YOHANES 6:39 - PERJANJIAN BARU NALCA YUBA

³⁹ Na imik heikek ab bokol yeilinyoknya bedya dara, nak seinilenela ara, alja nak eleklenelnya nera, ben hnonok sirik anababya weininggoka denganaʾ ara mem. Anasa, alda nidyaʾ gobdo sidyaʾ daknamla sum era, embengaʾ bukiyiwosulul, senelenel.

YOHANES 6:39 Խաչաձեւ Հղումներ

YOHANES 17:12

Nara sikeneblaboka neikaʾ ulumouba salek era, ban anja nak elegenulum si migib edya, nara sikenek bleboka pe bo ulusisa. Nadya pe beiyiboka bo ulusisa dara, Imik Neyung yuba momnya dobokaʾ gigiwolulaʾ aboka, weininggeldanaʾ geknemoknya nok, hnonok seleb weiningdok,” hyok.

YOHANES 6:40

Anasa wera, nadyaʾ neyung bedya alja orowek senelamlaʾ ara, nak heng eiyiboka dib senelemak nimi nidyaʾ ara, dib ulmoubnaʾ ganya dobnamak senelamla. Dara, sidyaʾ daknamla sum era, nara sikenek embengaʾ bukoka sekiyiwanesin,” hyok.

YOHANES 18:9

Yesus adya ban wenhyoknya nera, alja orowek lemok yub era, ”Neyung o, anja nak doboka elegenulum nang era, hnon weiningdanggunumak,” amoknya nenesa gigiwolulaʾ aboka lebok.

YOHANES 6:54

Heknedya nadya nong soub ab, nadya eneng eb, delenya bera, embengaʾ unaʾ seleb ulumlakanya, sidyaʾ daknamla sum era alak nadya bukoka sekiyiwanamna.

YOHANES 6:44

Nimi ben hnonok anaba nak bokol yeilinyoknya bedya, glinaʾ orok dara, nak yanggunumso bok, sidyaʾ daknamla sum era, nak yanalanya bera embengaʾ bukoka sekiyiwanamna.

YOHANES 6:37

Nidyaʾ Imik Neyung adya eleklenel nim era nak yanamak dara, bindowoululum aboka wekdo boboganggunusin.

YUDAS 1:1

Ban momnya donaʾ era, nara Yudas, Yakobus alja weis edya, Yesus Kristus adya wa wenya uboka, nunjaʾ neyung Imik Neyung adya wanaʾ uboka, Yesus Kristus amba bo uboka youbsuk nim ek beibsin.

ROMA 8:11

Dara onoʾ, Yesus ara somoknaʾ nang gangganek ab subuka bukiyiwoknya bedya Geisinya ara, ugun lomok ulumla dara, wera onoʾ alja Kristus Yesus somoknaʾ nang gangganek ab subuka bukiyiwoknya bera, alja ugun lomok ulusil Geisinya edya, eimik era ban ugunja somokna nong eneba subuka bukiyiwanasil.

LUKAS 12:32

”Ugun ululum nim era dumunga mekaʾ me bok anasa, ugunda lok ganya bonaʾ ara mem! Imik Neyung ara alja wenelemnesilnya nenyek, ugunjinya danasil.

MATIUS 18:14

Anasonya neikek, nadya neyung be imik heikek ululanya bedya dara, nimi nidyaʾ nak an wenyek dib senelenyak nim era mek nim bok, hnon weiningdeijek senelamla,” hyok.

1 PETRUS 1:5

Ugunda Imik Neyung migib adya bo ulusil nim ek, ban bonaʾ era ugunsambaʾ ak beillilesil. Yokaʾ-yokaʾ nidyaʾ denghenemla sum enyek, al laga danamla, Imik Neyung nimi blebsinaʾ damoka beibukaʾ anyek, dibaʾ dobnokaʾ aboka, ugunja dib senenaʾ adya, ugun nonga migiba geboka bo ulusil.

YOHANES 12:48

Heknedya nak lek senewoka lolonelekanya, nadya yub ek dib donaʾ lolomla dara, alak yana lelewanalanya bera seleb orowek ulumla. Nera nadya lemsa yub edya sidyaʾ daknamla sum eimik alak yana lelewanamla.

2 TIMOTIUS 2:19

Bok, Imik Neyung adya ikimok egomnaʾ era, hyak mel-mel arob nong. Egomnaʾ eilibek ara lero momnya dobokja, ”Wenelesilnya bera alja nimi yokaʾ ak ella ulusil;” onoʾ, ”Nimi hnon nara Wenelesilnya bedyinya ulumna aldalalanya bera, alda malya unaʾ ara, hyak gobdo lobnamso.”

YOHANES 5:28

Dara ban lelesin anyek, hyak lok ganya bobnenggunulum. Eimik yanamla sum enyek, seleb somogorob nimi nidyaʾ ara Imik Neyung bedya me nedya yuba kebija dara, dibsik oulyang ak ab ara, embengaʾ suboka buknemak.

MATIUS 10:15

Ban dib lebsin, Soko sidyaʾ daknamla sum era, Sodom heik nim eb, Gomora heik nim era, Imik Neyung adya dara, sikenek igina kwesinaʾ ara mek so bok, ugunuk lek henesak nim ek dara, igina nauba danamla!” hyok.

YOHANES 17:2

Neyung o, anja me nek, neyung anja doboka alak elegolum nimi nidyaʾ ak, dib embeng unaʾ elegosulul aboka, migib unaʾ era nimi nidyaʾ ak unuwolulaʾ aboka seleb elegelum.

YOHANES 17:6

”Nara anja ululamnya nera, anja sokok an nimi bok doboka nak elegenulum nang ek, seleb laga nekemsa. Nera anja mabo yokaʾ ulumek bok, anja doboka nak elegenulum. Dara, sikda anja yuba pe doboka unulumeekanya,

YOHANES 17:9

Nara wen siksamba mololesin. Nara sokok an yokaʾ nim emba molonggulumna bok, alda Neyung o, anja nak elegenulum nang enyek, sikda anjinya nek ulumakaʾ anasa, mololesin.

YOHANES 17:24

”Neyung o, anja nak elegenulum nang edya, soko anam uyiwanggom danyek, men orowek anja nak wanaʾ ulunulumaʾ anasa, wera si imik nenenaʾ elegenulumaʾ anyek, sikda na ulumnyaʾ ak ulumeijekanya, nak si imik nenenaʾ anyek, sikba eibnokaʾ aboka mololamna.

1 KORINTUS 6:14

Imik Neyung adya Wenelesilnya Yesus bera somoknaʾ ak ab, embengaʾ dangiyimok. Anasonya neikik eimik era, numbabya alja migib edya, Imik Neyung adya nuk embengaʾ bukiyiwanasil.

YAKOBUS 5:15

Sikja molowanamakaʾ ara, hyak ganya dib senewoka molowanamak dara, wera Wenelesilnya bedya neiklelenya bera meriyiwoka, alja malya umlyaʾ ara meewanamla.