Ephesu 2:13 - Lacid Common Language Bible

¹³ Nghoid loug we' akhid" koem gi Khristu Yesu moo zheung" shoin" too" bye: yoomo ve: gang: nyid lo yu" da" manu" gi Khristu da" shid: kham, xoin" yoomo shu" tain" tab yu zi shau" boem bye.

Ephesu 2:13 Խաչաձեւ Հղումներ

ACTS 2:39

Khasu" wimgari- Mangso dang: soo" khoin" gi nanu" shid mo we' nanu" da" nya: myed: nya: zoo: yi shid mo we' ngoonu" da" Mangsoo Aseing: nyang- khe: yu bye: yoomo vi: moo nyid mo, dangain" bang: shid re" we' byid: too" bye.

ESAIA 57:19

Ngoo gi jang" moo vi: moo nyid bang: dangain" ri ngei pyo: yug yoo: khyoo: byid:. Nga" byu yiri ngoo byang" gi byid: wa.

1Korinthians 6:11

Nanu" mo dayham" gi houg: yhang: te" da" moo" zei: lai loo mo, za: nghoid abye: go- nghoid loug we' nanu" gi yha" da" Aseing Yesu Khristu da" myeing khyang" yo' we'- yha" Mangso Venyi yo' we'- ced" khyoid ced" young" ziri: shau" wigi- Mangsoo ri ab pyam bye: mo,- Mangso shid khoin" moo: deing: byeung" bye: bang:- bue" lo boem bye.

ESAIA 43:6

Ngoo gi mougzhung: we"- houg: bang: ri nhang: kaid byid: we'. Mougpyi: we"- houg: bang: ri atoem' too" ein: tid wa. Nga" byu yiri ve: da" mungdain joem mo mougmyid khyi khang" moo" mo thu loo nhang: wa.

Pang Shug 5:9

Nyangnu" khoin" thu' lo da" jikhoin" seig gi nang gi gung leig xoin" bui" wa shid re" said pyam' zi shau" wigi myeing" cang: joeb, azhang cang: joeb mo, yo' byumyu" yi bain sho' mo, ri Mangso byumyu" yi bue" loo wa shid re" qei yu too" bye: yoomo nang gi he: da" mougsoug" deing: yu lho: dazid' joem ri phang wa zi gimoin: yi" nyid bye.

ACTS 26:18

Nang gi nyangnu" da" myojid" ri bang" loo nhang: lho: nyangnu" ri moug: coid' khoug: mo zi bidbang khoug: khyoo: Satan da" yoem: so' khoug: mo wigi Mangso yoem: so' khoug: khyoo: phoug loo nhang: wa nghoid. Hougsu" nyangnu" gi ngoori loem" jeung" lo boem khyo" wigi nyangnu" da" youg: noo yooboo joem ri khyoid pyam byid: zi shau" lho: Mangsoo khyen: yu to" da" mo, phung: moo yo" boo mo, bue" loo goo" wa zi nghoid.

Ephesu 2:12

Hau" ayo, moo nanu" gi Khristu yo' gang: go" jo, boem ago- nanu" gi tungbau byumyu" yi nghoid nyid wigi Mangsoo khyen: yu da" byumyu" moo aboo bang: nghoid nyid boem nya: byumyu" yi ri byid: to" da" Mangso dang: theing khoin" yo' sen: da" dang: soo" khoin" moo akhang mo nanu" gi abo tho' moo agoo"- mougmyid moo ce" nheig byu jang: we' ayoo"- Mangsoo we' ayo" khyo" nyid lid lo boem abye: go.

Ephesu 1:7

Khasu" wim gari Khristu gi xoin" du: khyo" shid: kham: ziyo' ngoonu" ri loid byoin, loo" nhang: bye- hau: zigi ngoonu" da" youg: noo yooboo ri khyoid pyam byid: wa da" khyoo: nghoid- nyang: ngoonu" ri hid: yhi' agoin ayu: byid: to" da" Mangso jeju" gi khayhi' gyi: sheung: jo, bye: lha". Nya: da" phajhi" juyhi: khyo" we' nheigloem: phajhi" dangain" yo we'.

GALATI 3:28

Hougsu" nghoid yoomo Yuda byumyu" yi yo' Grid byumyu" ein: zi aboo- join, yo' loid byoin mo, ga: zi we' aboo- myiyi: yo' yug gi ein: zi we' aboo- nanu" dangain" bang: gi Khristu moo dayug za: danghoid nyid boem lo.

2~KORINTHU 5:17

Hang" nghoid loug we' Khristu yo' dadeung" daloem: za: bue" lo" byug lang" gi-nyang: gi byu seig bue" loo bye- shid" phyang" mo axau" gu: gi lid lo" yu" bye- Yu" ge' dangain" gi aseig za: bue" loo bye.

ESAIA 66:19

Houglho: nyangnu" ri yooboo dam byid: su: gi ngoo nghoid ziri se' loo goo” wa. «Nghoid loug we' ngoo gi dayham" ri teing to" wigi nga" myeing gyi: khyoo: ri agyo: yu"- nga" yoem: so' gyi: sheung: khyoo: yo' yoem: so' ri amyang yu" boem da" Spain- Libya- Ludia yo' hougmo lid: dain" moo kung bang:- Tubad yo' Greek bang: nghoid da" moug: vi: mung" yo' byumyu" yi jhang khyoo: nyangnu" ri nhang: kaid wa. He: byumyu" yi phung: khau: moo nyangnu" gi nga" yoem: so' gyi: sheung: da" khyoo: ri tid fu" loo goo" wa.

COUNG" NGHEI 22:7

Ngoo ri: myang mo, dangain" gi ngoo ri juang" yi nyid boem. Nyangnu" gi yhoo: ri toid lho: vhu" pyi: pyi: nyid ago".

1PETERU 3:18

Khasu" wim gari Khristu gi yooboo yoo" mo, gung thid' -dalheing: dam, bain' sho' shid: kham: pyam bye- nanu" ri Mangso jang" moo shu" ju" loo wa da" shid' re" yooboo yoo" mo, shid' mo byu gi dayug gi shid: bye-nyang: gi moug: myed, gung shoo" ri said' pyam zi shau" bye- nghoid loug we' venyi khyo" doem dei loo nhang: zi shau" bye.

HEBRE 9:18

Houg: su" nghoid yoomo xang: shed" mo dang: theing khoin" lang" ri suid" ci: lho: dageung: teung jo.

1Korinthians 1:30

Mangsoo gi ngoonu" ri- Khristu yo' dadeing: daloem: za: bue" loo nhang: bye: yoomo Mangsoo gi Khristu ri ngoonu" da" phajhi" lasi, laleig bue" loo nhang: bye. nyang: khyo" wigi: Mangso da" shid khoin" moo- deing byeung" bang: yo" bue" loo bye- Mangso da" gyeungshang: byumyu" yo" bue" lo boem bye: ziyo'- ngoonu" gi lhoid pyoin kaid zi we' shau" boem bye.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

Roma 8:1

Hougsu" yoomo Khristu Yesu dadeing: za: nyid mo gi tarha" dang: phyed' khyoo: aboo loo.

ACTS 22:21

Houg: lang" Aseing: gi yhe: loo" we' Khasu" wim gari - ngoo nang ri tungbau byumyu" yi nyid da" Ve: da" mung" khyoo: nhang: kaid' wa.

ACTS 15:14

Mangsoo gi tungbau byumyu" yi mo dayham" ri nya: byumyu" bue" loo nhang: wa shid mo khyen: yu to" khyo" wigi tungboug nyang: goin, coung: da" khyoo: xang: shed" mo wigi khasu" toin" shid' bye: da" khyoo: ri Simun gi sho' kyo" abye:.

ESAIA 60:9

Hau: gyid sangphoo joem gi ve: da" mungdain: mo Aseing byumyu" yiri yhoem: khyoo: shu" lo nyid zi nghoid. Nya: byumyu" yiri byumyu" mungdain: dangain" ngi: shab byid: nhang: da" Israela da" gyeung" shang: da" Mangsoo Aseing myeing ri ngi: shab byid: wa. Nyangnu" gi ngei sheing: yo' dage" thu lo da:.

ESAIA 60:4

Re" ayam aqei: khyoo: yu" lho: cibue" nyid ziri yu" we'. Re" byumyu" yigi yhoem: khyoo: loo wa shid re" zeing: foem: nyid ago". Re" yuggi zoo: yigi vi: mo ju" loo ri" wa. Re" myiyi: zoo: yigi zooshang: ri yhang: ti" bau: lo zi shau" goo" wa.

ESAIA 49:12

Nga" byu yigi moug: vi: mo we' mougzhung: yo' bidvang shoid mo we' mougpyi: shoid mo Asvan mo we' re" lo boem goo" wa.

ESAIA 11:10

David khokham kung mo khokham aseig gi byumyu" yi da" asoo" bui" wa ayo, ju" re" nyid bye:. Nyangnu" gi nya: khokham voomoo" moo zeing: foem: nyid wigi nyang: ri ngi: shab byid: loo goo" wa.

COUNG" NGHEI 73:27

Nang ri she: pyam mo, gi gyeing" nyang: joem: lo" boem wa zi nghoid. Nang moo: nheigloem: azung" bang: ri nang gi phyo' shoin' pyam wa zi nghoid.

YOHAN 10:16

He: da" yang khyam: moo abo da" yang- gootu: we' ngoo yoo" shi" Hau: yang joem ri we' nga" yang khyam: khoug: moo shu" vang loo ca" shi. Nyangnu" gi nga" thui: ri tam" gyoo: goo" wa houg: yoomo yang Phung: daphung: za: yang zung" su: dayug za: bue" loo wa nghoid.

1Korinthians 12:13

Houg: yo' dakhyoo" ti"- nyhang" dangain" mo, gi Yuda yi nghoid loug- Yuda byumyu" yi anghoid loug we'- join' yi nghoid loug join' anghoid mo, nghoid loug we'- Venyi: dayug mo za: Babtisma ri zheung: kham' yu lho: dagung dashoo" za: bue" lo boem bye: ziyo'- dangain" bang: da" nheigloem: ung: khoug: moo: hau: Venyi dayug riza: coem, kham: yu boem bye.

Ephesu 1:1

Mangsoo myid vho: nyid ziyo' dakhyoo" ti"- Khristu Yesu da" lagyoo: aya: moo nyheung too" shau" su:- ngoo Polu mo wigi Ephesu voo moo nyid lho: Khristu moo dadeing: daloem: za: voin: tang: koid nyid da" Mangso byu yi jhang khyoo: dang: pyeung: kaid.

Ephesu 2:2

Hau: da" ayo, moo nanu" gi mougmyid da" akhyeing" ashoeb khyoo: moo za: cang lo" boem wigi akhui" Mangsoo ri aphoug" akhyoid koid nyid da" byu yi ri vhoeb khang" nyid da" venyi gi moug: laid moug di ri vhoeb khang" lho: yoem: so' bo da" venyi joem jhang khyoo: nanu" cang lo" boem abye: go".

Ephesu 2:6

Ngoonu" gi Khirstu yo' dadeing: daloem: za: bui" bye: yoomo Mangsoo gi ngoonu" ri moug: khung: moug di tho' moo nyang: yo' dage" vhoeb, khang" nyid wa shid re" Khristu yo' dage" shid: jang" mo doem dei to'' loo nhang: bye.

Ephesu 2:10

Ngoonu" gi Mangsoo nyang: myid vho ziyo' dakhyoo" ti"- phain" so: to" zi shau" mo, nghoid nyid wigi Khristu Yesu yo' ngoonu" deung: shoin" to" khyoo: yoomo nyang: gi ngoonu" ri ge da" moozoo" joem shid re" phain" so: too" bye- hau: ge, da" moozoo" joem ri ngoonu" zei: soo, wa shid re" soin' nyheung too" byid: bye.