YOHANES 18:37 - PERJANJIAN BARU NALCA YUBA

³⁷ Dara, Pilatus bedya Yesus ak, ”Wera anasa, anda aldib dubnya ululam de?” aboka heibok. Dara, Yesus adya Pilatus bek, ”Nara dubnya henelem ara dib lelam. Nara sokok an yeilimsa dara, beiyinyekaʾ ara, nimi yok nim ek dib yub ak laga lebsununaʾ aboka yeilimsa. Anasa, dib yub ak wanaʾ ulumak nim era, nadya yuba kelemak,” hyok.

YOHANES 18:37 Խաչաձեւ Հղումներ

MATIUS 26:64

Anasa Yesus adya sikenek, ”Ugunja yub edya alan seleb wenyhelum an. Nara ugunuk dib lebnesin, Ban sum enyek moruwoka, nimi dibaʾ me nera Imik Neyung migibnya bedyaʾ sirikek sam bukla, anya alda imik sam debaʾ hnoum pik yanamla ak, eibnelum!” hyok.

MATIUS 27:11

Wera Yesus ara bo balamekaʾ ara, Yudea mok soko dubnya Pilatus bek bo byik. Dara, Pilatus bedya Yesus ak, ”Anak Yahudi nang dubnya ululam de?” wenyaboka heibok. Wenyek Yesus ara, ”Alan anja seleb lelam an,” hyok.

MARKUS 14:62

Wenyek Yesus adya lebokaʾ ara, ”Benera na an! Nimi dibaʾ me nera imik migibaʾ ululanya bedyaʾ sirikek sam buknamlakanya, debaʾ ganggan pik uboka yanggalya dara, anda eibnelam,” hyok.

MARKUS 15:2

Dara Pilatus bera Yesus ak, ”Anda Yahudi nimi dubnya ululam de?” wenyaboka heibuk. Wenyek Yesus ara, ”Alan, anja leblam an,” hyok.

LUKAS 22:70

Dara nimi nidyaʾ wekemek nim edya, ”Anda wenyhelemaʾ anasa, wera anda aldib Imik Neyung bedya me ululam de?” hyek. Yesus adya sikenek, ”Alan ugunja lelum an,” hyok.

LUKAS 23:3

Dara Pilatus bedya Yesus ak, ”Anda aldib Yahudi nim edya sikja dubnya ululam de?” aboka heibuk. Danyek Yesus adya, ”Alan anja lelam an,” hyok.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 1:17

Imik Neyung adya unuwanalum an yub ara Musa bedya elegesuk bok, wanaʾ uboka eleksinaʾ hnon, dib yub damoka hnon dara, Yesus Kristus adya bo yeilisuk.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 3:32

Alda seleb heng eiyimoknya hnon, o kemoknya hnon, nenyek laga neklesil bok, nimi nidyaʾ ara alja lelemla yuba pe keboka donggulumak.

YOHANES 7:17

Imik Neyung senelamlaʾ anyek, dib unuwonun senelelanya bera, nadya neklesinaʾ anara, nadya ok ganya doboka salyaʾ neklesin gom, Imik Neyung ak abaʾ ak neklesin gom ara ella danamla.

YOHANES 8:14

Bok, Yesus adya Parisi nang ek lebokja, ”Na yasaʾ ak ara, onoʾ saaboka binimnaʾ ara, ella ulumna bok, ugunuk dara, hyak dib lelemna.

YOHANES 8:45

Bok nak dara, dib yub ek lelesin bok, ugunda nak dib senenggulunulum.

YOHANES 8:46

Ugun gangganek ab nimi ben hnonja nak sam anda malya ulum aboka beknaʾ laga aawaneneso de? Orok bok dara, dib nong yuba lelemna dara, ugunda hekasa nak dib senenggulunulum do?

YOHANES 8:47

Imik Neyung ak, al yalamak nim era Imik Neyung yuba perob aboka ganya gwelelek aboka dolomak bok, ugunda Imik Neyung mabo dibaʾ unggululumaʾ adya, kenggululum,” hyok.

1 TIMOTIUS 6:13

Nidyaʾ yokaʾ-yokaʾ embengaʾ eleklesilnya, Imik Neyung hogung ak uboka, youmaʾ Pontus Pilatus be saramek sekoka pe laga nekemoknya Yesus Kristus hogung ak ulumabakanya, ban nidyaʾ ara anak orugenggen.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

1 YOHANES 2:21

Anasa wera, nadya ban ugunuk momnya doboka beibsinaʾ ara, ugunuk dib nong yub elgom ululumaʾ amba gom. Alda ugunda seleb ella uboka, onoʾ dib yuba lomok ab ara, sondaʾ damoka mekaʾ hnon lananggulumlaʾ ella ululumaʾ anasa, anara weboka beibsin.

1 YOHANES 3:14

Alda nunja ella ulumabnya nera, nunda somoknaʾ damok ok ab ara goubuka, embengaʾ unaʾ damok ok sam yeilimoubnya hnonok, ella ulumab. Nunda ban nen ella ulumabaʾ ara, nun kabo nim ek wanaʾ ulumabaʾ adya, anara ella ulumab. Wanaʾ unggulusilnya bera, wera weneba alda somoknaʾ lomok or anam ulumla.

1 YOHANES 3:19

Wera ban nenedya nuk dara, Imik Neyung alja mab ulumakaʾ ara ella uboka, onoʾ ban nenedya danyek Imik Neyung saramek ara, nunda pe ganya daboka ulumab.

1 YOHANES 4:6

Bok nuk dara, Imik Neyung ak ab nim ulumab. Dara, Imik Neyung ak ella ulumak nim era, nunja yuba kelemak. Bok, Imik Neyung ak ab unaʾ orok nim edya dara, nunja lelemab yub ek kenggulusak. Wera nunda ban adya dib ulumla ganya seininaʾ ab, sondaʾ anasa seininaʾ eb, ella dangalamab.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

WAHYU 1:4

Nadyaʾ hemyabo nim, sekbadya Asia sokok sam yuba don heikek yuba donaʾ nim ek gibsin! Ugunuk wanaʾ uboka eleksinaʾ ab, namen ganya unaʾ ab dara, al wen ululanya, youmaʾ ulumokaʾ ara, onoʾ eimik sobaʾ ulmorulumnelanya bedyaʾ ara ugunuk elegoka ulusulul, anya aljaʾ saramek sam sekbadya ganya edyaʾ anaba ugunuk elegoka ulusulul.

WAHYU 3:14

Laodikia heikek yuba donaʾ nim lero ek unu momnya dobnelamaʾ ara: ”Ban yub enera, Amin, yo aldib anaʾ damnya, yokaʾ-yokaʾ eiyiwoka aldib ulumla aboka, bojam uboka dib nong ok lelelanya, anya Imik Neyung adya yokaʾ-yokaʾ uyiwokaʾ nidyaʾ gaknya bedya yub era ban.