DANIELA 2:14 - Lacid Common Language Bible

¹⁴ Hau: thang: Daniela gi byu said wa moo" foin: too" shau" da" khokham pho da" kangso' zung" zoug: Ariog jhang yhe: da:. Daniela gi tid wa dang: khoin" joem ri nyeing" za: khyen: lho:

DANIELA 2:14 Խաչաձեւ Հղումներ

APOEM AYANG: 37:36

Hau: ayo, ri Midian byu yigi Yoseb ri Egutu mung" mo khokham khoo" ri zung" da" khokham gyizoug: Phutipha lo, moo oung" byid: pyam bye:.

YEREMIA 39:9

Lo" thang moo gyizoug: phoo Nebuzaradan gi nya: jhang lo phang: nyid boem da" bang: yo' dage" thung: byu khyo" Babelon khyoo: shu" lo" wa voogung moo nyid deing nyid da" bang: ri shu" lo" da:.

YEREMIA 52:12

Babelon khokham Nebukhadneza vhoeb zi daxe: goug: zain ein: zain lhammoo" wim: khyab daxi: nyid" nyid" moo khokham pho da" phajhi" byid: su: nya: gyizoug: phoo Nebukhadneza gi Yerusalem khyoo: vang yhe: da:.

YEREMIA 52:14

Houg: lho: nya: gyizoo: yigi voomoo" vang joem ri phyo' khyo' pyam ago".

DANIELA 2:15

Khokham pho wigi houg: yhi thain: da" amyeing" ri ciwim khyo' zi Ariog ri myid: yu" da:. Houg: yoomo Ariog gi ci bue" lo zi Daniela ri tid kyo" da:.

DANIELA 2:24

Houg: yoomo Daniela gi khokham pho wigi khokham phajhi" byid: bang: ri said pyam wa shid re" amyeing" byid: too" shau" da" Ariog jhang yhe: da:. Houg: lho: nyang: gi «Nyangnu" ri asaid pyam- ngoo ri khokham pho jhang shu" yhi: la. Houg: lang" nya: da" yhoebmo, ce: dang: kang: bo ziri nyang: ri ngoo tid kyoo" wa» ga: tid da:.