YOHANES 6:46 - PERJANJIAN BARU NALCA YUBA

⁴⁶ Ban wenyhenya nera, nim adya hnon Imik Neyung ara laga eiyirob ak lebnenggubna. Alja bokol yeilimoknya be hnonok seleb neyung bera heng adya okoka eibok.

YOHANES 6:46 Խաչաձեւ Հղումներ

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

LUKAS 10:22

”Yokaʾ-yokaʾ nidyaʾ ara neyung bedya nak lebnyok. Nimi nidyaʾ ara me ak ara elgom ulumak bok, neyung anak ok hnonok ella ulunelem. Nim adya dara, anak elgom ulunjak bok, anja me nedya danyek, hnonok ella ulunggen. Anya hek nim ek, me nenedya neyung bera ban aboka neksin nang edyaʾ anaba ella ulunjak,” hyok.

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.

YOHANES 14:7

Ugunda nak ella ulunusom dara, wera, Neyung bek ella ulumnesom. Dara wera, ugunda alak ella ululumukanya, alak seleb eiyilum,” hyok.

YOHANES 15:24

Yok nim edya hyak ununggulusengnya nek, sik gangganek ununggulusinya dara, sikja malya unaʾ unggulususo bok, wenera, nadya unulamnaʾ eillilimak bok, nak lek senelenyaakanya, neyung beneba lek senelemak.

YOHANES 5:37

Imik Neyung be na bokol yeilinyoknya beneba, alda nasamba geklewoka yuba lelemla. Bok, ugunda alja yuba kenggululumukanya, onoʾ alja nong hogung eneba mekaʾ eilinggululum.

YOHANES 7:29

nara alak ab bokol yanyokaʾ anasa, nara alak ella ulumna,” hyok.

YOHANES 8:19

Parisi nang edya alak, ”Anjaʾ neyung bera hanyagar ulumla do?” aboka heimek. Dara alja dara, ”Nunda penya nidyaʾ ugunja dara, elgom ulusulum. Ugunda nak ella ubnesom dara, wera nadyaʾ neyung anaba ella ubnesom,” hyok.

YOHANES 8:55

Dara nera, Imik Neyung bek ara, ugunda elgom ululumjok, salyaʾ lelem lelelum. Bok nak dara, alak seleb ella ulumna. Nadya Imik Neyung bek, nara alak elgom ulumna henesinya dara, ugun ululum sok, senenggom sondaʾanya ulumnesinya. Bok, nara Imik Neyung bek ella ulumnakanya, alja yub ek dib senewoka unulamna.

KOLOSE 1:15

Alda Kristus ara, Imik Neyung laga eilinggulumaknya bedya sununaʾ ulumla. Anya yokaʾ-yokaʾ uyiwok ak ab dara, alda hyak nonoknaʾ nongnya ulumla.

1 TIMOTIUS 6:16

Imik Neyung ara, alak ok hnonok dib embengaʾ ulmoublumnamla. Somoknaʾ ara alak mekaʾ unggulumla. Alda nimi mekaʾ oka bimenggom dilinaʾ ak ulumla. Nim adya hnon, alak mekaʾ heng eibnenggumeekanya, onoʾ hnon nim adya eibnamenggom. Alak sobaʾ gibelsinilenok. Alak migib nong sobaʾ ulmorululul. Amin.

1 YOHANES 4:12

Nimi hnonok sibin anaba, Imik Neyung ak ara heng eilinaʾ orok bok, nun moumen wanaʾ uldalamnemab dara, Imik Neyung ara nub neikaʾ kwebdangoka ulumnemabakanya, alja wanaʾ unaʾ ara, nun lomok kalasil.