho: phyo' shoin' pyam ein: nanu" jhoo: go" rhe". Hau: ziri gyi khaid lho: phyo' shoin' pyam wa shid re" Aseing wigi ngoo ri tid» ga: tid da:.

2 KHOKHAM 19:25

He: gu: dangain" ri ngoo goonham' mo soin: too" bye: ziri nang khanham we' ashau" gyo: yu" rhe". Hau: zi akhid" ngoo yo" koid bye:. Ngoo gi geung: teung voomoo" joem ri zhoothung" jab, boem bue" loo nhang: wa yoem so' ngoo nang ri byid: bye:.

COUNG" NGHEI 125:3

Akhyeung" bang: gi deingmain" mo, da" mougmyid tho' moo khanham we' yo" vhoeb khang nyid boem wa zi anghoid. Nyangnu" gi dato' yo" vhoebkhang" nghoid rigi deingmain" mo, nyangnu" we' ashoeb da" moo" ri bo zei: ca" boem wa.

COUNG" NGHEI 17:14

He: da" pyaid moo nyangnu" civhoo: ci yoo" mo, da" lo, mo ngoo ri khyoid yu we'. Nyangnu" shid re" nang shoung: to" da- sho" jhen kyi" khyeug da" khyoo: yo' nyangnu" ri yooboo dam kaid byid: we'.

ESAIA 10:15

Nghoid loug we' Aseing gi «Voozung: gi nyang: ri ci: da" yug tho' yoem: je bo ein: yo" tid la". Seig sheig gi nyang: ri ci: wigi sheig su: tho' ci je yhouggyen: rhe". Voosi" gi byu ri atu:- byu gi voosi" ri tu: yug nghoid da:.

ESAIA 10:25

Dayo, zoo: agyoo: moo nanu" ri yooboo dam byid: ziri ngoo theing: pyam lho: nyangnu" ri ngoo phyo' shoin' pyam wa.

ESAIA 13:5

Nyangnu" gi mougmyid athang: moo jo, da" mungdain: joem mo ju" re" nyid ago". Nya: nheig yo: zigi mungdain: goin" ri phyo' shoin' pyam wa shid re" Aseing ju" re" nyid da:.

ESAIA 14:24

Myhang: thang Aseing gi jham' tang: to" abye:. Hau zigi «Ngoo soin too" bye: zigi bue" ri" wa. Ngoo koid wa ein: myid phyed too" bye: zigi bue" loo wa.

ESAIA 14:25

Asuri byu yiri ngoo Israela mung" moo phyo' pyam wa. Nyangnu" ri nga" boem joem dang moo nang: nhe" pyam wa. Ngoo gi nga" byumyu" ri Asuri yi da" kyoug: mo loid byoin nhang: wigi nyangnu" voin ci: da" yoovoin lid: mo loid byoin nhang: wa.

ESAIA 23:13

(Kyang: da" gougnyhoug lam" joem ri Turu khyo" tang" lid: loo" nhang: su: gi Asuri byu anghoid- Babelon byu yi danghoid ago". Babelon byu yigi gyi pyuzung joem ri tu: to' lho: Turu da" gyidab voomoo" joem ri phyo' khyo' pyam wigi voomoo" ri byo, jo, nhang: mo, nghoid ago".)

ESAIA 26:20

Nga" byumyu" yi we' nanu" yhoem: khyoo: loo" we'. Houg: lho: khoem" myhid" pyam ge'. Mangsoo nheig joem: yo: zi lid: lo" da" ayo, ju" sho' nanu" daso' zoo: gau" nyid we'.

ESAIA 29:2

Houg: lho: «Mangso phoin:» ga: myheing da" voomoo" adang mo Mangsoo gi yau: khe" kyi" khyeug zi bui" nhang: da:. Houg mo koug ngau wigi ngougbyid ngougnhab gyo" boem goo" wa. Voomoo" goin" gi suid" za: nghoeb to" da phoin: yhang: ti" nghoid wa.

ESAIA 30:27

Aseing da" yoem: so' yo' phung" yoeb gi vi: mo yo" shau" myang da:. Myi: yo' myikhoug" gi nyang: nheig yo: ziri ci: shug byid: da:. Nyang: dang: tid wigi nyang: dang: khoin" gi myi: yhang: ti" nge" da:.

ESAIA 30:30

Aseing gi yugkhang" moo" ri nya: phung" bo dang: ri shau" gyo: nhang: lho: nyang: nheig joem: yo: da" yoem: ri kham zoo: nhang: loo wa. Hau: zigi myiyham:- dalheing: dam vo da" moug:- leig voo khyo'- moug: moo" vo loo wa.

ESAIA 30:9

Nyangnu" gi khanham we' Mangsoo ri gyi koid thougtheung ago". Khanham we' mhau' ago". Khanham we' Aseing da" jhau" shed khyoo: ri tam" gyoo: wa he: ngeug pyam ago".

ESAIA 34:2

Aseing gi byumyu" yi dangain" yo' nyangnu" da" gyidab joem dangain" ri nheig yo: da:. Nyang: gi nyangnu" ri phyo' shoin' pyam wa dang: phyed abye:.

ESAIA 66:14

Hid su" bue" ziri nang myang lang" nang ngei bu loo wa. Hau: zigi nang ri yoem: boo nhang: wigi yang" zain: nhang: wa. Houg: lang" ngoo Aseing gi nga" tid dang: gyoo: byid: bang: ri pang" thoug byid: yug nghoid wigi nga" gyivoo yiri nga" nheig yo: thougtheung zi ci: shug byid: su: nghoid ziri nanu" se' loo goo" wa» ga: tid.

ESAIA 7:17

Aseing gi Yuda mung" mo Israela mung" ri kho' yu da" bidnyid moo bue" yu" da" yau: khi" tho je: xo: da" yau: khi" bidnyid yiri nang yo' re" byumyu" yi re" khokham yhoemkhung: goin" adang moo bue" loo goo" wa. Nyang: gi Asuri khokham ri khe: yu wa.

ESAIA 7:20

«Hau: ayo, ju" loo lang" Aseing gi Asuri khosen nghoid da" Uphrad lang thu: dab mo vhuloem ko' yug ri vhoo" kung: lhung: yu wigi nyang: gi re" nhoid mei: joem re" vhuloem mo xam: joem re" gung mo shoo" moug" joem ri yug pyam byid: wa zi nghoid.

ESAIA 8:4

Hau: yuggi nu" ‹Nga" yhed› ‹Nga" ba"› ga: ase' tid shi" ri Damasku mo jonu" dangain" yo' Samari mo jonu" dangain" gi Asuri khokham wigi de" phang: lo" zi shoug" goo" wa ga: ngoo ri tid da:.

ESAIA 8:7

Ngoo Aseing gi Asuri khosen yo' nya: gyidab joem dangain" ri Yuda mung" ri khaid zain: wa shid re" shu" loo wa. Nyangnu" gi hau: gyid yam dangain" ri yau nhe' pyam da" Uphrad gyid khyoid lang yhang: ti" ju" loo goo" wa.

EZEKIEL 22:31

Hougsu" yoomo ngoo gi nga" nheig yo: khyoo: ri nyangnu" adang moo nhang: khyo' kaid wa. Houg: lho: ngoo gi nyangnu" koid lid: lo da" moo" zoo" gang mo myi: yhang: ti" nyangnu" ri phyo' shoin' pyam wa. Yoem: moo" bo Aseing tid too" bye:.

EZEKIEL 7:10

Yau: khi" kyi" khyeug da" bidnyid gi ju" lo nyid bye:. Athoug" akhyoug: moo" gi myo: je: lo nyid. Nghoid boin: zigi myhang: thang moo jo, jo, abye:.

DANIELA 11:36

«Suri khokham gi nyang: nau khyo" koid wa. Nyang: gi yu phara" tho' je gyi: sheung: ziyo' gyi: sheing: myhang: thang da:. Mangso tho' lang" je gyi: je reung: ga: phau: tid loo wa. Nyang: gi Mangso wigi nyang: ri yooboo dam byid: da" ayo, ju" sho' he: ziri yo" koid loo wa. Mangsoo gi nyang: myid soin' to" ziyo' dakhyoo" ti" toeb za: koid wa.

NAHUM 1:1

He: zigi Elkosha byu Nahum khyo" Nineve da" khyoo: myang da" yoeb myang mungdang: daloem: nghoid.

HABAKU 1:12

Aseing we"- nang gi moug: thu' xang: poin: mo Mangsoo nghoid. Nang gi gyeung" shang: lho: apyaid atoo: mo nga" Mangsoo nghoid. Nga" Mangsoo yo' goem loem byid: su: Aseing we"- nang gi Babelon byumyu" yi ngoonu" ri dam yo" tab wa shid re" nyangnu" ri yoem: moo" boo nhang: lho: khyen: yu to" abye:.

ZEPHANI 2:13

Aseing gi nya: yoem: moo" mo Asuri ri we' phyo' shoin' pyam wa zi nghoid. Nyang: gi Nineve voomoo" ri we' gyid ajo, da" midcoo: doem- byo, yoin" lo" byug da" joyoo bue" loo" nhang: wa.

GYUNG: SOO" 24:24

Moug: jhen" jhen" bang: gi Kupru mo gyid lhid yo' ju" lo boem wa. Nyangnu" gi Asuri yo' Eba ri oung: pyam loo goo" wa. Nghoid loug we' nyangnu" ri apyaid atoo: moo: doem: lo" byug goo" wa»