2 SAMUELA 7:18 - Lacid Common Language Bible

¹⁸ Hau: thang: ri khokham David gi Aseing da" zoem" khyoo: vang zhung: wigi «Myhang: thang Aseing we"- nga" shid re" nang koid byid: bye: da" moo" zoo" yo' tu' yu" ri ngoo yo' nga" ikoin deungkhu: gi phau" dab nyid zi anghoid.

2 SAMUELA 7:18 Խաչաձեւ Հղումներ

COUNG" NGHEI 8:4

Byu date: nghoid ri nyang: ri nang coung: goem byid. Byu yigi ce: noem te" bang: nghoid yoomo nya: shid re" nang soin: byid: nyid lha".

1 KHOKHAM MHOOMYID: 17:16

Hau: thang: khokham David gi Aseing da" shidkhoin" zoem" khyoo: vang yhe: wigi zhung jo, lho: akyu" mho' zigi «Aseing Mangsoo we"- ngoo ri yo' nga" yhoemkhung: ri nang koid bye: da" gu: gi ngoo yo' amoin: yi" nghoid da:.

1 SAMUELA 18:18

David gi «ngoo khokham phoo da" zoomo, yo" bue" loo wa zigi ngoo hang" nghoid lho: nga" ikoin deungkhu: khasu" zi nghoid nyid la"» ga: doem phoug tid bye:.

APOEM AYANG: 32:10

Re" dei zoo: phoo ngoo gi nang ngoo ri toin" shed wa da" nheig khyeug shoo" gyo: khyoo: yo' nheigloem: zung" khyoo: dangain" ri kham moin: su: ngoo anghoid loo:. Ngoo gi Yodan gyid lang ri gu: byed loo kho' uri lhamdung: daloem: yo' gung koem: danghoid. Nghoid loug akhid" ngoo gi hid: su" eig phung: kho' lho: doem tau" lo nyid bye:.

THU' LO" MOUGSOUG" 3:11

Nghoid loug- Moshe Mangsoo ri «Ngoo cibui" su: anghoid- ngoo khasu" wigi khokham jhang yhe: lho: Israela byumyu" yiri Egutu mo yhe: yo" shu" thu yu wa la"» ga: tid.

1 SAMUELA 15:17

Samuela gi «Re" gung nyang: ce: yhouggyen: anghoid ga: myid ngham" nyid nghoid loug we' nang gi Israela byumyu" akung: ako' yi' da" vhujhung: nghoid nyid da:. Aseing nang ri Israela byumyu" yi da" khokham koid nhang: wa mainkaid xu: foid shoin" byid: bye: da:.

Ephesu 3:8

Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

TARHA" AGYI 6:15

Gideon gi «Nghoid loug we' Aseing: we"- ngoo gi Israela byumyu" yiri khasu" koid wigi yo" khyoid yu wa lha". Nga" byumyu" kung: gi Manashe kung: mo yoem: je neing: thang da" kung: nghoid da:. Ngoo gi nga" yhoem: byu yi mo je yhouggyen: su: anghoid» ga: phug tid da:.

1 SAMUELA 9:21

Sholu gi «Ngoo gi Israela byumyu" yi mo nge thang da" Benyamin akung: mo danghoid. Nga" ikoin deungkhu: we' nge thang zi nghoid nyid. Hougsu" danghoid nyid ziri nang ngoo ri ciyoomo houg: yhang: ti" tid lha"» ga: doem phug tid.

ESAIA 37:14

Khokham phoo Hezekia gi mougsoug" ri lagyoo: yi lo, mo yu lho: nghab da:. Hau: thang: nyang: gi Noku Yhoem: Moo" khyoo: yhe: lho: mougsoug" ri Aseing shidkhoin" moo yhe: to" da:.

2 SAMUELA 7:17

Nathan gi Mangsoo nyang: ri pang shug gu: dangain" ziri David ri tid kyoo" bye:.

APOEM AYANG: 32:11

Ngoo ri nga" mang: Eso jang" mo khyoid yu we' ngoo mho' nyid. Ngoo gyoug nyid. Nyang: gi ngoonu" ri re" zain: lho: myiyi: yo' zooshang: yiri we' ngoonu" dangain" ri said pyam loo wa ziri gyoug nyid o".

RUTHA 2:10

Houg: lang" Rutha gi myidjang moo goeb khyo' lho: Bua ri «Nang ci: yoomo ngoo ri houg: yhi' gyeing" goin coung: lha". Ciyoomo tungbau byumyu" myiyi: zoo: za: date: nghoid ri nang aseing: ngoo ri houg: yhi' gyeung" nheig khyeug shoo" myen: lha"» ga: tid.

2 SAMUELA 23:5

Athid wa da" dangsoo" yo' abyo, wa da" myid veing" khyoo: gi nyang: yo' ngoo apyaid atoo: dang: theing too" bye: yoomo Mangsoo gi nga" akung: ako'' yiri mainkaid byid: wa zi nghoid. Hau: zi dangain" gi nga" myid vho: khyoo: nghoid. Hau: zigi nga" oung: doid khyoo: nghoid wa ziyo' Mangsoo gi gyeing" nyang: hau: ziri bui" nhang: wa zi nghoid.

1 KHOKHAM MHOOMYID: 29:14

Nghoid loug we' nga" byumyu" yi yo' ngoo gi nang ri gyeing" nyang: ci: ase' byid:- ciwim gari: ja: khang" moo" gi nang mo ju" re" da" jhungshug nghoid da:. Nang moo: jo, gu ri za: ngoonu" date: shugbyid:-