YOHANES 5:28 - PERJANJIAN BARU NALCA YUBA

²⁸ Dara ban lelesin anyek, hyak lok ganya bobnenggunulum. Eimik yanamla sum enyek, seleb somogorob nimi nidyaʾ ara Imik Neyung bedya me nedya yuba kebija dara, dibsik oulyang ak ab ara, embengaʾ suboka buknemak.

YOHANES 5:28 Խաչաձեւ Հղումներ

WAHYU 20:12

Dara onoʾ nimi nidyaʾ, mek nimi, nauba nimi, seleb somogorobnya nera, senenggom ekla bunaʾ beremek sam seklemekaʾ ak eibsa. Anya, momnya dolomok buku gong era, pika bakloro yibuk. Dara onoʾ yok buku hnon, nim embengaʾ un buku enyek, hnon bakok. Wera nimi nidyaʾ somogomek nim, embengaʾ ulumeka wenyek, sikja unulumek ununaʾ gong era, buku enyek an momnya dolosukaʾ sunuwoka, sikenek yana lelewosuk.

PILIPI 3:21

Nunjaʾ hmeng uboka songa leboka blolomla nong era, Kristus adya yoka nenewoka aljaʾ perob nong eneso nenewanasil. Ban alja unuwanasilnya nera, alda yokaʾ-yokaʾ ara unun danasa, migib adya unuwanesil.

1 KORINTUS 15:22

Nimi nidyaʾ ara, Adam beblaboka neikaʾ ak hiboka ulumek adya somoklemak sok, neik so weneba Kristus ablaboka neikaʾ himekaʾ adya, embengaʾ bukiyiwanesil.

YOHANES 3:7

Nadya ugunuk saaboka beibnesil wenyalasinaʾ ara, anda loka dabnenggununggeso.

YOHANES 5:20

Anasa, neyung bedya alja me nek wanaʾ ulumlakanya, alja unulamlaʾ nidyaʾ ara, alja me nek amalamla. Wera onoʾ eimik era, neyung bedya hyak senenggom ununaʾ enyek elegoka aawalya dara, ugunda eiyiboka hyak loka dabnesil.

YOHANES 4:21

Yesus adya alak, ”Yok yanamla sum enyek, nim adya Imik Neyung ak ara, mein enyekan gomaʾ, Yerusalem heikek ok gomaʾ, giblemnemak ara dib senewalom.

RASUL 3:12

Wera, Petrus bera nimi nauba eiyimok dara, sikenek, ”Wei ugunda Israeli nim o, ugunda hekasa ban unumlaʾ ak loka dasil do? Ugunda hekasa nuk ngekellublesulum do? Ban nonga heiboknya bera nunja migib edya gom, nunda hyak pe ulunam adya gom, yan ingi yabalamla senelum de.

YOHANES 4:23

”Bok eimik yanamla sum era, onoʾ al wen seleb ulumla sum eneba, Imik Neyung bek dib giblemak nim era, ganya adya gibnemak, Imik Neyung alba ulumla sok sunuwoka gibnemak. Ban anaso nimi ganya ara, Imik Neyung adya nak unu gibneneseng senelamla.

YOHANES 5:25

Ugunda ban nadya lebsinaʾ anyek dib senewanalum, seleb somogorob nim era, Imik Neyung bedya alja me nedya yuba keboka embengaʾ buknemak salek era, eimik yanamlaʾ hnon, weneba seleb yeiniboka ulumla amna ara, ugunda dib senewanalum.

RASUL 24:15

Dara onoʾ, sik Yahudi nang adya Imik Neyung unuwanamla senelemak sok, naba neikik eimik era nimi embengaʾ ulumek ara somogorob nim era suboka embengaʾ buknemak senelamna. Nenyek dara, or perob ok ulumak nanga hnon, malya unaʾ unulumak nanga hnon, unuwanasil ara nara dib senelamna.