YOHANES 16:33 - PERJANJIAN BARU NALCA YUBA

³³ Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

YOHANES 16:33 Խաչաձեւ Հղումներ

YOHANES 14:27

Ganya daboka unaʾ ara ugunuk lobonggo binisin. Narinya nenyek ugunuk elegoka lo binisin. Sokok anyeb eleklesilnya nenesoʾ ak eleganggunusin. Anasa, ugunda mounduk-mounduk aboka lok ganya bonggom,” hyok.

1 YOHANES 5:4

Anasa wera, Imik Neyung mab ulumak nim era, sokok an malya unaʾ hwam ulumlaʾ ara, migib adya ol lamaklamak. Dara onoʾ nenyek dara, nunja dib senenaʾ adya ara, sokok an yokaʾ-yokaʾ ol lamaklamab.

2 TESALONIKA 3:16

Wenelesilnya bera nuk penaʾ ul eleksilnya ulumla. Anasa, Wenelesilnya bedya ugunuk perob unaʾ ara yokaʾ-yokaʾ nidyaʾ ara ugunuk eleklesulul. Imik Neyung ara ugunuk nidyaʾ nang ek arawoka bo ulusulul.

1 YOHANES 4:4

Bok najabo yab, ugunuk dara, Imik Neyung alja mab ululum. Sokok an ululanya nera mek so bok, ugunuk ulusil Geisinya bera, senenggomaʾ migibaʾ ulusilaʾ anasa, wera ugunda sondaʾ anasa ununumnaʾ lelemab alamak nang ek, ugunja seleb oblamagelum.

PILIPI 4:7

Ban unulumun dara, Imik Neyung alja nim adya mekaʾ ella unggulumak unaʾ adya, Kristus Yesus pik uboka, ugunja ganya seininaʾ nidyaʾ diri bo ulumnesil.

1 PETRUS 5:9

Nimi nidyaʾ nunjaʾ hemyabo mok soko me nidyaʾ sikba igina kweboka numba gweklemab sok gweklemak bok anasa, Iblis ak ara, ugunja yuba dib senen ganya enyek hyak nauba adya alak ara pe welsinilelulum.

YOHANES 14:1

”Ugunda ganya mounduk-mounduk anggom. Imik Neyung ak dib senewomunukanya, onoʾ nak hnon dib senewonululum.

2 TIMOTIUS 3:12

Anasa wera, nimi nidyaʾ Yesus Kristus ablaboka neikaʾ kwebdangoka uboka, Imik Neyung amba gobdo geisa ulunob senelemak nim ek, lobaʾ nenewoka ol neblemnesak.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

WAHYU 3:21

Nara malya unaʾ oblamagoka nadyaʾ neyung beb alja eklaʾ bunaʾ ak sam neikaʾ bulunuma sok, heknedya malya unaʾ ak ab oblamaganalanya bera, nadya bulumna ekla bunaʾ ak sam or neikaʾ buknenam aboka lebnamna.”

IBRANI 11:25

Nera alda or seʾ amba malya unaʾ ak abnya nenyek eiya hlaboka un danegom, alda Imik Neyung adya nim eblawoka igina kweboka unya nenyek perob senelemok.

WAHYU 7:14

Dara nadya benyek an, ”Nadyaʾ neyung o, anda seleb ella ululam,” hesa. Dara onoʾ alja nak, ”Wera an nang enera igina kweboka okna ulusilaʾ ak ab gobek nang era an. Sikja akleng era, domba me eneng adya seleb meka elegoka, geisa nenerobaʾ ak ulumak nang era an.

1 TESALONIKA 3:7

Hemyab o, ban nenesa leboka, nuk yokaʾ-yokaʾ adya igina kweboka, okna berelesilaʾ anaba, ugunuk pe ulumak anaʾ kelemabaʾ adya, ganya sangal eleklesil. Ugunja Kristus ak dib senelelumaʾ adya, nunja ganya nauba perob senelemab.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

KOLOSE 1:20

Anya Imik Neyung adya, alda yokaʾ-yokaʾ ab, al nong ab, neikaʾ hibnunaʾ aboka dara, or sokok an ulumlaʾ gom, imik heik ulumlaʾ gom, alda yokaʾ-yokaʾ neikaʾ ara hiyiwousununaʾ aboka, Kristus obek gal eneng pik seleb neikek hiyiwousuk.

2 KORINTUS 1:3

Nunjaʾ Wenelesilnya Yesus Kristus alja neyung Imik Neyung ak sobaʾ giblenob. Imik Neyung ara alda hyak angoo yadyek senewoka unulusilnya bek ulumlakanya, onoʾ alda nim ek heknaʾ ganya lanalamlaʾ damoknya Imik Neyung ek ulumla.

2 KORINTUS 13:11

Anya wera, hemyabo nim o, ugunda sobaʾ ei-ei ganya ok boboka, ganya kaboka pe ulunob ganya sobaʾ bololulum. Heknaʾ ganya hnon bololulum. Ugunda neik ganya ok boboka, neikaʾ kwebdangoka ulululum. Dara, Imik Neyung wanaʾ hwam ok uboka, heknaʾ ok ululanya bedya ugunuk ok ulumnesil.

1 TESALONIKA 3:4

Nunda neikaʾ ugunub ulumouba sum era, nunda eimik era igina nauba kwebnesilaʾ ak yuba dobab asubaʾ ara ugunda seleb ella ululum. Wera nera aldib gigiwoka ugun gangganek an unulusilaʾ ara, eillilelum.

GALATIA 6:14

Nak dara, yokaʾ-yokaʾ anyek pelemla aboka nonggo anaʾ ara, unuwanggunusinya bok, nunjaʾ Wenelesilnya Yesus Kristus gal dubuk somogosukaʾ amba danyek ok unuwanasinya. Wera Kristus anyek gal dubuk somogokaʾ adya danyek, sokok an ululanya nedya nak benewoka glinggulunelekanya, nara soko amba seleb somogamnaʾ anaso ulumna.

2 KORINTUS 7:4

Nara ugunda pe unulumnemakaʾ anyaʾ senelesin. Nara ugunuk nauba gigilesin. Nunda yok-yok igin edya kweboka ol neblesil bok, ugunja unaʾ edya, ganya hekel eleklenulum. Anya nadya ganya era, anadya nauba eiya dablenel!

RASUL 27:25

Anasa, hemyab o, ugunda hyak ganya siklewoka ulululum. Nara Imik Neyung adya nak seleb unuwanamna aboka wenyanel sok aldib unuwanamla senelamna.

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

RASUL 9:31

Dara wenyek, Imik Neyung yuba donaʾ nim anyek, Yudea sokok hnon, Galilea sokok hnon, Samaria moka hnon, ulumek nim era, kaboka pe ulumek. Imik Neyung Geisinya adya arawoka, sikda Wenelesilnya bek lok ganya boboka, yuba dolomek nimi nidyaʾ ara, ganya gasa kaboka, sik nonga yuba dolomek, anaba nauba danggiga balamok.

YOHANES 12:31

Wera, sokok an yana lelewanamla salek era, seleb yalaʾ anasa, sikja dubnya bera eleboka boboganamla.

LUKAS 2:14

”Senenggomaʾ perobaʾ ara, Imik Neyung hyak imik ululanya bembakanya, ganya hekoka namenaʾ pe unaʾ ara, sik sokok an alak urumuk dangalamlya nim emba ulumnamla,” wenyaro giblemek.

RASUL 27:22

”Bok onoʾ wenebabya ganya siklewoka ulululum aboka moloweisin. Wera nun nong ak dara, somoknaʾ ara somoganggunumab bok, alda mek ekla bunaʾ ak hnonok weiningganamab. Anasa, ganya siklewoka ulululum aboka nara ugunuk nauba leb wenewesin.

LUKAS 19:38

Dara sikja lelemekja, ”Wenelesilnya bedya si pik moruboka yok dubnya bera aljaʾ senedya migibaʾ ara hyak pe ululul! Imik heikek ara, perobaʾ anyek uboka, Imik Neyung ak sobaʾ giblenok e!” alamek.

RASUL 23:11

Dara onoʾ nenyek mabok sum enyek, Wenelesilnya Yesus bera, lendara dib Paulus berem sekoka, ”Anda ganya dabogalom,” hyok. ”Anyagan Yerusalem heikek nasamba laga lelelum sok, Roma heikek anaba neik so unulumnalam,” hyok.

IBRANI 7:2

Dara Abraham bera mal oldalamekaʾ ak ab alawoka domok bonaʾ era, sagonya hnon bokoka Melkisedek bek elegemok. (Melkisedek an si nera men dara, ”Jong unaʾ dubnya,” dara onoʾ Salem heikek dubnya ulumokaʾ anasa, wera alja si nera hnonda, ”Pe namen unaʾ dubnya,” alamek.)

YOHANES 16:11

Sokok an dubnya bek seleb yana lelewoka igin yakaʾ alsamba seleb ulumlaʾ anasa, yana lelesinaʾ ak meknewoka seinilimak.

MATIUS 9:2

Heik enyek anara, nimi ben hnon esonaʾ adya yangawoka bo yeilimek. Bo yeilimek nim edya dib senenaʾ ara, Yesus adya eiyisuk dara, alda neiknaʾanya bek, ”Najab o, or anja ganya hekgulul! Anja malya unaʾ era seleb anak ab memenggen bar!” hyok.

2 KORINTUS 2:14

Bok nunda Imik Neyung ak perob aboka sobaʾ giblemab! Al Imik Neyung welemlaʾ adya nuk sam ara, Kristus pik uboka yokaʾ-yokaʾ ak hmenga nenewoka ollamaklamab. Onoʾ alda nu pik uboka alak ella dangan gen-gen songaʾ anasoʾ ak, mok soko me nidyaʾ olleleklamla.

2 KORINTUS 4:7

Bok ban geisa perobaʾ ara, nu soko adya uyisuk nimi nong lomok bolomab. Wera an unulumabnya nera, senenggom migib era nuk an unggulumla, alda Imik Neyung ak ulumlaʾ anyek laga dolulaʾ aboka ulumab.

2 KORINTUS 6:4

Yokaʾ-yokaʾ nidyaʾ ak anaba, nunda Imik Neyung adya perob wa wen nang beknaʾ dangalasululaʾ aboka laga amalasab. Ganya nauba siklenaʾ adya hnon, igina kwesinaʾ adya hnon, gak denaʾ unaʾ adya hnon, laga amalamab.

1 YOHANES 2:13

Neyung yab o, ban ugunuk momnya dobsinaʾ ara, men youmaʾ youbuka ulumoknya bek seleb ella ululumaʾ anasa, ubsin. Goubenya nang o, ugunuk ara yu hwam bisaʾ enyek seleb oblamakalumaʾ anasa, momnya dobsin.