YOHANES 4:15 - PERJANJIAN BARU NALCA YUBA

¹⁵ Dara, onoʾ ban gel genedya, ”Wei, neyung o, onoʾ mek ok ubnelyakanya saaboka anyagan mek sobaʾ gwel yanyek aboka, wera ban mek enyek eleganenelem,” hyok.

YOHANES 4:15 Խաչաձեւ Հղումներ

YOHANES 4:16

Yesus adya alak, ”Anja nenya youbol bimenekanya, onoʾ anyagan yanarum,” hyok.

YOHANES 6:26

Yesus adya sikenek, ”Nara ugunuk dib lebsin, ugunda nak elenulumnya nenera, nadya yokaʾ-yokaʾ lok soʾ ak unulamnaʾ anyek eiyiboka dib senelumaʾ adya gomaʾ. Ugunda gwaneng deregoka pe demab senelumukanya, nak ebgiga yalanulum.

YOHANES 6:34

Dara, sikja Yesus ak, ”Neyung o, ban roti gwaneng era, nuk sobaʾ eleklesilom,” hyek.

YOHANES 6:35

Yesus adya sikenek, ”Na nong anyek nim embengaʾ ul eleksin gwaneng era alan. Heknedya nak yanamla dara, alda gwaneng oka sobaʾ unggulumnamla. Onoʾ heknedya nak dib senewanenel dara, alda mek ok unggulumnamla.

ROMA 6:23

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

ROMA 8:5

Anasa sik nimi ganya ok sunuwoka ulumak nang era, nimi ganya adya seinilamla ganya ok seinilimak. Bok Geisinya bedya ganya ok sunuwoka ulumak nang era, Geisinya adya seinilamla ganya ok seinilamak.

1 KORINTUS 2:14

Dara, nim Imik Neyung Geisinya unggululanya bera, Geisinya adya eleklesilaʾ ara, donggulumla. Alda eleklesilaʾ anyek, dolbalek so senelamla. Dara, ban nenera Imik Neyung Geisinya adya ok damok ara ban senewoka ella dangalamak anasa, albeyok ella damenggom ulumla.

YAKOBUS 4:3

Ugunja mololumaʾ ara nunok ok pewosulul senen ganya boboka, malya uboka mololelumaʾ anasa, ugunda molowanaʾ anaba eleknaʾ lobsin dara yokaʾ-yokaʾ hnon donggululum.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.