1 SAMUELA 15:3 - Lacid Common Language Bible

³ Amaleg byu yiri yhe: said wigi nyangnu" yo" da" jonu" dangain" ziri phyo' pyam ge'. Jonu" daja: we' ateing too" goo". Yuggi- myiyi:- zooshang:- nu" ngha'- nu:- yang- gola-ug yo' loo zei: joem dangain" ziri said pyam ge» ga: tid.

1 SAMUELA 15:3 Խաչաձեւ Հղումներ

GYUNG: SOO" 24:20

Hau: thang: nya: myo, myang myang jang" moo: Amaleg byumyu" yiri myang wigi he: lapi: dang: ri tid bye:. «Amaleg gi byumyu" dangain" moo: yoem: je gyi: thang nghoid ago". Nghoid loug we' lo" thang moo gi apyaid atoo: doem: byug wa»

1 SAMUELA 22:19

Xo' wigi Sholu gi Noba voogung moo nyid da" byu yiri we' Khainjung yiri we' myiyi: yuggi- zooshang: yi noug" nu" yi nu:- loo zei: yo' yang dangain" ziri said pyam wa shid re" amyeing" byid: to" ziyo' dayhang: ti" hau: nyid" ri dangain bang: said pyam zi shoug" bye:.

GYUNG: SOO" 31:17

Houg: yoomo gung shoo" zoem" da" yuggi zoo: yugkhang" moo" yo' myiyi: zoo: yugkhang" moo" ri akhid" nyang: said pyam ge'.

THU' LO" MOUGSOUG" 20:5

Ce: ja: soolhoo: riwe' agoeb pid- ano' goo". Ciwim gari ngoo nanu" Aseing Mangsoo nghoid wigi ngoo gi mishi' mo, ri ayo" zeing: kham. Ngoo ri ngeing" mo, ri ngoo yooboo dam byid: wigi nyangnu" byuxeig soem" myid: xeig ju" sho' zang" wa zi nghoid.

THU' LO" MOUGSOUG" 17:14

Hau: thang: Aseing gi Moshe ri «He: oung: doid khyoo: ri myid boin: nyid baja"- lhid" too" we'. Ngoo gi Amaleg byumyu" yiri bain sho' said toem" pyam wa ein: ziri Yoshu ri tid kyoo" wa» ga: tid.

1 SAMUELA 14:48

Nyang: gi seing" yang" myid yo' khaid zain: yoomo Amaleg byumyu" yiri we' oung: pyam bye: zi nghoid. Nyang: gi Israela byumyu" yiri khaid said lo da" gyivoo yi lo, mo khyoid yu bye: zi nghoid.

1 SAMUELA 15:9

Nghoid loug we' Sholu yo' nya: byu yigi Agag da" kangso' yo' dage" ge thang da" yang joem nu: joem ge thang da" nu: nu" joem yo' yang nu" joem ge da" jonu" dangain" ziri aphyo' pyam loo: za: to" to" ago". Ci: age koid da" ziyo' akyu" abo da" jonu" joem ri khyeing" daphyo' pyam boem go".

1 SAMUELA 15:18

Hau: akhyeing" da" Amaleg byu yiri said toem" pyam wa shid re" nyang: nang ri amyeing" byid: wigi nhang: kaid zi nghoid. Nyangnu" dangain" mo, ri yo" said toem" pyam da" ayo, ju" sho' khaid zain: wa shid re" nang ri tid bye:.

1 SAMUELA 27:9

Myiyi: yuggi dangain" ri said pyam wigi yang- nu:- loo zei:- Gola-ug yo' byimi joem ri we' yu lo" boem. Hau: thang: nyang: gi Akhisha khyoo: doem tau" lo" ri

1 SAMUELA 30:17

David gi thang: nab kyoo' nab soin: myo, yoeb yoeb mo zi myen" thang: ju" sho' nyangnu" ri khaid zain: bye:. Gola-ug mo zhung: phang: da" zooyam myid: shoo: mo lid dayug we' ayo" phang: loo: goo" nghoid da:.

2 SAMUELA 1:8

Nyang: gi ngoo ri hang" nghoid ga: myid: yoomo ngoo gi nyang: ri ngoo gi Amaleg byumyu" nghoid ein: phoug tid bye: zi nghoid.

YOSHU 10:39

Nyang: gi hau: voomoo" ri we' khokham ri we' hau: voomoo" da" aqei: ayam moo: jo, da" voogung dangain" ri we' seing: yu pyam' da:. Nyangnu" houg mo yugkhang" moo" ri said pyam da:. Yoshu gi Hebron- Libna yo' hau: mo khokham phoo ri koid bye: ziyo' dakhyo" Debira yo' houg mo khokham ri koid bye:.