DANIELA 12:4 - Lacid Common Language Bible

⁴ Nyang: gi ngoo ri «Daniela we" akhid" gi hau: mougsoug" pug ri myid" pyam lho: mougmyid thang yo, ju" sho' hau: ziri dazid thung" too" we'. Hau: agyoo: moo bue" nyid da" ziri se' gyoo: noug yoomo byu myoo: sho' bang: gi nyangnu" da" yoem: ri amyed afoo" ze" thang pyam ri" goo" wa» ga: tid da:.

DANIELA 12:4 Խաչաձեւ Հղումներ

ESAIA 11:9

Mangso da" gyeung" shang: bouggung- Ziun boem moo: Yau: khi" bui" nhang: ziyo' akhyeing" zi ci: we' abui" wa. Panglai: moo gyid byeung" jo ziyo dayhang: ti" Aseing da" lasi phajhi" gi mougmyid goin" moo byeung" jo, wa.

ESAIA 29:11

Lapi: dang: yo' sen: da" yoeb myang: khang" moo" da" dang: kang: gi nanu" ase' gyoo: sho' nyhoem" shoung: pyam wa. Hau: zigi dazid thung" to" da" mougsoug" deing: yo' du wa. Se' nghab da" byu dayug yug jhang hau: ziri nghab kyoo" wa yhe: mho' nghoid ri nyang: gi hau ziri dazid thung" too" yoomo nyang: ayo" nghab ga: tid loo wa.

ESAIA 30:26

Lhammoo" gi bid yhi' bang loo wa. Bid gi nyhed nyid zho: zi danyid" za: zho: yhang: ti" goonham' zho: da" tho' nyhed zhang je zho: loo wa. Nya: byumyu" ri nyang: tab to" da" dam khoo: joem ri Aseing bacu' thoeb byid: wigi byang" byid: uri he: gu: dangain" bue" loo wa nghoid da:.

ESAIA 32:3

Nyangnu" myojid" yo' nukhyab joem gi myung shoo" bang: shid re" phang too" byid: loo wa.

ESAIA 8:16

Nga" cang: zoo: yi nanu" gi Mangsoo wigi ngoo ri byid: to" da" mungdang: ri goem loem byid: wigi zei: zhoeb ci: wa zi nghoid ago".

YEREMIA 5:1

Yerusalem voobyu yi we"- nanu" fu" moo" khyoo: cang wigi tang" phang: ge'. Aqei: ayam khyoo: lheing: yu" kaid ge'. Nanu" nyang: yu" myang yu ge'. Kid" oung” jang: cang yu" yu ge'. Jo zi koid wigi Mangsoo ri jhug zug wa yoem: kaid zi dayug rilang" shau" myang go" la". Nanu" shau" myang nghoid rigi Aseing gi Yerusalem ri yooboo khyoid byid: wa.

DANIELA 10:1

Persi mung" moo Kuru khokham bue" zi soem" zain ein: zain moo Belteshaza ga: we' myeing da" Daniela ri mungdang: daloem toin" shid byid: da:. Hau: mungdang: gi jo nghoid loug we' se' gyoo: wa shid re" gye" yau: da:. Hau: ziri yoeb myang daloem: khyo" nyang: ri tid sho' kyo" da:.

DANIELA 10:14

Ju" loo wa da" ayo, moo re" byumyu" yi ce: noem thung" shau" wa ziri nang ri se' gyo: nhang: wa shid re" ngoo ju" re" zi nghoid. He: zigi ju" lo wa da" ayo, yo' sen da" yoeb myang nghoid» ga: tid da:.

DANIELA 11:33

Hau: byumyu" yi da" phajhi" bo da" vhu" shi: bang: gi nyangnu" phajhi" ri byu myoo: sho' bang: yo' gam yu ri" goo" wa. Nghoid loug we' dayo, zoo: myang" ri nyangnu" mo dayham" gu: ri gyi khaid jang: moo said pyam shoug" wa anghoid lang" myi nghe' pyam zi shoug" wa. Houg: lho: dayham" gu: rigi lhoid zo: zi shau" wigi thung: byu yi bui" nhang: pyam zi shoug" ri" goo" wa.

DANIELA 11:40

«Suri khokham da" lo" thang ayo, akhyeing: bain ju" lo nyid nyid ri Egutu khokham gi nyang: ri meing zain: wa. Houg: lho: Suri khokham gi gyi myang: rheing" joem myang: joem yo' gyid sangphoo myoo" sho' ci: lho: nya: da" yoem: so' dangain" yo' doem tau" khaid zain: loo wa. Nyang: gi gyid ji: zoo" su" mungdain: myoo" sho' da" khoug: khyoo: moug: jhen" jhen" vang yhe: loo" wa.

DANIELA 12:13

«Houg: lho: Daniela we"- nang we' lo" thang ju" sho' jhug zug nyid we' Hau: thang: nang shid: wa. Nghoid loug we' lo" thang ayo, moo re" da" aphoug" jhungshug kham yu wa khyo" dei to' loo wa» ga: tid da:.

DANIELA 12:5

Hau: thang: ngoo gi byu eig yug gyid lang da shoid mo dayug yug yab jo, ziri shau" myang.

DANIELA 12:9

Nyang: tid ziri «Daniela we"- nang akhid" loo" ca" bye:. Ciwim gari he: dang: khoin" joem ri lo" thang ayo, ju" ri" sho' zau" ci wigi shoung: too" ca" da:.

DANIELA 8:17

Gabriela gi re" lho: nga" ayam moo re" yab kaid da:. Houg: yoomo ngoo gi sung gyoug yoomo myidjang khyoo: leung loo" bye:. Nyang: gi ngoo ri «Shid: se' da" byu we" hau dang: kang: ri se' gyoo: we'. Hau: yoeb myang gi mougmyid thang lo" da" ayo, yo' sen: da" zi nghoid da» ga: tid da:.

DANIELA 8:19

Houg: lho: nyang: gi «Mangso nheig yo: da" gang mo bue" loo wa ziri ngoo nang ri ci: shug wa. Hau: yoeb myang gi lo" thang ayo, ri yeing lho: tid nau zi nghoid da:.

DANIELA 8:26

Myen" thang: yo' nab soin: mo ngei" xoin" yo' sen: wigi nang ri tid sho' khyoo" lid loo bye:. He: yoeb myang gi deing" deing za: bue" loo wa. Nghoid loug we' akhid" houg: ziri zau" too" shi" wa. Ciwim gari hau: zi abue" deing shi" ri ayo, gye" myang" ca" shi" wa nghoid da» ga: tid da:.

MATHE 24:14

He: mungdain: da" ngei bu: lu dang: ri byu bain sho' shid moo sagsi: bui" wa shid re" Mougmyid gyab' goin" kho" kyo" loo" wa zi nghoid. Hau: thang: ri mougmyid thang da" ayo, ju" loo wa zi nghoid.

Roma 10:18

Hougsu" nghoid loug byu yi gi - hau da" mungdang: shaug" gyoo: wa akhang" ajo la" ein: ngoo myid nau. Byu yi gi shaug" gyoo: wa da" akhang" gyeing" gyeing" yo" boem. Jhoem: mungdang: moo Mungdang: tarha" ri kho" khyoo" su: da" thui: gi - mougmyid, dagyab goin" moo fu" nheing" loo" bye. Nyanu" da" tarha" dang: yi gi moug myid ayam loem: kheing goem: sho' ngam' loo" bye.- ga: tid zi yo" dakhyoo" nyang: nghoid bye.

Pang Shug 10:4

Houg: lang" - moug: goem: thui: mo tid nyid da" dang: khoin" ri ngoo lhid" xoem" too" wa ein: soin' nyid uri moug: khung: mo tid thu' lo da" thui: gi alhid" xoem" too"- moug: goem: thui: nyhed loem: mo da" dang: gi zau" too" we' ga: tid ziri ngoo shau" gyo.

Pang Shug 22:10

Hau: thang: ri nyang: gi " He: mougsoug" moo bo da" lapi: dang: ri ayhoem" azau" too"- Khasu" wim gari he: khyoo: dangain" bue" loo wa ayo, gi jhang bye.

Pang Shug 5:1

Zhung: tang tho' moo zhoung: jo, su: da" lo, yo lo, moo mougsoug" deing: ci: nyid ziri ngoo myang- hau: mougsoug" deing: moo dazid' nyhed loem: yo' thoung" tab to" lho: athi" atho' moo mougsoug" byeing sho' lhid" tab to.