1 SAMUELA 2:12 - Lacid Common Language Bible

¹² Eli da" nya: zoo: yigi akhyeing" ashoeb boem nghoid da:. Nyangnu" gi Aseing ri we' cishu: anhang: nghoid boem wigi

1 SAMUELA 2:12 Խաչաձեւ Հղումներ

YEREMIA 2:8

Khainjung yigi «Aseing khayoo: nghoid la"» ga: amyid: nghoid ago". Nga" da" khainjung yi ngoo ri asi' nghoid ago". Vhoeb khang" bang: gi ngoo ri thougtheung gyi koid ago". Lapi: yigi Bala myeing khyo" dang: tid boem. Houg: lho: akyu" abo da" soolhoo: joem ri no' ago".

2~KORINTHU 6:15

Khristu yo' satan gi Khasu" wim wigi e" myed se' zhung" goo wa Loem" jeung" su: dayug yo' aloem" jeung" da" byu dayug gi khasu" se' du goo" wa lha".

TARHA" AGYI 2:10

Yoshu pyaid mo byu daxeig goin' zi shid: lo" lho: thang: xeig mo byu yigi Aseing yo' Israela byumyu" yi shid re" Aseing koid da" moo" ri to" myhed pyam ago".

Roma 1:21

Nyanu" gi Mangsoo: ri se' boem nghoid loug we' - Mangsoo: da" phung" yoeb yo" jeju" coung" nghei moin: loug we' - acoung" anghei' byid: boem nghoid ago". Coung" nghei wa gung thid' - akyu" abo da" moo" ri za: myid soin: yu" nyid ago". Nyanu" da" asi ayeig da nheigloem: ung: khoug: moo- moug: coid' wigi nghoeb' to"

YOHAN 17:3

Apyaid ato: kangso' ga: zigi dayug kyeing" da" Mangsoo ri we' nang nhang: kaid da" Yesu Khristu ri we' se' da" khyoo nghoid.

YOHAN 16:3

Nyangnu" gi phoo ri ase' boem ngoori we' azheing: se' boem. Houg: yoomo hid: su" nanu" ri we' koid; lo boem wa.

YOHAN 8:55

Hau: da" Mangsoo ri nanu" ase' boem. Nghoid loug ngoo koem gi se- gyeing" nyang: ngoo asi ein: tid nghoid rigi ngoo gi nanu" yo' dakhyoo" ti"-- mhoug su: bue" loo" wa. Ngoo gi phoo ri gyeing" gyeing" si' yoomo nya: da" dang: ri tam" gyo: nyid.

YEREMIA 22:16

Nyang: gi myung shoo" bang: ri tarha" deing byeung" da" khyo" tarha" dang: phyed wigi dangain" bang: nyid gi yab ge ago". Hau: zigi Aseing ri se' da" dang: kang: nghoid da:.

1 KHOKHAM 21:13

Jau join" su: eig yug we' shava byu yi shidkhoin" moo: nyang: ri Mangsoo yo' khokham phoo ri yooboo foin: dang: tid khyo" wigi yooboo foin: lho: nyang: ri voomoo" mo shu" thu lo" ziyo' lug boem yo' du" said bye:.

1 KHOKHAM 21:10

Mangsoo yo' khokham phoo ri yooboo foin: dang: tid ein: nya: shidkhoin" moo yooboo foin: jau join" wa akhyeing" da" byu dazoem" sho: too" ge'. Hau: thang: nyang: ri voomoo" mo shu" thu lo" wigi lug boem yo' du" said pyam ge'» ga: bo da:.

1 SAMUELA 25:17

Jeju mo he: da" ziri myid yu" wigi khasu" koid wa ein: ziri myid phyed byid: we'. He: moo" zoo" gi ngoonu" da" Aseing yo' nya: yhoem: byu dangain" shid re" yau: khe" ziri ge bui" nhang: nyid da:. Nyang: gi gye" myid thain: wigi hang" tid ziri we' cishu: anhang: nghoid da» ga: tid kyo" da:.

1 SAMUELA 10:27

Nghoid loug we' byugang: yi dayham" gi «He: yug gi nyha" shid re" ge da" moo" zoo" ri khasu" yo" se' koid byid: wa lha"» ga: tid nyid boem ago". Nyangnu" gi Sholu ri aphoug" akhyoid koid boem wigi nya: shid re" jhungshug we' aci: yhi: nghoid ago".

TARHA" AGYI 19:22

Nyangnu" hougsu" zoo: pyo: shug pyo: nyid boem uri hau: voomoo" mo gung shoo" zoem" khyoo: ri anghoid akhuang koid da" bang: dangain" gi nyeigdain tung" hau: yhoem: ri re" vang: wigi khoem" zeing ri re" ko' nyid ago". Nyangnu" gi mangzoo: phoug" ri «Nang yo' dage" yhoem: khyoo: vang lo da" su: ri shu" thu ri" byid: la. Ngoonu" nyang: yo' gung shoo" zoem" nau da» ga: tid ago".

TARHA" TID POIN" 13:13

Nanu" byumyu" yi mo aphoug" adab da" byu yi dayham" gi nang shid phyang" ano' yu" da" yu phara" joem ri no' wa shid re" nyangnu" da" voobyu yiri khyoo: shu" vhang: loo" bye: da" lu dang: ri nang shoug" gyoo: wa.

1 SAMUELA 3:13

Nya: zoo: tang: gi ngoo ri aphoug" akhyoid da" dang: tid bye:. Hougsu" tid ziri Eli si' nghoid loug we' hau: tang: ri atoem' yoomo nya: ikoin deungkhu: ri dapyaid goin" dam byid: wa ein: ngoo nyang: ri tid too" bye: zi nghoid.

YEREMIA 9:3

Nyangnu" gi mhau' tid wa shid re" khanham we' jen" jen" nghoid ago". Adeingmain" zigi deingmain" da" gungthid hau: mougmyid ri vhoeb da:. Aseing tid zigi «Nga" byumyu" yigi akhyeing" da" moo" daja: bain thang: daja: koid ago". Houg: lho: ngoo ri nyangnu" Mangsoo khyo" asoin: yu nghoid ago"» ga: tid da:.

EZEKIEL 22:26

Khainjung yigi nga" tarha" ri phyo' pyam lho: gyeung" shang: khyoo: ri aphoug" nghoid ago". Nyangnu" gi gyeung" shang: ziyo' agyeungshang: khyoo: ri ci: akho' too" nghoid ago". Nyangnu" gi younglho' ziyo' ayounglho' khyoo: joem shoug" go" ziri ajhau" shid nghoid ago". Nyangnu" gi Dougno: Bidnyid ri cishu: anhang: nghoid ago". Hau: gang mo Israela byumyu" yigi ngoo ri aphoug" nghoid ago".

TARHA" TID POIN" 13:14

Nang houg: te" da" lu dang: lam" ri shau" gyo: nghoid rigi hau: ziri nyeing" za: sho: myid: gyo: yu we'. He: akhyeing" da" khyoo: bue" zi joo bye: nghoid rigi