DANIELA 2:18 - Lacid Common Language Bible

¹⁸ Nyang: gi mougkhung: mo Mangso jhang nheig khyeug zi yo" yu wa shid re" yo' Babelon mo phajhi" byid: bang: yo' dage" nyangnu" ri we' abo said pyam sho' nyangnu" ri hau: mau" pho" khyoo: ri yo" tid sho' kyoo" wa shid re" akyu" mho' nhang: da:.

DANIELA 2:18 Խաչաձեւ Հղումներ

APOEM AYANG: 18:28

Nghoid loug we' houg: moo yooboo ayoo" mo, wim: xi: anghoid loo za: myid: xe: wim: yug nyid rigi davoo goin" ri phyo' pyam shi" wa lha". Khasu" wim gari wim: yug za: date" yoem" the» ga: tid. Aseing gi «Yooboo ayoo" mo, myid: xe: wim: yug nyid rigi ngoo gi voomoo" ri aphyo' pyam wa» ga: phug tid.

COUNG" NGHEI 136:26

Mougkhung: mougdi mo Mangsoo ri jeju" boin: so" nyid we'. Nya: jhed khyeing: kang: khyeing: gi pyaid moo: too: moo: dageung: teung jo.

COUNG" NGHEI 50:15

Yau: khe" zi shoug" nyid uri nang ngoo ri yoid we' ngoo gi nang ri khyoid khyu: yu wa zi nghoid. Houg: lang" nang gi ngoo ri coung" nghei byid: wa anghoid ga: tid.

COUNG" NGHEI 91:15

Nyangnu" ngoo ri yoid lang- ngoo nyangnu" ri tu" byid: wa nghoid. Nyangnu" yau: khe" khyoo: shoug" nyid uri ngoo nyangnu" yo' dage" nyid nyid wa nghoid. Ngoo nyangnu" ri khyi yu lho: tu: to' coung" nghei byid: wa nghoid.

ESAIA 37:4

Asuri khosen phoo gi dei nyid da" Mangsoo ri aphoug" akhyoid rhui" wa shid re" nya: gyizoug: moo" yiri nhang: kaid abye:. Re" Aseing Mangsoo gi he: aphoug" akhyoid tid da" dang: ri shau" gyo: wigi hougsu" tid bang: ri yooboo dam byid: goo" baja". Houg: yoomo dei deung nyid da" ngoonu" mung" byu yi shid re" Mangsoo jhang akyu" mho' we'» ga: zi nghoid.

YEREMIA 33:3

«Ngoo ri khi: we' nang ri ngoo tu" byid: wa. Nang ci: ase' da" mau" pho" ziyo' mau" pho" moo" zoo" yo' sen: da" khyoo: ri ngoo tid khyoo" wa.

EZEKIEL 36:37

Yoem: moo" bo Aseing tid zigi «Ngoo gi Israela byumyu" yiri ngoo mo pang" thoug yu khyoo: dalheing: doem mho' nhang: wa. Houg: lho: ngoo gi nyangnu" ri yang kyung dakyung yhang: ti" je: loo nhang: wa.

DANIELA 2:23

Phoug" phyid" yi da" Mangsoo we"- ngoo gi nang ri coung" lho: ngi shab byid: da:. Nang gi ngoo ri phajhi" yo' yoem: byid: da:. Nang gi nga" akyu" mho' dang: ri tam" gyoo: byid: da:. Houg: lho: khokham phoo ri citid kyo" wa ein: ziri ci: shug abye:.

DANIELA 3:17

Ngoonu" dei byid: nyid da" Mangsoo gi ngoonu" ri myikhyoem moo" mo we' re" yoem: so' mo we' yo" khyoid yu nghoid ri nyang: khyoid yu wa.

DANIELA 4:26

Moug: lagyoo: gi seig ngoid ri myidgung moo teing too" wa shid re" amyeing" byid: da:. He: ziri damoug: gyab goin" ri Mangsoo vhoeb nyid ziri nang yhen: yu lang" nang khokham doem bui" wa ga: da" zi nghoid.

YONA 1:9

Yona gi «Ngoo gi Hebre" byumyu" nghoid. Ngoo gi mougkhung: myidjang yo' panglai: ri phain" so: su: moug: di tho' mo Aseing Mangsoo ri no' ku" su: nghoid.

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

MATHE 18:12

«Nanu" gi khasu" ein: soin: nyid go" Byu dayug gi nyang: moo yo" da" yang dashoo: mo dadu: byug lo" ri goug: xe: goug: du: ri bouggung tho' mo yang kaid jang" moo- nyhed: too" kho lho: byug lo" da" yang ri ashoo: loo za: nyid wa la".

MATHE 18:19

«Hau: tho' moo gootu: Ngoo nanu" ri gyeing" gyeing" tid da" zi gi Mougmyid tho' moo byu eig yug soem" yug veing" go" wigi Akyu" mho' nghoid rigi Mougkhung: tho' mo nga" phoo gi nanu" mho' da" zi dangain" ri byid: wam: bye.

ACTS 12:4

Herod gi Petru ri bain myheug yu thang: ri thung: khoug: moo lhoung to" lho: wigi gyizoo: myed: yug yug bo da" gyi, myed: phung: ri zheung: zung" nhang: to. Herod gi Petru ri lhai: kaid' da" pui" bei: lo" thang: ri-meing: byu yi shid' khoin" moo dang: phyed' wa ga: soin' to.

Roma 15:30

Mang: nhung" yi we" - Aseing Yesu Khristu ri ngoonu" loem khoug; yoomo we' - Young" gyeing" Venyi gi ngoonu" ri nheig. khyeug jheddab yoomo we' nga" shid' re" ngoo yo" dage" Mangso: jang" moo yoem: kaid' akyu" mho' wa shid' re" nanu" ri ngoo yoem: byid: kaid'.

2PETRU 2:9

Hougsu" nghoid yoomo Mangsoo gi-tarha" phau" cang nyid bang: ri-nyangnu" thoung" shau" nyid da" jham" cau" da" akoug: mo wigi-khakhyo" khyoid yu wa ziyo'-akhyeung" ashoeb bang: ri tarha" dang: phyed' da" bidnyid ju" sho' khakhyo" wigi shen" yhen wa khyoo: ri we' nyang: se' nyid.

1 SAMUELA 17:37

Aseing gi ngoo ri khangkhyi joem yo' voem joem lo, mo khyoid yu bye: zi nghoid. Akhid we' he: Philisti byu da" lo, mo khyoid yu wa zi nghoid» ga: tid bye:. Sholu gi «nghoid bye:- yhi: we' Aseing gi nang yo' dage" nghoid nyid baja"» ga: doem tid.