YOHANES 12:50 - PERJANJIAN BARU NALCA YUBA

⁵⁰ Imik Neyung bedya oruklesilaʾ ara, embengaʾ unaʾ eleklesilaʾ ara, nara ella ulumna. Anasa, hekaʾ ak nadya lelemnaʾ ara, neyung bedya anyek leb elegeisilom alamlaʾ anyek ok lelemna,” hyok.

YOHANES 12:50 Խաչաձեւ Հղումներ

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 6:68

Dara, Simon Petrus bedya Yesus ak, ”Neyung o, nunda heknya ak binisibya do? Embengaʾ ulmoubnaʾ yub ara anak danyek ulumla.

YOHANES 6:63

Embengaʾ ulmoubnaʾ dibaʾ ara Imik Neyung Geisinya adya eleklesil. Nimi nonga migib ara nera salyaʾ nong anasa, nadya ugunuk lelesin yub era, ganya ak anasa, sikda embengaʾ ulumak.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

1 YOHANES 2:25

Anya wera, al ban damok enyek, Imik Neyung adyaʾ anaba orowek nuk seleb eleganesin husukaʾ ara, dib embengaʾ ulmoubnaʾ damok ak eleganesin, hyok.

1 TIMOTIUS 1:16

Bok ban nak malya unaʾanya bek an ununyoknya nera, Yesus Kristus adya nim ek angoo yadyek senewoka arasinaʾ anyek aawosululaʾ aboka nak unyok. Nak dara, hyak malya unaʾ hwamnya ulusebok anasa, Imik Neyung ak dib senewoka embengaʾ unaʾ dobnemak nim enyek eiyiwoka unuwanokaʾ aboka, nak men ununyok.

YOHANES 20:31

Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

YOHANES 5:19

Wera an ara Yesus adya Yahudi dub nang ek, ”Wera ban lebnesinaʾ ara dib lebnesin, Alja me nedya yokaʾ-yokaʾ unulamlaʾ ara, alja migib edya ok ganya doboka wenggulumla. Alja unululanya nera aljaʾ neyung bedya seleb unulamlaʾ anyek eiyiboka unulamla. Anasa wera, neyung bedya unulamlaʾ anyek, alja me neneba neikik unulamla.

YOHANES 8:28

Anasa wera, Yesus adya onoʾ sikenek ara, ”Ugunda Imik Neyung adya bokol yeilimoknya nimi dibaʾ me, imik beibnelum sum enyek, nara heknya ulumnaʾ ara, ella danalum. Dara, onoʾ nadya yokaʾ-yokaʾ unulamnaʾ ara alja ganya doboka ununggulumok, alda al bokol yeilimoknya bedya lelemokaʾ ok sunuwoka lelemokaʾ ara, ella danalum.