YOHANES 12:42 - PERJANJIAN BARU NALCA YUBA

⁴² Bok, Yahudi dub nang edya, nimi nauba darasam Yesus ak dib senewoka dolomek. Bok, Parisi nang edya, Yahudi nang Imik Neyung gibnaʾ ek weknaʾ mem hisijek aboka, lok anasa, Yesus ak dib senelemab anaʾ ara doknowoka lolomek.

YOHANES 12:42 Խաչաձեւ Հղումներ

MATIUS 10:32

”Heknedya nimi hnoum ab, nara Yesus yuba doboka diriga balananya aboka laga lelemla dara, nababya neyung imik ululanya saramek sam ab uboka albabya laga lebnamna.

LUKAS 12:8

”Ugunuk dib lebsin, nimi ben hnon ara, nimi hnoum nara Yesus ak diriga bannya ulumna aboka laga lebnamla dara, albabya nimi dibaʾ me nedya Imik Neyung lero nang hogung ak sam laga lebnamla.

LUKAS 23:13

Pilatus bera yuba wa gakaʾ dub nang eb, yuba neksin nang eb dem salyaʾ nim eb mamagiyiwosuk.

LUKAS 6:22

Nimi dibaʾ me nemba leboka, sikda ugunuk walamnesak, hnonda bisaʾ si ak geklewoka derelemnesak, hnonda malya nenewoka di songa leboka walasija dara, wera pe ululum.

YOHANES 11:45

Dara, Yahudi nimi nauba Maria gek nimi saleka bukoka ul yeilimek nim edya, Yesus adya ban unuwoka Lazarus bek embengaʾ suboka bukiyiwokaʾ ak eibek dara, alak dib senewoka domek.

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

YOHANES 19:38

Ban eini nidyaʾ unumokaʾ seleb dara, nimi Yusuf Arematea mok ebnya bedya, Pilatus bek, ”Yesus ara beʾ dakoka dibnamna goma?” aboka molol bilimok. (Yusuf bera Imik Neyung yuba doboka Yesus adya diriga ban nang ulumok bok, Yahudi nang anyek lok anasa, laga lenggulumok.) Dara, Pilatus bedya, ”Or unuwanalam,” hyok dara, bindiwoka Yesus anyek beʾ gala dakoka domok.

YOHANES 3:2

inimnek enyek, Yesus ak sam yeiniboka, ”Neyung neklesilimnya o, anja yokaʾ-yokaʾ migib unululamaʾ anyek, Imik Neyung adya anak aragenaʾ orok dara, wera unuwanggunusomaʾ anasa, anak dara Imik Neyung adya aldib sokok sam neksinya bokol yeilinjoknya bek ululamaʾ ara, nunda ella ulumab,” hyok.

YOHANES 7:13

Bok, Yahudi dub nang enyek lok anasa, nimi ben hnonok adyaʾ anaba, laga lebnenggumek.

YOHANES 7:31

Bok, nimi nauba longomek nim era Yesus ak dib senewoka lelemekja, ”Kristus adya nimi blebnesil aboka eimik eleganesilnya yalya dara, ban ben unulamla sok, yokaʾ-yokaʾ lok soʾ anyek beknaʾ dibaʾ unuwanamla de?” hyek.

YOHANES 9:34

Dara, Yahudi nang edya alak lebekja, ”Anda hyak beiyik ab beibjeknya bok anasa, anja nuk neklesilimaʾ de? bilom,” aboka yakek.

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

ROMA 10:10

Dara nimi ganya anedya aldib senelemak dara, perobaʾ nenelesil. Anya sibamaʾ adya laga lelemak dara, bleblesil.

1 YOHANES 4:15

Heknedya Yesus ara Imik Neyung bedya me aboka laga lelemla dara, Imik Neyung ara al lomok ulumlakanya, bera onoʾ Imik Neyung lomok ulumla.

1 YOHANES 4:2

Wera ugunja nera, Imik Neyung ak ab ganya seininaʾ ara ban, anya yok seininaʾ era ban, aboka okoka beknaʾ ella danalumaʾ ara, ban adya ella danalum: Yesus Kristus ara sokok an nimi dangoka yeilimok aboka, laga lelelanya benyek, wera Imik Neyung ak ab seinilelanya bera an.