1 TIMOTHI 3:14 - Lacid Common Language Bible

¹⁴ Ngoo gi he: da" mougsoug" lhid" nyid da" ayo, moo kha: myhang amyang" ri re" jang" moo ju" ri" wa ein: wigi myid' byu nyid.

1 TIMOTHI 3:14 Խաչաձեւ Հղումներ

PHILIMON 1:22

Hau: tho' moo je" wigi nga" shid re" joyoo daloem: ri bo nyheung too" byid: we'. Khasu" wim ga: ri Mangsoo gi nanu" dangain" mo, da" akyu" mho' da" dang: ri tam" gyoo: byid: wigi nanu" jhang khyoo; ngoori doem yo" ju" ri" nhang: wa ziri ngoo nheig byu nyid.

1Korinthians 11:34

Hougsu" Aseing da" zoo: shug phoung bo loin" wa shid re"- nanu" zeung: foem: nyid uri- Mangso wigi: dang: phyed zi ashoug" baja"- byu dayug yug zooyoid nyid nghoid rigi- nya: yhoem: moo: lo" zo: yu baja" gootu: ca" da" khyoo: joem rigi- ngoo ju" ri lang"- tid kyo, shang: pyam wa nghoid.

3 Yohan 1:14

Kha: myhang amyang" ri nang yo' nyang: shau" goo" wa ein: - ngoo nheig byu nyid houg: lang" she' yha" eig youg nhoid' yo" nyang: shau" doem' goo" wa zi nghoid.

2 Yohan 1:12

Ngoo nanu" ri tid nau da" khyoo; myoo" sho' yo" nghoid loug we' mougsoug" phyu: yo' lhid" cid" ci: lho: anau, lhid" loo. Hau: gung khoo: nyhang" ngei pyo: gau yi da" khyoo:- byeung" sho' yo" yu boem wa shid' re" nanu" jang" moo ju" re" wigi nhoid yhoo: yo' shau" doem, goo" wa ziri-ngoo nheig byu nyid.

HEBRE 13:23

Ngoo nu" da' mang: nhung" phoo Timothi gi thung: yhoem: mo loid, thu lo da" khyoo:- nanu" ri si nhang: nau. Nyang: gi nga" jhang khyoo: ayo, myhi: ju" re" nghoid rigi nanu" yo" we' shau" goo" wa shid' mo ngoo ju" re " uri nyang: ri ngoo yo' dage" bo shu" ri" wa.

1 TIMOTHI 4:13

Ngoo ju" re" da" ayo, ju" sho' mung" byu yi shid khoin" moo jhoem: mungdang: nghab kyo" khyoo:- mungdang: ri kho" kyo" ziyo' jhau" mho' nyid khyoo: ri ayo, byid: wigi yoem: kaid' lho: zei: so' nyid we'.

1THESALONI 2:18

Ngoonu" gi nanu" jhang khyoo: gye" loo nau, boem- ngoo nya: gung nyang: nanu" jang" moo doem ju" ri" wa shid re" dalheing: za: anghoid yoem: gye" kaid' yu" bye- nghoid loug we' satan gi ngoonu" ri baid' toem nyid bye.

1 TIMOTHI 3:13

Nyang: yo' sen: da" moozoo" ri voin: tang: yo" zei: oung: doid' lo" da" phungtau, gi nya: shid' re" myonhoo: ngi shab, zi shau" kham: yu ziyo' nyangnu" da" Khristu moo loem" jeung" khyoo: ri myo, yang" ziyo' yo" kho" kyo' nyid boem.

1 TIMOTHI 3:15

Nghoid loug we' ngoo to' myang" byug nghoid rigi dadei nyid Mangso phung: ein: da" hau: deingmain" apoem: ayang: nghoid da" Mangso yhoem: ikoin deungkhu: moo ngoonu" gi kha: yhang: te" da" avoid asam"- cang yhi: ca" khyoo: ri yo" se' yu baja"- ein: he: mougsoug" ri lhid" kaid' zi nghoid.