YOHANES 6:45 - PERJANJIAN BARU NALCA YUBA

⁴⁵ Ununumnaʾ lelemek nang bukuk ara, sikda nimi nidyaʾ ara, Imik Neyung adya eimik wenewanesil, aboka momnya domek. Anasa, heknedya Imik Neyung bek pe keboka, alak ab dolomla dara, alda nak or yanenel.

YOHANES 6:45 Խաչաձեւ Հղումներ

IBRANI 10:16

”Wenelesilnya Imik Neyung bedya dara, ban salek seleb dara, wenyek unubdanamab an yuba nadya eleganasinaʾ ara an. Nadyaʾ unuwanalum an yub ek, sikja ganya lomok sam beibnamna, anya sikja ganya seininaʾ ak hnon momnya dobnesin, ” hyok.

1 TESALONIKA 4:9

Imik Neyung adya ugun kabo nim ek wanaʾ ubdanalum aboka seleb nekesukaʾ anasa, wera, ban yub en onoʾ momnya dobnenggunusibya.

YOHANES 6:65

Onoʾ Yesus adya moruwoka, ”Nimi ben hnonok sirik anababya, nadyaʾ neyung bedya unuwolulaʾ aboka aranggululenya bera, nak sam yanggunumla, amsaʾ ara, hnon dib senenggululumaʾ anasa lemsa,” hyok.

YOHANES 6:37

Nidyaʾ Imik Neyung adya eleklenel nim era nak yanamak dara, bindowoululum aboka wekdo boboganggunusin.

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

EPESUS 1:17

Hyak senenggomaʾ imik ululanya Imik Neyung ara, nunjaʾ Wenelesilnya Yesus Kristus aljaʾ Imik Neyung bedya, ugunuk yokaʾ-yokaʾ elegosululaʾ aboka mololesin. Imik Neyung ak olowoka pe ella dolulumaʾ aboka, geremseng un ganya hnon, ella dangan ganya hnon, ugunuk elegousululaʾ aboka mololesin.

YOHANES 10:27

Nadya pama yokaʾ ak dara, nara sikenek ella ulusinekanya, sikda nadya yuba keboka nak diriga yalanyak.

LUKAS 18:31

Yesus ara alja yuba doro diriga ban nang ek sikbeyokaʾ ak mamagiyiwoka lebsukaʾ ara, ”Ugunda pe keblulum! Nunda wenera Yerusalem heikek balamab. Dara, Yerusalem heikek ab dara, ununumnaʾ lelemek nang edya nimi dibaʾ me nemba leboka momnya dorobaʾ nidyaʾ ara, gigiwoka unuwanamla.

LUKAS 1:70

Wenelesilnya bedya youmaʾ enyek moruwoka, alja geisa ununumnaʾ lelemek nang edya si bamaʾ pik uboka orowek wenyasuk sok, sunuwoka wera unuweisil.

MARKUS 1:2

Ban perobaʾ lero yanggan yub era, ununumnaʾ lenya Yesaya bedya, Imik Neyung adya lemokaʾ anyek momnya dobokaʾ ara, ”Nadya wa wenya bera, anda loboka men anja pik yarawogululaʾ aboka, alak bokol binimna.

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

RASUL 7:42

Dara, unulumek anyek Imik Neyung adya eiyiwoka imik ulumla guraʾ enyek giblenok aboka Imik Neyung ara sikenek soruka lobonggosuk. Ban unuwanamoknya nenesa geklewoka men ununumnaʾ lelemek nang edya momnya dobek ara, Wei, ugunda Israeli nang o, ugunda holaʾ seknaʾ mok sam pama garawoka beiyiwoka giblelum gibnaʾ hnonok ebdobnya mekbadya leboka ara, na Imik Neyung nong amba ununggululum.

RASUL 13:40

”Dara, ununumnaʾ lelemek nang edya lebek yub anyek, ugunuk gigiweisilyek aboka, mem nong anasa, ugunda hyak pe keebdangoka ulumnalum.

PILIPI 3:15

Nunda nidyaʾ Imik Neyung yuba domoubukanya, seleb ganya kalasil nim era, neik ganya enyek unu bobnemab. Bok ugun gangganek sam ara, nimi hnon yoko seinilemun dara, Imik Neyung adya ugunuk nek arawanasilaʾ.

1 YOHANES 2:27

Bok ugunsamba dara, al adya Geisinya yek goulunaʾ ara ugunuk anam ulusil bok dara, nim adya ok hnon ugunuk neknenggunusiseng. Anasa wera, ban yek goulusinaʾ adya yokaʾ-yokaʾ nidyaʾ wen neklesil bok dara, anya wera alja neklesilnya nera, anara sondaʾ ak unggulumlaʾ anasa, anera aldibaʾ ak ulumla. Anasa wera, yek goulunaʾ adya yokaʾ-yokaʾ nidyaʾ neklesilaʾ anyek, ugunda dib senewoka, al lomok ululum.