1 SAMUELA 7:4 - Lacid Common Language Bible

⁴ Hougsu" nghoid yoomo Israela byumyu" yigi nyangnu" da" Bala yo' Astarte yu phara" soolhoo: joem ri she: pyam wigi Aseing ri kyeing" za: noku loem khau: lo boem ago".

1 SAMUELA 7:4 Խաչաձեւ Հղումներ

HOSEA 14:8

Israela byumyu" yigi soolhoo: joem yo' ci: asen: loo: goo" wa. Ngoo gi nyangnu" da" akyu" mho' dang: ri gyoo: byid: wigi nyangnu" ri goin coung: byid: wa. Ngoo gi khanham we' ashoem: lo" da" seiggam yo' dakhyoo" ti" nyangnu" ri bid shoem: yoeb byid: wa. Ngoo gi nyangnu" da" mainkaid jeju" dangain" da" ajhung: nghoid» ga: tid

HOSEA 14:3

Asuri gi ngoonu" ri khasu" we' ayo" khyoid yu. Gyi khaid myang: joem gi ngoonu" ri ayo" goem loem byid:. Ngoonu" da" soolhoo: joem ri ngoonu" da" Mangsoo nghoid ein: khanham we' adoem tid loo wa. O" Aseing we"- Nang gi hang" jhang adoem se' tau" loo bang: ri nheig khyeug myid ci: shug byid: da:.

1 KHOKHAM 11:33

Ngoo gi hid: su" koid wa zi nghoid. Ciwim gari Sholumon gi ngoo ri he: pyam lho: tungbau yu phara" joem nghoid da" Sidon yu phara" myhi' Astarte- Moba yu phara" Khemosha yo' Amon yu phara" Moleg bang: ri no' loo" yoomo nghoid. Sholumon gi ngoo ri atam" gyoo: loo: nya: phoo David yhang: ti" tarha" yo' amyeing" dang: joem ri acang loo: za: shoid da" moo" zei: nyid da:.

TARHA" AGYI 2:13

Nyangnu" gi Aseing ri noku ziri theing: pyam wigi Bala yu phara" joem yo' Astarte ri dei byid: ago".

TARHA" AGYI 2:11

Israela byumyu" yigi Aseing ri yooboo shoid thougtheung wigi Bala ri dei byid: boem ago".

1 SAMUELA 7:3

Samuela gi Israela byumyu" yiri nanu" da" Aseing jhang khyoo: nanu" da" ung: khoug: nheigloem: dangain" yo' lheung: lo boem nghoid rigi tungbau yu phara" soolhoo: dangain" ziyo' yu phara" myhi' Astarte da" soolhoo: dangain" ziri she: pyam ca" boem wa zi nghoid. Nanu" nya: gung hau: Aseing ri bain sho' shugbyid: to" wigi nyang: ri kyeing" za: noku loem khau: nyid boem nghoid rigi nyang: nanu" ri Philisti byumyu" yi da" lo, mo khyoid yu wa zi nghoid.

1 SAMUELA 7:5

Hau: thang: ri Israela byumyu" yi dangain" bang: gi Mizpa joyoo moo zeung: foem: wa shid re" Samuela khe: kaid wigi nyangnu" ri «Hid: moo ngoo nanu" shid re" Aseing jang" moo akyu" mho' byid: nyid» ga: tid.

1 KHOKHAM 8:48

Hau: mung" moo nyangnu" gyeing" nyang: nheigloem: phyu: ziyo' nung myid yo" wigi ngoonu" da" phoug" phyid" ri byid: too" bye: da" he: mung" khyoo: myonhoo: shu: lho: nang khyen: too" bye: da" he: voomoo" yo' re" shid re" ngoo koid too" bye: da" he: Noku Yhoem: Moo" khyoo: nang ri akyu" mho' uri

1 KHOKHAM 11:5

Nyang: gi Sidon yu phara" myhi' Astarte yo' aco' ajhoid da" Amon yu phara" Moleg ri no' bye:.

2 KHOKHAM 23:15

Yoshia gi Israela byu yiri yooboo shu' shoid da" su: nghoid da" khokham Yeroboam ga: da" Nebad nya: zoo: koid to" kho' da" Bethela mo noku ku" joyoo ri we' phyo' khyo' pyam da:. Yoshia gi phoin: joem ri lang: lheing: khyo' pyam lho: houg lugzeing joem ri ajab jab baid kho' pyam wigi hau: joem ri pheilhoug: bui" sho' thung" mhoin' pyam da:. Nyang: gi yu phara" Ashera da" soolhoo: ri we' nghe' pyam da:.