1 SAMUELA 24:4 - Lacid Common Language Bible

⁴ Houg: lang" nyangnu" gi nyang: ri «He: zigi re" shid re" akho: akhang" nyang: nghoid bye:. Hau: Aseing gi re" gyivoo ri re" lo, moo: ab byid: wigi nyang: ri nang vho: khyo" yo" koid wa ga: nang ri tid too" bye: zi nghoid» ga: tid ago". Houg: yoomo David gi lo, doo: doo: re" wigi Sholu ri asi' nhang: sho' nya: byisheing: dadu ri yham" ceing yu bye: da:.

1 SAMUELA 24:4 Խաչաձեւ Հղումներ

1 SAMUELA 26:23

Aseing gi loem" jeing" bang: yo' deing byeung" bang: ri jhungshug byid: nyid da:. Akhid" nyid" nyang: gi nang ri nga" lo, khoug: moo: ab byid: bye:. Nghoid loug Aseing wigi khokham koid nhang: to" da" nang ri ngoo noo nhang: wa zi anghoid.

1 SAMUELA 24:10

Akhid" za: lug khyung: moo hau: Aseing gi nga" lo, khoug khyoo: nang ri ab byid: bye: ziri re" gung nyang: shau" myang wa bye: zi nghoid. Nga" byu yi dayham" bang: nang ri said pyam wa shid re" tid boem ago". Nghoid loug we' nang gi khokham bui" wa shid re" hau: Aseing khyen: too" bye: yug nghoid yoomo ngoo nang ri dajhi' we' nhoo ashau" baja" ein: re" shid re" nheig koug ziyo' kham zo: nyid zi nghoid.

1 SAMUELA 24:18

Aseing gi ngoo ri re" lo, khoug moo: ab byid: bye: nghoid loug we' nang ngoo ri asaid pyam yoomo nga" adang moo nang khayhi' ge nyid ziri akhid" nyid" nang ci: shug bye: zi nghoid.

1 SAMUELA 23:17

Nyang: ri tid nyid zigi «Gyug aca"- Nga" phoo Sholu nang ri pyi: yo" shoo: wa zi anghoid. Israela khokham nang bue" loo wa ziri we' ngoo we' re" vhoo: mo aya: ri shoug" kham: yu wa khyoo: ri nyang: nyeing" za: se' nyid da» ga: tid.

1 SAMUELA 23:7

Kila voogung khyoo: David yhe: loo" bye: ga: khyoo: ri Sholu ri tid kyoo" lang" nyang: gi «Vang khyam: kyam' to" lho: khoem" duang: myoo: sho' jo, da" voogung khyoo: yhe: vang lung" to" lho: nya: shid re" lhid nyang: thoung yu zigi Mangsoo nyang: ri nga" lo, khyoo: ab byid: da" zi nghoid» ga: tid da:.

YOBA 31:31

Beingvoo yiri khanham we' ngoo lhung lhoem: tau' yu khyoo: ri nga" shid re" moo" zei: bang: dangain" se' ago".

2 SAMUELA 4:8

Nya: tang: gi Hebron voomoo" moo khokham koid nyid da" David ri hau: vhuloem lo" byid: wigi nyang: ri «he: zigi nang ri said wa ga: soin' nyid da" re" gyivoo Sholu da" nya: zoo: Ishboshed da" vhuloem nghoid. Sholu yo' nya: akung: ako' yiri latoo: phug wa shid re" Aseing gi akhid" nyid" nang aseing: khokham ri akhang" byid: bye:» ga: tid da:.

THU' LO" MOUGSOUG" 21:13

Nghoid loug we' nyang: gi byu ri pa: yhi: akoid loo za: zang" said nghoid rigi ngoo nanu" ri khyen: byid: to" joyoo khyoo: phang: lho: nyang: houg moo kangso' loid wa zi nghoid.

1 SAMUELA 22:1

David gi Gad voogung mo phang: thu loo" khare lho: Adulam voogung yam mo lug-ug daloem: khyoo: yhe: loo" bye: da:. Nya: mang: bang: yo' deing da" yhoem: byu dangain" bang: gi: nyang: hau: joyoo moo nyid ga: ziri shoug" gyoo: lang" nyangnu" nyang: ri re" shau" boem ago".

COUNG" NGHEI 57:1

Ngoo gi re" jang" moo: yo" gau: nyu: nyid wa ju" ri" bye: yoomo ngoo ri nheug khyeug yu byid: we'. Uglid zeing hau, lid: lo" ayo, ju" sho' re" dung khoug: moo ngoo khau: nyid wa.

COUNG" NGHEI 142:1

Ngoo gi pang" thoug zi shoug" wa shid re" Aseing ri mho' yoid. Ngoo gi nyang: ri mho' tung" pain bye:.