ESAIA 1:5 - Lacid Common Language Bible

⁵ Ciwim yoomo thougtheung gyi koid noug go" la". Yooboo dam je myoo: sho' byid: wa ziri nanu" vhoo: go" rhe". Israela we"- re" vhuloem gi dam khoo: za: byeung" sho' nghoid jo, abye:. Re" nheigloem: yo' myid gi no nyid abye:.

ESAIA 1:5 Խաչաձեւ Հղումներ

2 KHOKHAM 1:13

Khokham phoo gi gyizoug: dayug yo' byu wim: xi: yug ri dalheing: doem nhang: kaid da:. Hau: gyizoug: gi bau gung khyoo: do, yhe: wigi Elia da" shidkhoin" moo: poid thug yhe: thug lho: «Mangso byu we"- ngoo yo' nga" byu yiri nheig khyeug yu la. Ngoonu" kangso' ri loid nhang: la.

2 KHOKHAM MHOOMYID: 28:22

Nyang: shau" da" yau: khi" gi gye" xo: loo lang" Ahaza gi Aseing ri goo vhu" tho' yooboo je shoid lo da:.

NEHEMIA 9:34

Ngoonu" da" phoug" phyid" yi ngoonu" da" khokham yi vhujhung: yi yo' khainjung yigi re" tarha" ri acang goo" nghoid ago". Nyangnu" gi re" amyeing" dang: joem yo' tid poin" dang: joem ri atam" gyoo: nghoid ago".

ESAIA 1:23

Re" vhujhung: yigi thougtheung gyi koid mo, yo’ khoug" hoeb yi da" byencang" yi za: nghoid ago". Nyangnu" gi khanham we' jhungshug joem yo’ khougvhoid joem ri kham: yu mo, nghoid ago". Nyangnu" gi coug" zoo: yiri tarha" yung" moo khanham we' abo goem loem byid:. Cougmoo" yi da" moo" ri khanham we atam" gyoo byid: bang: nghoid ago".

ESAIA 31:6

Aseing gi «Israela byumyu" yi we"- nang gi ngoo ri gyi koid lho: yooboo shoid abye:. Nghoid loug we' akhid" nga" jhang doem tau" loo we'.

ESAIA 33:24

Ngoonu" mung" moo nyid boem da" bang: hang" dayug we' no wigi khanham we' adoem myeing" myoo: loo goo" wa. Yooboo dangain" gi khyoid pyam byid: shoug" wa.

ESAIA 9:13

Israela byumyu" yigi nheigloem: athid boem nghoid ago". Myhang: thang Aseing gi nyangnu" ri yooboo dam byid: nghoid rilang" nyangnu" nya: jhang aphoug loo nghoid ago".

ESAIA 9:21

Manashe yo' Ephrim byu yigi nyang: cang" nyang: gyi zain: wigi Yuda ri nya: eig yug dage" gyi zain: ago". Hougsu" nghoid loug we' nyang: nheig joem: yo: zigi athang nghoid da:. Nya: lo, gi yooboo dam byid: wa yhoin" to" ashi".

YEREMIA 13:23

Etiopi byu dayug gi nya: shooyid avoid ri yo" thid pyam wa la". Anghoid lang" zooloo: gi nya: gung mo atug atuang ziri yo" byug nhang: wa la". Hau: ziri yo" koid nghoid rigi akhyeing" zi mo lid: wigi ci: ase' koid da" nanu" ri jo ziri koid wa shid re" yo" jhau" yu boem wa.

YEREMIA 17:9

«Xangsu: byu yi da" nheigloem: ri hang" yo" tho' si wa la" Houg: yhi' mhoug fain" zigi gootu: ci: ajo, nghoid da:. Byang" gi wa shid re" age bui" loo: sho' no zi sung xo: byug bye:.

YEREMIA 2:30

Ngoo gi nanu" ri yooboo dam byid: loug ce: akyu" aboo nghoid da:. Nanu" gi ngoo wigi nanu" ri jhau" shed wa akhang" abyid: nghoid ago". Nanu" gi nheig joem: yo: da" khangkhyi yhang: ti" nanu" da" Lapi: yiri said pyam abye:.

YEREMIA 44:15

Hau: thang: Yuggi dangain" gi nyangnu" da" yhoem: seing: myhi' yigi gootu: yu phara" joem ri xoin" ngei" byid: lo da" khyoo: ri se' loo goo" wa. Houg: lho: houg: moo yab jo, da" myiyi: yi Egutu mung" mougpyi: shoid moo nyid da" Israela byu yi byu phung: moo: bo wigi nyangnu" dangain" bang: gi ngoo ri

YEREMIA 5:3

Gyeing" nyang: Aseing gi jhug zug ziri sho: da:. Nyang: gi nanu" ri baid da:. Nghoid loug we' nanu" gi ci: atam" gyoo: nghoid da:. Nyang: gi nanu" ri phyo' pyam da:. Nghoid loug we' nanu" jhau" yu wa he: ngeug pyam ago". Nanu" gi nheigloem: thain: wigi nanu" da" yooboo joem mo anau lheing: phoug loo nghoid ago".

YEREMIA 5:31

Lapi: yigi mhoug dang: za: tid thu ago". Khainjung yigi Lapi: yi amyeing" byid: da" khyo" vhoeb ago". Houg: lho: nga" byumyu" yigi ci: dakhoin" we' angeug nghoid da:. Nghoid loug we' he: gu: dangain" lo" thang bain byug ri nyangnu" cikoid loo goo" wa la".

YEREMIA 5:5

Ngoo gi yoem: so' gyi: da" byumyu" yi jhang yhe: wigi nyangnu" yo' yhe: ji goo" wa. Gyeing" nyang: nyangnu" gi nyangnu" da" Mangsoo mho' khyoo: ri se' da:. Aseing wigi nyangnu" ri koid nhang: nau ziri se' ago"» ein: shau" myid. Nghoid loug we' nyangnu" dangain" Aseing da" akhang" amyeing" akhang" ri ngeug he: pyam lho: nyang: ri anoug tam" gyo: cang yhi: nghoid ago".

YEREMIA 9:3

Nyangnu" gi mhau' tid wa shid re" khanham we' jen" jen" nghoid ago". Adeingmain" zigi deingmain" da" gungthid hau: mougmyid ri vhoeb da:. Aseing tid zigi «Nga" byumyu" yigi akhyeing" da" moo" daja: bain thang: daja: koid ago". Houg: lho: ngoo ri nyangnu" Mangsoo khyo" asoin: yu nghoid ago"» ga: tid da:.

NGOUG JI: 5:17

Ngoo nu" gi nheigloem: kang moo no nyid wigi ngoonu" ngoug byid joem khyo" ayo" yu" kyang kaid boem loo: nghoid ago".

EZEKIEL 24:13

Yerusalem we"- re" akhyeing" ashoeb lo, moo" gi nang ri ayung" alho' bui" nhang: bye:. Ngoo gi nang gyeung" shang: sho' yoem: kaid nghoid loug we' nang gi ayung" alho' za: bue" jo, da:. Nang gi nga" da" nheig yo: yoem: so' ri gyi: sho' ashau" loem zoo: rigi nang doem yo" gyeung" shang: wa zi anghoid.

EZEKIEL 34:16

«Ngoo gi byug byug da" yang ri cang shoo: wa. Lam" byug da" yang ri doem shu" tau" yu wa. Dam dab du: ri dam noo thoeb byid: wa. Noo bang: ri macid" byang" byid: wa. Nghoid loug we' xu: wigi yoem: bo bang: rigi said pyam wa. Ciwim gari ngoo gi jo ziri koid da" yang zung" su: nghoid.

EZEKIEL 34:4

Nanu" gi yoem: neing: du: ri alhung goin coung:. No du: ri abyang" byid:. Dam dab du ri athoeb byid:. Nyid lam" yen" du: ri adoem shu" yu. Byug lo" du: ri ashoo: nghoid da:. Hau: gungthid nanu" gi nyangnu" ri akhyi" akhyoid zoem" khau: da:.