YOHANES 6:64 - PERJANJIAN BARU NALCA YUBA

⁶⁴ Bok ugun gangganek an, nimi hnon dib senenggululum,” hyok. Ban wenhyokaʾ ara, hek nang dib senewanggunumakaʾ hnon, al nong ak obnelum aboka yuba dil binimoknya benyek hnon, orowek ella ulumokaʾ anasa, lebok.

YOHANES 6:64 Խաչաձեւ Հղումներ

YOHANES 10:26

Ugunda nadya pam unggululumaʾ adya, nak dib senenggulunulum.

IBRANI 4:13

Imik Neyung adya henga kemenaʾ ak ab dara, yokaʾ nidyaʾ hnon goʾ pe doknowamenggom. Alda yana lelewanasil dara, nara anasa unumsa aboka laga lebnemabnya bek, yokaʾ-yokaʾ nidyaʾ ara, nong baneng laga ok ulumla.

2 TIMOTIUS 2:19

Bok, Imik Neyung adya ikimok egomnaʾ era, hyak mel-mel arob nong. Egomnaʾ eilibek ara lero momnya dobokja, ”Wenelesilnya bera alja nimi yokaʾ ak ella ulusil;” onoʾ, ”Nimi hnon nara Wenelesilnya bedyinya ulumna aldalalanya bera, alda malya unaʾ ara, hyak gobdo lobnamso.”

ROMA 8:29

Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

YOHANES 6:61

Yesus ara, alak yuba doro diriga ban nang era waldalamekaʾ ara ganya lomok eiyisuukanya, alja dara, ”Ban yub enedya ugunja ganya dangawom-dangawom aldalalum de?

YOHANES 5:42

Bok, ugunuk ella ulusin. Ugunda Imik Neyung ak ugunja ganya edya wanaʾ unggululum ara, nara ella ulusin.

RASUL 15:18

Imik Neyung adya, men youmaʾ enyek, ban orowek lemoknya bedya ban wenyalamla,” hyok.

YOHANES 6:66

Ban wenhyok sum enyek moruwoka, alja lelemok yuba doro diriga ban nang nauba ara, losaaboka alak diriga banggulumek.

YOHANES 6:36

Bok, nara ugunuk seleb wenyasisa sok, ugunda nak okoka nong eillilinulumaʾ anababya, ugunda nak dib senenggulunulum.

YOHANES 8:55

Dara nera, Imik Neyung bek ara, ugunda elgom ululumjok, salyaʾ lelem lelelum. Bok nak dara, alak seleb ella ulumna. Nadya Imik Neyung bek, nara alak elgom ulumna henesinya dara, ugun ululum sok, senenggom sondaʾanya ulumnesinya. Bok, nara Imik Neyung bek ella ulumnakanya, alja yub ek dib senewoka unulamna.

YOHANES 8:23

Dara, onoʾ Yesus adya sikenek ara, ”Ugunda sokok ab yeililum, nara imik ab yeilimsa. Ugunuk dara, anyagan sokoknya nek ululum, bok nak dara, anyagan sokoknya bek unggulumna.

MATIUS 10:4

Wera hnonda asaʾanya alameknya Simon beb, eimik Yesus ak obnelum aboka yuba dil bilimoknya Yudas Iskariot beb, ulumek.

YOHANES 6:60

Yesus adya, ban yuba nauba neklesuk sum enyek, alja lelemok yuba dobdongoro balamek nang era, ”Ban lelesil yub enera hyak gasa nong anasa, heknedya keboka dobnamsoʾ ak lelemla do?” wenyalamek.

YOHANES 18:4

Dara, Yesus ara alak yokaʾ-yokaʾ nidyaʾ unuwanamekaʾ ara nidyaʾ orowek ella ulumok bok adya, alak obnobaʾ aboka we yanggek nang sik berem yeiniboka, ”Ugunda heknya ek el yabalelum do?” husuk.