YOHANES 8:55 - PERJANJIAN BARU NALCA YUBA

⁵⁵ Dara nera, Imik Neyung bek ara, ugunda elgom ululumjok, salyaʾ lelem lelelum. Bok nak dara, alak seleb ella ulumna. Nadya Imik Neyung bek, nara alak elgom ulumna henesinya dara, ugun ululum sok, senenggom sondaʾanya ulumnesinya. Bok, nara Imik Neyung bek ella ulumnakanya, alja yub ek dib senewoka unulamna.

YOHANES 8:55 Խաչաձեւ Հղումներ

YOHANES 8:19

Parisi nang edya alak, ”Anjaʾ neyung bera hanyagar ulumla do?” aboka heimek. Dara alja dara, ”Nunda penya nidyaʾ ugunja dara, elgom ulusulum. Ugunda nak ella ubnesom dara, wera nadyaʾ neyung anaba ella ubnesom,” hyok.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

WAHYU 3:9

Dara nimi nidyaʾ bisaʾ dubnya Satan bedya bisaʾ mab silibaʾ ulumak nang era, Yahudi nang yokaʾ gom bok, sondaʾ anasa nunda Yahudi nang enyaʾ aldalamak nang era, nadya anjaʾ saramek sam yeiniboka gibgenokaʾ aboka unuwanok senen ganya enyek eleganesin. Anedya sikda, nara anak wanaʾ ulunggenaʾ ara gobdo ella danamak.

YOHANES 8:51

Nara ugunuk dib lebsin, nadya yub ek dib senewoka unululanya bera, alda somoknaʾ hyak loboka ulmoublumnamla,” hyok.

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

1 YOHANES 5:10

Anasa ban nenesa leboka, Imik Neyung alja me nek dib senelemak nim era, ban laga lelemla yub enera, seleb ganya lomok ulusil. Bok Imik Neyung ak dib senenaʾ orok nim era, Imik Neyung ara sondaʾ lelelanya nenelemak. Ban unulumaknya nera, Imik Neyung adya alja me nemba lelemlaʾ anyek dib senenggulumakaʾ adya sondaʾ lelelanya nenelemak.

YOHANES 15:21

Bok, sikda nak bokol yeilinyoknya bek elgom ulumakaʾ anasa, nadya si nemba leboka, ban yokaʾ-yokaʾ ugunuk unulumnasak.

1 YOHANES 2:22

Sondaʾ lelelanya bek dara, Yesus ara Imik Neyung adya soko nimi blebsinaʾ dubnya anggulumla, alalanya bera sondaʾ lelelanya bera an. Ban wenyalalanya bera, Kristus bedya isaʾ anya ulumlakanya, Neyung beb alja me neb dak, bol nenelamla.

1 YOHANES 2:4

Ben hnon leleladya, ”Nara Imik Neyung ak ella ulumna,” alaladyok, alja alak oruklamla anyek pe ununggulumla dara, bera alda sondaʾanya ulumlakanya, dib yub ara alja ganya lomok unggulumla.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

RASUL 17:23

Nara ugunja heik gangganek sam yabalamsakanya, ugunja giblelumaʾ deng anyek kemero yabalamsa dara, ugunja yokaʾ ak uka daboka gibnaʾ oulyang era hnonok ak eiyimsa dara, anyagan unulum ak ara lero momnya dorobja, Im nang ben hnon elgom ulumabnya nek giblemab, aro giblelumaʾ ak eiyimsa. Wei, anasa ugunja im nang elgom alalumnya nenyek wen neknesin.

YOHANES 17:25

Neyung perob ok ululamnya o, sokok an yokaʾ ara anak elgom ulunjak bok, nak dara, anak ella ulunggen. Dara, elegenulum nang edya dara, anda sokok an bokol yeilinulumaʾ ara, dib senelemak.

YOHANES 16:3

Ban unuwanasakaʾ ara, sikda neyung beb nab elgom ulusakaʾ adya, ugunuk eimik unulumnasak.

YOHANES 15:10

Nadyaʾ neyung bedya orugenyok yub keboka unulamsakanya, alja wanaʾ unaʾ ak ulumna sok, ugumbabya nadya oruklesin yuba keboka unulumun dara, ugunda nadya wanaʾ un ak ulumnulum.

YOHANES 8:29

Neyung be sokok sam bokol yeilinyoknya bera, nablaboka sobaʾ neikik ulunam. Nara alja ganya perob senelamnaʾ anyek, sobaʾ unulamnaʾ anasa, alda nak lo banggulunel,” hyok.

YOHANES 6:46

Ban wenyhenya nera, nim adya hnon Imik Neyung ara laga eiyirob ak lebnenggubna. Alja bokol yeilimoknya be hnonok seleb neyung bera heng adya okoka eibok.

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.

LUKAS 10:22

”Yokaʾ-yokaʾ nidyaʾ ara neyung bedya nak lebnyok. Nimi nidyaʾ ara me ak ara elgom ulumak bok, neyung anak ok hnonok ella ulunelem. Nim adya dara, anak elgom ulunjak bok, anja me nedya danyek, hnonok ella ulunggen. Anya hek nim ek, me nenedya neyung bera ban aboka neksin nang edyaʾ anaba ella ulunjak,” hyok.

YOHANES 8:52

Dara Yahudi nang edya, ”Nunjaʾ neyung Abraham beb, yok-yok senenggom ununumnaʾ lelemek nang enebabya, seleb somogek bok anasa, anja dara, nadya yub ek dib senewoka unululanya bera hyak dib somoganggunumla alamaʾ adya, wera aldib anda bisaʾ gologonjoknya ululamaʾ ella ulunjab.

1 YOHANES 1:6

Nunda gunaʾ lomok anam ulumabjok, nunda Imik Neyung ab neikaʾ ganya kwebdangoka ulumab alamab dara, nunda sondaʾ leldalamabakanya, dib yub ara nunda ununggulumab.