YOHANES 21:15 - PERJANJIAN BARU NALCA YUBA

¹⁵ Wera, sikda nidyaʾ seleb debgogomek dara, Yesus adya Simon Petrus bek, ”Wei, anda Yohanes mamnya Simon o, yok danara mek so bok, anak dara, nak hyak nauba wanaʾ ulunelem do?” aboka heibuk. Dara, Petrus bedya Yesus ak, ”Aldib e, Wenelesilimnya o, nara anak wanaʾ ulunggenaʾ ara anda ella ulunelem e,” hyok dara, Yesus adya Petrus bek, ”Wera anasa, nadya domba memab anyek, pe geregoka bo ulunelom,” hyok.

YOHANES 21:15 Խաչաձեւ Հղումներ

MATIUS 10:37

”Heknedya nak ara loboka, aljaʾ neyung genong ak wanaʾ nauba ululanya bera, nadya yuba donaʾanya henggunuseng. Anasonya neikek, heknedya alja mabo gelmabo ek wanaʾ nauba ululanya bera, nadya yuba donaʾanya dibaʾ henggunuseng.

MATIUS 16:17

Danyek Yesus adya onoʾ alak, ”Anda Yunus mamnya Simon, anda hyak dib lerowalem. Nera nim adya anak neknenggubjak bok, alda nadya neyung be imik heikek eini ululanya bedya nekgelaʾ ak leblam.

MATIUS 18:10

”Ban unurub mekmab enyek, malye dolbalek senewoka unaʾ ara hyak mem nong! Anasa ugunda banyek beknelum, sikja lero era nadyaʾ neyung be imik heikek ululanya bedya aljaʾ saramek sam sobaʾ ulumak.

MATIUS 26:33

Wenyek Petrus bedya Yesus ak, ”Neyung, yok nang era nidyaʾ lo bininjak bok, nak hnonok mekaʾ unuwanggunumna!” hyok.

MATIUS 26:35

Wenyek Petrus bedya Yesus ak, ”Neyung, nara anab neikaʾ somoganasinimaʾ anaba, nadya anak dara, bera nara elgomnya benyaʾ aboka mekaʾ wenyhenggununggen!” hyok. Anya anyagan yuba doro diriga ban nanga nidyaʾ anaba al neik so leb ligiwek.

MARKUS 14:29

Wenyek Petrus bedya Yesus ak, ”Yok nang ek dara, aldib ganya gilib meneganalabok, nak dara, mekaʾ unuwanggunumna,” hyok.

LUKAS 12:32

”Ugun ululum nim era dumunga mekaʾ me bok anasa, ugunda lok ganya bonaʾ ara mem! Imik Neyung ara alja wenelemnesilnya nenyek, ugunjinya danasil.

LUKAS 22:32

Simon o, anja dib senewoka ganya oloklelamaʾ anyek, goowoka denghegelyek aboka, nara ansamba heng uboka mololenggen. Anya anda nak saaboka yanalamaʾ seleb dara, anja weisab enyek sikja ganya migiba geb eleganesilim,” hyok.

YOHANES 1:42

Dara, Simon benyek Yesus bek bo yeilimok dara, Yesus adya Simon bek henga keemookanya wenhyok, ”Anda Yohanes bedya me Simon ululam. Wera Kefas aboka si silimnenjak,” hyok. (Kefas si ara, Petrus andanasa lelemak).

YOHANES 13:37

Petrus hnon heibok, ”Wenelesilimnya o, hekasa wen anak dobol yanggununggisinya do? Nara hyak ansamba leboka somoganesinya,” hyok.

YOHANES 16:27

Ugunda nak alda Imik Neyung ak ab yeilimok senewoka, wanaʾ nauba ulunulumaʾ anasa, Imik Neyung adya ugunuk hnon wanaʾ ulusilekanya, alja yokaʾ-yokaʾ ugunuk eleganasil.

YOHANES 21:12

Dara Yesus adya, ”Wera yeiniboka del yabalelulum,” hyok. Wera sikda nidyaʾ ara al banara Yesus ulumla senemekjok, sikja hnon anda heknya do aboka asaʾ ganya boboka, ben hnonok anaba heibnenggumek.

YOHANES 21:7

Wera danyek, Yesus adya hyak wanaʾ nauba ulumokaʾ alja yuba doro diriga bannya bedya Petrus bek, ”Ban ara Wenelesilnya benyaʾ,” hyok. Petrus bedya, ”Ban ara Wenelesilnya bera an,” yuba kemok dara, men gwirimok akleng era onoʾ ongobgogobok dara, mekek yoruwoka mek gemek bilimok.

YOHANES 8:42

Dara, Yesus adya Yahudi nang ek lebokaʾ ara, ”Imik Neyung ara ugunja neyung be yokaʾ ulumso dara, nara nabeyok ganya doboka salyaʾ lelem sokok an yanggubsa bok, Imik Neyung adya bokol yeilinyok anasa, ugunda nak wanaʾ ulumnesom.

RASUL 20:28

Anasa wera ugun dam nang pe diri bo uldalamunukanya, onoʾ Imik Neyung Geisinya adya ugunuk diri bo ulusinok aboka elegesuk Imik Neyung yuba donaʾ nimi nidyaʾ ak pe diri bo ulululum. Imik Neyung adya, alja me somogok pik uboka, yuba dolomak nang era, Imik Neyung adya alja domba pam dibaʾ dangiyisuk nang anyek, ugunja bo uboka diri ulululum.

RASUL 20:29

Nak anyaganyeb ara bannya dara, yu nong bei gam anyek ugun gangganek yanamak. Dara, ugunja bo ulumun nang era, bei gam danadya sikja digin dibaʾ denaʾ danamak ara, ella ulumna.

ROMA 14:1

Ganya dib senenaʾ hmengnya bek ara, aljinya leblenya nera keb loboka doblom.

ROMA 15:1

Nunda migib ulumab nim era sik hmeng ulumak nim ek sikja hmeng enyek nunja dob salalemnemabakanya, nunja perob senelemabnya nok ganya dobom-dobom yok-yok enaʾ mem.

1 KORINTUS 8:11

Wera anadya, anja ganya olowoka ella ululamjok unululamaʾ adya, yok nimi yuba dib senewoka ganya kanaʾ orok nim era, nera Kristus ara al benesa seleb somogok bok, orok dangamnaʾ anaso dangalamla.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.

EPESUS 6:24

Nunjaʾ Wenelesilnya Yesus Kristus ak orok dengaboka sarangganggunumla wanaʾ unaʾ edya, wanaʾ ululum nang ek wanaʾ uboka eleksinaʾ adya bo ulusulul. Nara Paulus bedya gibsin, perob.

IBRANI 13:20

Dara namenaʾ pe unaʾ eleklesil Imik Neyung era, embengaʾ eleganasin amok eneng pik uboka, domba pam senenggom dubnya, nunjaʾ Wenelesilnya Yesus ara somoknaʾ ak ab saawoka bo yoknya bedya,

IBRANI 4:13

Imik Neyung adya henga kemenaʾ ak ab dara, yokaʾ nidyaʾ hnon goʾ pe doknowamenggom. Alda yana lelewanasil dara, nara anasa unumsa aboka laga lebnemabnya bek, yokaʾ-yokaʾ nidyaʾ ara, nong baneng laga ok ulumla.

1 PETRUS 1:8

Ugunda wera Kristus ak ara heng eibnenggulumjok, wera alak wanaʾ ululum. Onoʾ wenera alak ara eilinaʾ orokjok, alak dib senelelum. Ban nenesa leboka ugunda wenera hyak ei-ei ganya bolomunukanya, hyak perob senewoka nauba eiya hlalalum.

1 PETRUS 2:2

Wenelesilnya bera hyak perobnya ulumlaʾ ara, ugumba seleb ella ululumaʾ anasa, ugunda wenyok beibna me neneso uboka, perob geisa moum soub mek enyek desinya senen ganya bololulum. Ban anadya ugunja ganya nebnesilikanya, blebnesil.

1 PETRUS 2:25

Youmaʾ dara, ugun nong ara weiningdangamna pam eneso ululum, bok wenyek dara, perob pama beilinaʾanya bek dobdo yeiniboka, ugunja ganya beiyiwoka bo usinya bek yeiniboka ululum.

1 YOHANES 4:19

Imik Neyung adya youmaʾ enyek nuk men wanaʾ ulusukaʾ anasa, nunda wenera wanaʾ ulumab.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

WAHYU 2:23

Anya gel genedya mab era, dengaboka obnamna. Anya, yuba donaʾ nimi nidyaʾ ara, nara nimi nong lomok ab ganya lomok eboka eillilesinya bek ulumnaʾ ara, ella danamak. Anasa leboka, ugunja nidyaʾ unululum sok sunuwoka ugumba deknesin.”