YOHANES 18:38 - PERJANJIAN BARU NALCA YUBA

³⁸ Dara, Pilatus bedya Yesus ak, ”Hek yub ek dib nong ulumla do?” aboka heibok. Dara, Pilatus bera ek gouboka beiyik yibiniboka Yahudi nim ek, ”Nara Yesus ak alja malya unaʾ hnon eibnenggumna.

YOHANES 18:38 Խաչաձեւ Հղումներ

YOHANES 19:4

Dara onoʾ, Pilatus bera ek abaʾ ara gouboka, Yahudi nim ek, ”Kendululum, Yesus ak doboka ugunuk bo yeilisinaʾ ara, damoka lelemnaʾ anyek, alja anyek okoka malya ulumlaʾ ara, eibnenggumnaʾ anasa, ugumba eiblulumaʾ aboka usin,” hyok.

YOHANES 19:6

Wera, Yahudi yuba wa gakaʾ dub nang eb, yin bonaʾ nang eb, Yesus ak eibik dara, ”Oboka gal ak glabnok, oboka gal ak glabnok,” wenyalamek bok, Pilatus bedya sikenek, ”Nara alja malya unaʾ uboka, damok anyek okoka eibsinya enyekaʾ, nera or ugunja ganya doboka oboka dibnelum,” aboka lebok.

LUKAS 23:4

Dara Pilatus bedya yuba wa gakaʾ dub nang eb nimi nauba longol yeilimek nang ebdak, ”Alak henga geregoka obnesengaʾ nong malya unaʾ enyek dib unulamlaʾ ara, nadya dara mekaʾ eibnenggubna,” hyok.

RASUL 17:32

Atena nim edya Paulus bedya nimi somogoka embengaʾ subnaʾ yuba lelemok enyek, nimi hnon adya sondaʾ anasa lelemla aboka Paulus bek oksellilimek. Anya onoʾ hnon lelemekja, ”Nunda hnon kebnemab anasa, onnya nenyek hnon yok sum saawoka lebsilom,” aboka lelemek.

1 PETRUS 1:19

alda hyak perob nongaʾ anyek deksuk. Kristus ara giriwaʾ deregoka menengaʾ unggulumla domba pam enesoʾ ak uboka, al Kristus alja eneng era, senenggom deknaʾ eneso eneng edya deksuk.

MARKUS 15:14

Wenyek Pilatus bera sikenek, ”Bok alda hekaʾ ak meknewok do?” aboka heibsuk. Bok nimi nauba longomek nim era, ”Alda bera, oboka gal ak glabnok,” aboka onoʾ nauba yeiriwoka lelemek.

MATIUS 27:24

Anedya Pilatus bera albeyok dookanya, yok nim era nauba adya, mem aboka yuba seknamen danggubuk. Anasa alda nimi hnoum laga meka doboka, alja soruka meka elekdangoka lebokaʾ ara, ”Ban somoganamlaʾ ara nadya huka bobnenggunumna! Nera ugunja huka borowolum!” hyok.

YOHANES 18:33

Dara, Pilatus bera saaboka senenggom ek wekoka, Yesus ak youboka, ”Anda aldib Yahudi nimi dubnya ululam de?” aboka heibok.