YOHANES 12:48 - PERJANJIAN BARU NALCA YUBA

⁴⁸ Heknedya nak lek senewoka lolonelekanya, nadya yub ek dib donaʾ lolomla dara, alak yana lelewanalanya bera seleb orowek ulumla. Nera nadya lemsa yub edya sidyaʾ daknamla sum eimik alak yana lelewanamla.

YOHANES 12:48 Խաչաձեւ Հղումներ

MATIUS 10:15

Ban dib lebsin, Soko sidyaʾ daknamla sum era, Sodom heik nim eb, Gomora heik nim era, Imik Neyung adya dara, sikenek igina kwesinaʾ ara mek so bok, ugunuk lek henesak nim ek dara, igina nauba danamla!” hyok.

MATIUS 21:42

Danyek Yesus adya sikenek, ”Ugunda Imik Neyung yuba momnya dobokaʾ ara hnon mekaʾ eininggululum de? E sonaʾ nang edya, loboka e songgulumak girik era, men perob girika dangamok. Anera Imik Neyung adya unusukaʾ ara an, perob nongaʾ senelemab e! aro momnya dobok,” hyok.

MATIUS 25:31

”Nimi dibaʾ me alja nong senedyaʾ gebman yanggalya sum era, alja lero nanga nidyaʾ ara akneb ganagoka yanamlakanya, aljaʾ perob ekla bunaʾ ak sam dubnya senenggomnya geknebaʾ dangoka bulumnamla.

MARKUS 12:10

Ugunda ban yub en Imik Neyung yuba momnya dobokaʾ ara, hnon eininggululum de? Nim e son nang edya lorob girik era, men beiyiboka sunun girika dangoka ulumla.

MARKUS 16:16

Nimi nidyaʾ yuba dib senenggulumeija nim era, igina kweiyiwanesil bok, yuba dib senewoka meka dalesija nim era, blebnesil.

MARKUS 8:31

Nen seleb dara, Yesus ara alja yuba doro diriga ban nang ek, ”Nimi dibaʾ me nera hyak nauba oka deregoka gweknamla. Anya Yahudi dub nang eb, yuba wa gakaʾ dub nang eb, yuba neksin nang eb dadya, alak malya gebija dara, dibaʾ obnemak, bok winilinya sum era embengaʾ suboka buknamla,” aboka neksuk.

LUKAS 10:16

Anya Yesus ara alja yuba doro diriga ban nang ek, ”Nim ugunja yuba kelesak nim era, sikda nadya yub ek kelenyak. Alda ugunuk lek alasak nim era, sikda nak lek alanyak. Anya wera, nak lek alanyak nim era, sikda nadyaʾ neyung be na bokol yeilinyoknya bek, lek alamak,” hyok.

LUKAS 17:25

Bok men dara, wen ulumak nim edya nimi dibaʾ me donaʾ loboka, alda igina kweboka nauba gweknamla.

LUKAS 20:17

Dara Yesus ara sikenek keebdaboka lebsukaʾ ara, ”Anasa yuba ban hnon ulumlaʾ ara, E sonaʾ nang edya e denewoka sobnenggumekaʾ lobek girik era, men youboka perobnya dal, aboka Imik Neyung yuba bukuk sam momnya dobokaʾ ara, damok ara hekaʾ ak lebok do?

LUKAS 7:30

Bok Parisi nang eb, Imik Neyung yuba neksin nang eb dara, Imik Neyung adya unu webnesin senemokaʾ damok ara, dobnenggunumab aboka lek senemek. Dara onoʾ sikda hnon Yohanes bedya dara, meka dabsilyek senemek.

LUKAS 9:22

Anya Yesus ara lebokja, ”Nimi dibaʾ me ara, nauba gweknamlaʾ ara, Yahudi dub nang eb, Imik Neyung yuba wa gakaʾ dub nang eb, yuba neksin nang eb dadya, malya nenewanamak. Alda hyakaʾ obnemak bok, winilinya sum yenewalya dara, onoʾ embengaʾ subnamla,” hyok.

LUKAS 9:26

Nimi ben hnon nadya lelemna yub eb, nasamba danyek laga lenaʾ ara alya anasa lolonelnya bera, nimi dibaʾ me yanamla sum era, Imik Neyung Wenelesilnya bedya migib eb, geisa ulumak lero nang eb senenggomaʾ yanamak sum era, nababya alya anasa, benyek albabya alja si laga lenaʾ lobnamna.

YOHANES 11:24

Dara, Marta gedya leboknya nera, ”Sidyaʾ daknamla sum, nim embengaʾ bukiyiwanasil sum, albabya embengaʾ suboka buknamlaʾ ara, nara seleb ella ulumna,” hyok.

YOHANES 5:45

Ugunja dara, nadya neyung bedya saramek sam, aladya malya gebiyiwanesil senen ganya bonenggom mem. Ugunja dibnya senelelumnya Musa bedya malya gebiyiwanesil.

YOHANES 6:39

Na imik heikek ab bokol yeilinyoknya bedya dara, nak seinilenela ara, alja nak eleklenelnya nera, ben hnonok sirik anababya weininggoka denganaʾ ara mem. Anasa, alda nidyaʾ gobdo sidyaʾ daknamla sum era, embengaʾ bukiyiwosulul, senelenel.

YOHANES 8:47

Imik Neyung ak, al yalamak nim era Imik Neyung yuba perob aboka ganya gwelelek aboka dolomak bok, ugunda Imik Neyung mabo dibaʾ unggululumaʾ adya, kenggululum,” hyok.

RASUL 17:31

Anasa wera, Imik Neyung adya nimi nidyaʾ soko ak ulumaknya nenera, pe jong yana lelewanesin senewoka seleb li orowek gegewoka dibuk. Ban unuwoka yana lelewoka ubnesilnya bera orowek Imik Neyung benedya unuwanamla aboka gegebok. Dara, nimi nidyaʾ anara dib senewoka ella danokaʾ aboka dara, nimi somoknaʾ ak ab sam, bera seleb embengaʾ suboka bukiyibok,” hyok.

RASUL 3:23

Wera anasa, ben hnon ban senenggom ununumnaʾ lenya bedya yuba pe kebnenggunulanya bera, alja heik nimi hogunguk ab garawoka orok nenewanamla, wenyaboka Musa bedya lebok.

ROMA 2:16

Nadya perob lero yanggan yub lelemnaʾ sunuwoka, nimi ganya lomok yokaʾ-yokaʾ doknolomakaʾ ulusilaʾ nidyaʾ ara, Imik Neyung adya Kristus Yesus pik uboka yana lelewanesil sum era, banera unuwanamla.

2 KORINTUS 4:3

Nunja perob lero yanggan yuba lelemabaʾ ara, hnon nim ek dara, pe olowoka ella damenggom ulumeija dara, wera nera sikda somoganobaʾ aboka, ulumeija nim ek anyek pika seregeledya.

2 TESALONIKA 1:8

dara alda imik ab uk bokaʾ nang penya yeiniboka, nimi nidyaʾ Imik Neyung yuba ganya dibla henggonggom uboka, Imik Neyung adya perob lero yanggan yuba lelesilaʾ sunuwoka unggulumak nim ek ara, obnesil.

IBRANI 10:25

Imik Neyung yuba longolomabaʾ ara longgom mem. Nimi hnon lolomak sok neik so ununggom. Nunda ganya gwelelek aboka yokaʾ-yokaʾ unuldalamnamab. Wenelesilnya bera mek anam yanalabok anasa, nunda sobaʾ nauba so wenebdangoka uldalamnamab.

IBRANI 12:25

Dara ugunda ban yuba leboknya bek lobmunuk aboka pe keboka unulululum. An nenera sik alak sokok an Imik Neyung yuba leboknya benyek lomek dara, sikda hyak merewanggumek. Anasa nunda wanok, nunda alak imik heik ab yuba salalanya bek lobnemab dara, merewanggunumab.

IBRANI 2:3

nunda senenggom blebsinaʾ damok ek, dolbaleka gebnesibya dara, igin eleknaʾ lobnesusu de? Ban blebsinaʾ damok enera, Wenelesilnya bedya men leb elegesuukanya, alak ab kemek nim edya, nuk aldib an beknaʾ elegesik.

IBRANI 4:12

Imik Neyung yub ara, embengaʾ ab, migibaʾ ab, yok-yok mal si nek ab dara, hyak yu nongaʾ ak ulumla. Imik Neyung yub ara, nimi nong ab, nimi ganya ab, lomok wekoka bokol meneklamla, onoʾ yok ab, nolonggwerenaʾ ab, ana lomok anaba bokol meneklamla. Anya, nimi ganya seininaʾ ab, unuwesinya ganya eb danaba, yok-yok nenewoka ella ulumla.

1 PETRUS 1:5

Ugunda Imik Neyung migib adya bo ulusil nim ek, ban bonaʾ era ugunsambaʾ ak beillilesil. Yokaʾ-yokaʾ nidyaʾ denghenemla sum enyek, al laga danamla, Imik Neyung nimi blebsinaʾ damoka beibukaʾ anyek, dibaʾ dobnokaʾ aboka, ugunja dib senenaʾ adya, ugun nonga migiba geboka bo ulusil.

2 PETRUS 3:3

Ugunda men nonogoka beknelumaʾ nong ara, yokaʾ-yokaʾ sidyaʾ daknamla sum era, nimi nauba malya ulumakaʾ adya ok wekdeknewoka ulumak nim enyek boboka lanawanamak. Sikja ugunuk derewoka walamnesak.

2 PETRUS 3:7

Bok wen an ulumla im eb soko ab dara, Imik Neyung yub adya bo ulumlaʾ ara onoʾ eimik uka dabnamlaʾ ak ulumla. Wera soko ab im ab dara, Imik Neyung adya or bo ulumlyaʾ ara, nimi malya unaʾ hwam ok ulumak nimi yana lelewanesil sum enyek, uka dabnamla.