1 SAMUELA 1:8 - Lacid Common Language Bible

⁸ Nya: yhoem: seing: phoo Elakana gi nyang: ri «Hana nang ciwim ngau nyid nang ciwim wigi azoo: ashug lha". Yuggi zoo: daxi: yug nyid tho' moo re" shid mo ngoo je" akyu" bo nyid anghoid la"» ga: myid: da:.

1 SAMUELA 1:8 Խաչաձեւ Հղումներ

RUTHA 4:15

«Re" dumoo" gi nang ri jheddab ziyo' yug gi zoo: nyhed yug tho' akyu" je bo da:. Akhid" nyang: gi zooshang: khu: byid: bye:. Hau zooshang: gi re" da" byunyid gyung: khyoo: aseig doem yo" loo nhang: wa su:- nang ri pyaid thang sho' yo" goin coung: byid: wa su: bue" loo wim bye:» ga: mainkaid dang: ri tid byid: boem bye:.

ESAIA 54:6

Israela we"- nang gi nya: yhoem: seing: pho wigi she: pyam too" khare" wigi xoo: sho' nheigloem: thang byug da" apyaid ngi shi" da" yhoem: seing: myhi' yhang: ti" nghoid nyid da:. Nghoid loug we' Aseing gi nang ri nya: jhang doem khe: tau" yu wigi tid.

YOBA 6:14

Mangsoo ri ngoo she: pyam bye: zi nghoid nghoid ashe: pyam nghoid nghoid Hid yhang: te" da" yau khe" da" uri ngoo gi jhug zug da" byencang" ca" da:.

1THESALONI 5:14

Hau: lho: mang nhung yi we"- nei" nyid bang: ri tid poin" tid kyeing" go" nyid ge'- nheigloem: nge loem: nge nyid bang: ri nheig teing ung: teing byid: nyid ge'. hoem: nu: bang: ribo pang" bo thug byid: nyid ge'- dangain" mo, da" atho' moo zeung: kham' nyid ge'.

YOHAN 20:15

Yesu gi myiyi: zoo: nang we"- ci: koid ngau nyid. Nang hang" ri sho: yen? ga: myid. Houg: lang" Mari gi Yesu ri khyam: zung" su: ga: jho: lho: nheig boo phoo we" nang nyang ri yu lo" nghoid rigi nang kha joyoo moo to" zi ngoori tid kyoo" we' ngoo nyang ri yhe: yu ci: loo" wa.

YOHAN 20:13

Hau: Mouglagyoo: eig yug gi myiyi: zoo: we" ci: wim ngau nyid lha"» ga: myid. Mari koem gi nyangnu"- Nga" Aseing: ri yu lo" byug bye. Nyangnu nyang ri khayoo: to" zi ngoo asi ga: tid.

COUNG" NGHEI 43:4

Houg: lang" gi Mangsoo we"- re" da" phoin: khyoo: ngoo yo" yhe: loo" wa zi nghoid. Nang gi nga" ngei pyo: khyo: da" jhung: shoem: nghoid nyid. Mangsoo we"- nga" Mangsoo we"- nga" teung ri baid lho: ngoo nang ri coung" nghei jikhoin" khoin" nyid wa zi nghoid.

ESAIA 54:1

Yerusalem we"- nang gi bougdung: myhi' dayug ti" bue" lid: loo bye:. Nghoid loug we' akhid" nang gi gau wigi jikhoin" khoin" ziyo' yo" nyhoo: bye:. Akhid" nang gi yhoem: seing: phoo wigi khanham we' atoo" kho' da" myiyi: dayug tho' Zooshang: je myo: abye:.

2 KHOKHAM 8:12

Hazaela gi «Ludaid phoo we"- nang ciwim yoomo ngau nyid la"» ga: myid: da:. Houg: lang" Elisha gi «Israela byumyu" yi adang moo nang yu" gyoug sho' da" gyi koid ri" wa ziri ngoo si' yoomo nghoid. Nang gi nyangnu" gyidab joem ri myi: nghe'- bue" thang da" nyangnu" zooyam yiri said- nyangnu" da" zoonu" yiri du" said- zoonu" gung lid: da" myiyi: yiri voem: dau: thau" khyam" pyam ri" wa» ga: tid.

1 SAMUELA 1:7

He: khyoo: gi zain khang" moo" dabue" nyid yoomo nyangnu" gi Aseing yhoem: khyoo: yhe: uri Hana ri Penina sung ung: zo: wigi nyang: gi ngau ziyo' zoo: shug we' azoo: loo: nghoid da:.