YOHANES 5:27 - PERJANJIAN BARU NALCA YUBA

²⁷ Dara, alja me nera nimi dibaʾ me ulumlaʾ anasa, alja neyung bedya alak nimi yana lelesinaʾ ara seleb elegemok.

YOHANES 5:27 Խաչաձեւ Հղումներ

MATIUS 9:6

Bok wenyek dara, nimi dibaʾ me aldib soko dubuk an ara, nim adya malya unaʾ sikenek ab sobaʾ memelesil ulumla geknebaʾ ara, wen laga unuwanamna,” hyok. Dara onoʾ Yesus ara nonga heimoknya bek, ”Anda sekoka, anja esonaʾ doboka bobmenekanya, anja ek bilom!” hyok.

YOHANES 5:22

Neyung bedya alja ok ganya doboka nimi yana lelenggulusil. Bok, nimi yana lelesinaʾ damoka nidyaʾ ara, seleb alja me nek gobdo lemok.

YOHANES 9:39

Dara, Yesus adya, ”Nara sokok an yeilimsaʾ ara, pe yana lelewoka unululanya nenyek, henga lumnya nenyek, henga gwelegoka eillilimnemak bok, heng eikaʾanya nera luma yalalulaʾ aboka yeilimsa,” hyok.

RASUL 10:42

Yesus anyek, Imik Neyung adya aldib nimi nidyaʾ embengaʾ ulumak nim eb, seleb somogomek nim eb, yana lelesinaʾ anya sekiyiwok aboka, nimi yok nim ek perob lero yanggan yuba lero yabalemnelum aboka nuk orugosuk.

RASUL 17:31

Anasa wera, Imik Neyung adya nimi nidyaʾ soko ak ulumaknya nenera, pe jong yana lelewanesin senewoka seleb li orowek gegewoka dibuk. Ban unuwoka yana lelewoka ubnesilnya bera orowek Imik Neyung benedya unuwanamla aboka gegebok. Dara, nimi nidyaʾ anara dib senewoka ella danokaʾ aboka dara, nimi somoknaʾ ak ab sam, bera seleb embengaʾ suboka bukiyibok,” hyok.

1 KORINTUS 15:25

Wene salek era, Kristus anyek dubnya dangoka wenelesilyaʾ ara, Imik Neyung adya isaʾ nimi nidyaʾ dob dakdowoka, Kristus ak wera anjinya aboka lebnamla.

IBRANI 1:2

Bok wen sidyaʾ dagalongnaʾ salek en era, alja me pik uboka yuba sal eleklesil. Imik Neyung adya alja me Yesus pik uboka hyak nidyaʾ men uyimok. Anya onoʾ Imik Neyung adya alja me pik uboka uyimok.

1 PETRUS 3:22

Wera Kristus ara imik heikek Imik Neyung sirikek sam bindewoka, lero nang ek hnon, nidyaʾ dub nang ulumakaʾ ab, senenggom migib ulumlaʾ nidyaʾ ara alja yuba kelemak.