YOHANES 17:17 - PERJANJIAN BARU NALCA YUBA

¹⁷ Neyung o, anjaʾ dib yub edya, sikenek munaʾ nanga neneweisilom. Anja yub era, dib nong yub ara alan.

YOHANES 17:17 Խաչաձեւ Հղումներ

YOHANES 15:3

Nara ugunuk seleb elegeisisa yub edya, ugunda anaso seleb pewousuk.

EPESUS 5:26

Kristus adya alja yub ab dadya mek elegoka, sik yuba donaʾ nim era alja nong anyek doboka, geisa nenewoununaʾ aboka, al nong elegousuk.

YOHANES 17:19

Neyung o, sik nong anyek, munaʾ mem nimi danokaʾ aboka, na damnya anaba munaʾanya neneldalamna,” hyok.

YOHANES 8:32

Ban nenyek dib unulumun dara, aldib ugunda hekab-hekab dib ulumlaʾ ara ella danalumukanya, ban dib unaʾ enedya ugunuk gobdo lob lobnesil,” hyok.

YAKOBUS 1:21

Anasa wera, sob sembejaʾanya neb, yu ganya hwamnya neb dara, bobogolulum. Imik Neyung adya alja yub era ugunuk blebsin danasa migib ulumlaʾ anasa, ugunja ganya lomok sam melesilaʾ anyek, ugunja ganya sokok nenebdangoka doblulum.

2 TESALONIKA 2:13

Nunjaʾ hemyab Imik Neyung adya wanaʾ ulusil nim o! Anasa, Imik Neyung ugunuk blebnesin senewoka weboka dosuknya nenesa leboka, nunda sobaʾ Imik Neyung ak perob aboka giblemab. Ban unusukaʾ ara, Imik Neyung Geisinya adya, Imik Neyung adyaʾ geisa mabo nenewoka, ugun nong adya Imik Neyung ak ab perob nong yuba hnon dib senelumaʾ adya ubsuk.

EPESUS 4:21

Ugunda aldib alja yuba kelumukanya, al lomok ara dib yub ok ulumlaʾ sunuwoka nekesik dara, anasoʾ ununaʾ ella dangoka dobnenggulum.

LUKAS 8:15

Alda perob sokok sam yama yinggilimok aboka sunuwoknya nera, nim Imik Neyung yuba pe keboka, onoʾ ganya lomok beiyiboka pe uboka, bojam ulumak nim ek lebok. Dara ban nim era pe siklewoka ulumnekanya, yub ara pe yinaʾ meboka doka molulanya nera an,” hyok.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

RASUL 15:9

Imik Neyung ara nub sikeneb weboka boknenggusuk. Alda Imik Neyung ak dib senemekaʾ adya sikja ganya mek elegeiyisuk.

LUKAS 8:11

”Wera yinaʾ bo bolol bilimokaʾ sununaʾ damok ara ban: Yinaʾ ara Imik Neyung yuba.

YOHANES 8:40

Nara Imik Neyung ak ab, dib yuba keboka neklesin bok, ugunda nak obnenobaʾ aboka dulunulum. Abraham bek dara, ban anaso unuwanggumok.