YOHANES 20:9 - PERJANJIAN BARU NALCA YUBA

⁹ (Sikda orowek Imik Neyung yuba momnya dobokaʾ ak sam, Yesus ara somogalya dara, winilinya sum embengaʾ suboka buknamla aboka, momnya dobokaʾ ara, anam elgom ulumek).

YOHANES 20:9 Խաչաձեւ Հղումներ

1 KORINTUS 15:4

Onoʾ, alda seleb soko lokek dara, winilyabaʾ sum era, seleb suboka embengaʾ welewokaʾ ara, Imik Neyung yuba momnya dobok.

LUKAS 24:26

Kristus, nimi blebsinaʾ dubnya bera, men dara, hyak nauba igina kweboka gweknamlakanya, eimik era alda imik senenggomnya dubnya nenewanamla henggubuk de?” hyok.

MATIUS 22:29

Wera anasa Yesus adya sikenek, ”Ugunda Imik Neyung yuba momnya dobokaʾ ab, Imik Neyung migib ab, elgom ululumaʾ adya, wera meknewoka leblum.

YOHANES 2:22

Dara, Yesus suboka sekok dara, alja diriga ban nang era, wenyamokaʾ orowek kemek bok adya, anyek lebok aboka bekemek. Dara onoʾ, alja diriga ban nang era, Imik Neyung yuba momnya dobokaʾ hnon, Yesus adya sikenek wenyamokaʾ hnon, seiniwoka dib senemek.

LUKAS 9:45

Bok Yesus yuba doro diriga ban nang edya dara, Yesus adya wenhyok yuba damok era, anasa lebla senewoka ella danggumek. Sikenek dara, ganya onga lesuk. Bok onoʾ sikjaʾ anaba Yesus ak hekaʾ ak leblam aboka heinaʾ ara lok anasa, lobek.

RASUL 2:24

Bok Imik Neyung migib adya Yesus ak nimi somoklomakaʾ gangganek ab, suboka embengaʾ bukiyimok. Alda somoknaʾ lomok sam unggulumnamso anasa, somoknaʾ damok adya doboka menegemok bok, Imik Neyung adya henga loboka blebiyimok,” hyok.

RASUL 17:3

Wera Imik Neyung yuba momnya doboka anyek sunuwoka, Paulus bedya Imik Neyung adya nimi blebsinaʾ dubnya eleganesin amoknya Kristus bera somogalyekanya onoʾ li winilinya sum era embengaʾ suboka buknamla aboka nekesuk. ”Imik Neyung adya nimi blebsinaʾ dubnya eleganesin wenyamoknya bera, Yesus aboka nadya ugunuk lero yalasin an,” hyok.